திரைப்படங்கள்…
கொரோனா காரணமாக தியேட்டர்கள் மூடப்பட்டதனால் திரைப்படங்கள் பல, ஓடிடியில் வெளியாகி வருகிறது.
சமீபத்தில் தீபாவளிக்கு சூர்யா நடிப்பில் வெளியான சூரரை போற்று மற்றும் நயன்தாராவின் நடிப்பில் வெளியான மூக்குத்தி அம்மன் உள்ளிட்ட திரைப்படங்கள் வெற்றி கண்டது.
அந்த வரிசையில் பொங்கல் பண்டிகைக்கு சில முன்னணி நடிகர்களின் படங்களை ஓடிடியில் வெளியிட பேச்சுவார்த்தை நடைபெற்று வருகிறதாம்.
இதுவரை மாதவனின் மாறா, விஷாலின் சக்ரா ஆகிய படங்கள் பொங்கலுக்கு ஓடிடியில் வெளியிடப்பட இருப்பதாக கூறப்படுகிறது.
மேலும் சில படங்களும் இந்த போட்டியில் இணைய வாய்ப்புள்ளதாக கோலிவுட் வட்டாரத்தில் கூறப்படுகிறது.
ஓடிடியை தவிர்த்து, தியேட்டரில் மாஸ்டர், ஈஸ்வரன் உள்ளிட்ட படங்கள் வெளியாகும் நிலையில், எந்த படம் விமர்சன ரீதியாக நல்ல வரவேற்பை பெற போகிறது என்று பொறுத்திருந்து பார்ப்போம்.
