28YearsOfBeIovedVlJAY – நாளைய தீர்ப்பு முதல் மாஸ்டர் வரை – 28வது ஆண்டைக் கொண்டாடும் ரசிகர்கள் !!

94

விஜய்………

“ஆரம்பத்துல என் முகத்தை பார்க்க காசு கொடுத்து Theaterக்கு வரணுமானு விமர்சனம் எழுதி சிரிச்சாங்க” அப்படி விமர்சனம் எழுதின அதே வார இதழ் Cover போட்டோவாக விஜயின் போட்டோவை கேட்டது தான் இந்த தளபதியின் முதல் சாதனை. நாளைய தீர்ப்பில் ஆரம்பிச்சு பிகில் வரை இவர் சந்திக்காத விமர்சனங்களை கிடையாது.

இன்னும் சொல்லப்போனால், விஜய் விமர்சனத்தின் செல்லப் பிள்ளையாகவே மாறினார். ஆனால் தொடர்ந்து அவருடைய வெற்றிகள் விமர்சனத்திற்கு அவரை விரோதியாகவும் ஆகிவிட்டது. “இதெல்லாம் ஒரு மூஞ்சி, அப்பானால வந்துட்டான்”, “நடிப்பு வரமாட்டேங்குது, பார்க்க நல்லா இல்ல, கலர் கம்மி” “ஏதோ பரவாயில்லை ஆனா இது ரீமேக் “, “ரீமேக்காக இருந்தாலும் நம்ம தமிழுக்கு ஏற்ற மாதிரி நல்லாதான் இருக்கு”, “இந்த பையன் படம்னா ஜாலியா குழந்தைகளோட பார்க்கலாம்”, “இந்தப் விஜய் படம்னா மட்டும் தான்யா குடும்பத்தோட பார்க்க முடியுது”. இந்த வார்த்தைகளே விமர்சனம் முதல் வெற்றி வரை விஜய் கடந்து வந்த பாதை.

எல்லா நடிகர்களுக்கும் தோல்வி படங்கள் வருவது சகஜம். ஆனாலும் அந்த தோல்வியில் தன்னை விட்டுப் போகாத ரசிகர்கள் கிடைப்பதுதான் வரம். விஜய்க்கு அப்படி ஒரு வரம் கிடைத்தது என்று சொல்வதைவிட, தோல்வி படம் தந்தால் கூட அதை இன்னொரு வெற்றிப்படத்தினால் அந்த தோல்வி விமர்சனத்தை முறியடிக்கும் சக்தியாக ரசிகர்களுக்கு விஜய் கிடைத்தது தான் வரம். அழகிய தமிழ் மகன், குருவி, வில்லு, வேட்டைக்காரன், சுறா என்று வரிசையாக தோல்வி படங்கள் கொடுத்தாலும்… வந்தான் துப்பாக்கியா…! நடுவில் சில தோல்விப் படங்கள் தந்தாலும், அவருடைய வெற்றி அஞ்சு தோல்வி படங்களை தாங்கும். அவர் சுமாரான படங்களில் நடித்தாலும் இந்தக்காலத்தில் 300 கோடி வசூலித்தது என்றால் அவருடைய ரேஞ்ச், அந்தஸ்து, பவர், என்ன என்பதை தெரிந்து கொள்ளுங்கள். சூப்பர் ஸ்டார் ரஜினிகாந்த் இருக்கும்போதே சூப்பர் ஸ்டார் விஜய் என்று சொல்ல வைத்தது எந்த நடிகரும் இதுவரை செய்யாத சாதனை.

28 ஆண்டுகளுக்கு முன், 1992-ஆம் ஆண்டு டிசம்பர் 4ம் தேதி அவர் கதாநாயகனாக அறிமுகமான நாளைய தீர்ப்பு வெளிவந்தது. இந்த படம் வெளிவந்த பிறகு வந்த விமர்சனங்களை பார்த்த நொடிஞ்சு போனார். ஆனாலும் இவர் உழைப்பதை நிறுத்தவில்லை. அதற்கான சான்று அவரின் வெற்றிகள். இவர் வந்து 28 ஆண்டுகளை அடுத்து தற்போது அதை டிவிட்டரில் டிரெண்ட் செய்து கொண்டாடி வருகிறார்கள். இவரின் மாஸ்டருக்கு என்ன என்ன நடக்கப்போகிறது, நட்சத்திர அந்தஸ்து எப்படி மாற போகிறது என்று பொறுத்திருந்து பாருங்கள்.