கீர்த்தி சுரேஷ்..
சிவகார்த்திகேயன் நடித்த ரஜினி முருகன், ரெமோ ஆகிய திரைப்படங்கள் மூலம் ரசிகர்களிடம் பிரபலமானவர் கீர்த்தி சுரேஷ்.
விஜயுடன் சர்கார், பைரவா ஆகிய படங்களிலும், விக்ரமுடன் சாமி ஸ்கொயர் படத்திலும், தனுஷுடன் தொடரி படத்திலும் நடித்தார். பெண்குவின் போன்ற பெண் கதாபாத்திரத்திற்கு முக்கியத்துவம் உள்ள படத்திலும் நடித்தார்.
தமிழ் மட்டுமின்றி தெலுங்கு படங்களிலும் நடித்து வருகிறார். அங்கு, பழம்பெரும் நடிகை சாவித்ரியின் வாழ்க்கை கதையை அடிப்படையாக வைத்து உருவான ‘மகாநடி’ படத்தில் சிறப்பாக நடித்து தேசிய விருதை பெற்றார். ஒருபக்கம் மசாலா படங்களிலும், தங்கை வேடங்களிலும் நடித்து வருகிறார்.
ரஜினி நடித்த அண்ணாத்த படத்திலும் அவரின் தங்கையாக நடித்திருந்தார். சாணி காயிதம் படத்திலும் செல்வராகவனின் தங்கையாக நடித்துள்ளார்.ஒருபக்கம் ரசிகர்களை சுண்டி இழுக்கும் வகையில் அழகான உடைகளை அணிந்து போஸ் கொடுத்து ரசிகர்களை கவர்ந்து வருகிறார்.
இந்நிலையில், அவர் புதிதாக நடித்து வரும் ஒரு திரைப்படத்தின் பாடல் காட்சி தொடர்பான புகைப்படங்களை பகிர்ந்துள்ளார். இந்த புகைப்படங்கள் இணையத்தில் வைரலாகி வருகிறது.
