டாக்டர் சோலோ ரிலீசுக்கு ஆசைப்பட்ட சிவகார்த்திகேயன்.. குறுக்கே கட்டையை போட்ட பிரபல நடிகர்.. ஏன் சார் இப்படி!

110

சிவகார்த்திகேயன்..

சிவகார்த்திகேயன் நடிப்பில் உருவாகியிருக்கும் டாக்டர் திரைப்படம் மார்ச் 23-ம் தேதி வெளியாக இருந்த நிலையில் திடீரென படத்தின் ரிலீஸ் தேதியில் குளறுபடி ஏற்பட்டு ரம்ஜான் விடுமுறையை நோக்கி மாற்றி வைக்கப்பட்டது.

சிவகார்த்திகேயன் மற்றும் நெல்சன் திலீப்குமார் கூட்டணியில் உருவாகியிருக்கும் திரைப்படம் டாக்டர். இந்த படத்தின் மூலம் தமிழ் சினிமாவுக்கு பிரியங்கா மோகன் என்பவர் அறிமுகமாக உள்ளார்.

தமிழுக்கு வரும் முன்னரே அவருக்கு ஏகப்பட்ட ரசிகர்கள் உருவாகி உள்ள நிலையில் அடுத்தடுத்து சிவகார்த்திகேயனுடன் டாக்டர் மற்றும் டான் போன்ற படங்களில் பணியாற்றி வருகிறார். சிவகார்த்திகேயன் ராசிக்கு கீர்த்தி சுரேஷுக்கு எப்படி இருந்ததோ அதேபோல் தனக்கும் இருக்கும் என நம்புகிறாராம் பிரியங்கா.

இது ஒருபுறமிருக்க டாக்டர் படத்தின் ரிலிஸில் தற்போது பல குளறுபடிகள் நிகழ்ந்து வருவதாக கூறுகின்றனர். ரம்ஜான் விடுமுறையில் வெளியாகும் என எதிர்பார்க்கப்பட்ட நிலையில் தற்போது 50 சதவீத பார்வையாளர்கள் மட்டுமே திரையரங்களில் அனுமதிக்கப்படுவதால் தியேட்டரில் வருமா என்ற சந்தேகத்தை கிளப்பியுள்ளது.

அப்படியே வந்தாலும் சோலோவாக வந்தால் தப்பித்துக் கொள்ளலாம் என நினைத்த நிலையில் டாக்டர் படத்திற்கு ஆப்பு வைக்கும் விதமாக விஜய் ஆண்டனி நடிப்பில் உருவாகியிருக்கும் கோடியில் ஒருவன் படமும் அதே தேதியில் வெளியாக உள்ளதாம்.

விஜய் ஆண்டனியின் படங்களுக்கும் நல்ல வரவேற்பு இருந்து வருவது குறிப்பிடத்தக்கது. பிச்சைக்காரன் படத்திற்கு பிறகு குடும்ப ரசிகர்களை தனதாக்கிக் கொண்ட விஜய் ஆண்டனியின் படமும் சிவகார்த்திகேயன் படமும் ஒரே நாளில் வெளியாவதால் வசூலில் கண்டிப்பாக சொதப்பும் சூழ்நிலை உருவாகியுள்ளது.