சினிமாவில் வாய்ப்புகள் குறைந்ததால் திருமணம் செய்துக் கொண்ட நடிகை ஸ்ரேயாவுக்கு திருமணத்திற்குப் பிறகு அதிஷ்ரம் அடித்திருக்கிறது.ஆம் திருமணத்திற்குப் பிறகு சில தெலுங்குப் பட வாய்ப்புகளைப் பெற்ற ஸ்ரேயா, தற்போது தமிழ்ப் படம் ஒன்றிலும் நடித்து வருகிறார்.
’சண்டகாரி – த பாஸ்’ என்ற தலைப்பில் உருவாகும் இப்படத்தில் ஹீரோவாக விமல் நடிக்கிறார். அவருக்கு ஜோடியாக முதல் முறையாக ஸ்ரேயா நடிக்கிறார். ஆர்.மாதேஷ் இப்படத்தை இயக்குகிறார்.
பாஸ் புரொடக்ஷன்ஸ் கார்ப்பரேசன் மற்றும் மெட்ரோ நெட் மல்டிமீடியா நிறுவனங்கள் இணைந்து வழங்க, ஜெ.ஜெயகுமார் மிக பிரம்மாண்டமான முறையில் தயாரிக்கும் இப்படத்திற்கு குருதேவ் ஒளிப்பதிவு செய்ய, அம்ரீஷ் இசையமைக்கிறார்.
கபிலன், விவேக் பாடல்கள் எழுதுகிறார்கள். தினேஷ் எடிட்டிங் செய்ய, அபீப் நடனம் அமைக்கிறார். கனல் கண்ணன் சண்டைக்காட்சிகளை வடிவமைக்கிறார்.
