சூப்பர் ஹிட் படத்தின் 2-ம் பாகத்தில் நடிக்கும் சித்தார்த்!

417

சித்தார்த்…

வித்தியாசமான கதையம்சம் உள்ள படங்களை தேர்ந்தெடுத்து நடிக்கும் சித்தார்த், அடுத்ததாக சூப்பர் ஹிட் படத்தின் 2-ம் பாகத்தில் நடிக்க உள்ளாராம்.

சித்தார்த் நடிப்பில் கடந்த 2017-ம் ஆண்டு வெளியான ‘அவள்’ படத்தின் மூலம் இயக்குனராக அறிமுகமானவர் மிலிந்த் ராவ். ரசிகர்களிடையே நல்ல வரவேற்பை பெற்ற இப்படம் வசூலையும் வாரிக் குவித்தது.

இதனைத் தொடர்ந்து தற்போது நயன்தாரா நடிக்கும் ‘நெற்றிக்கண்’ படத்தை மிலிந்த் ராவ் இயக்குகிறார். இப்படத்தை ரவுடி பிக்சர்ஸ் சார்பில் விக்னேஷ் சிவன் தயாரித்து வருகிறார். விரைவில் இப்படம் ரிலீசாக உள்ளது.

இந்நிலையில், மிலிந்த் ராவ் அடுத்ததாக இயக்கும் படம் குறித்த தகவல் வெளியாகி உள்ளது. அதன்படி அவள் படத்தின் இரண்டாம் பாகத்தின் கதையை அவர் எழுதி முடித்துவிட்டாராம்.

முதல் பாகத்தில் நடித்த சித்தார்த் தான் இதிலும் ஹீரோவாக நடிக்க உள்ளாராம். விரைவில் இதுகுறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.