‘ரவுடி பேபி’..
பாலாஜி மோகன் இயக்கத்தில் தனுஷ், சாய்பல்லவி, நடிப்பில் கடந்த 2018ஆம் ஆண்டு வெளியான திரைப்படம் ‘மாரி 2’.
யுவன் சங்கர் ராஜா இசையில் வெளியான இப்படத்தின் பாடல்கள் ரசிகர்களிடையே நல்ல வரவேற்பை பெற்றது. அதிலும் ‘ரவுடி பேபி’ பாடல் மிகப்பெரிய ஹிட்டானது.
இந்த பாடலுக்கு பிரபு தேவா நடனம் அமைத்திருந்தார். இந்த பாடலில் தனுஷ், சாய் பல்லவியின் நடனம் ரசிகர்களை கவரும் வண்ணம் அமைக்கப்பட்டிருந்தது.
Youtubeபில் வெளியிடப்பட்ட ரவுடி பேபி பாடலின் வீடியோ தொடர்ந்து பல்வேறு சாதனைகளை படைத்த வந்தது.
இந்நிலையில், ரவுடி பேபி பாடல் வீடியோ Youtubeபில் 5 மில்லியன் லைக்குகளை பெற்று புதிய சாதனை படைத்துள்ளது.
தென்னிந்திய அளவில் வெளியான பாடல்களில் 5 மில்லியன் லைக்குகளை பெற்ற முதல் பாடல் இது என்பது குறிப்பிடத்தக்கது.
