நயன்தாரா..
கொரோனா லாக்டவுனுக்குப்பிறகு ஓடிடி தளங்களுக்கான வெல்யூ அதிகரித்து விட்டன. மெகா படங்களே நேரடியாக ஓடிடி தளங்களில் வெளியாகும் நிலையில் வெப்சீரிஸ்களும் அதிகப்படியாக தயாராகி வருகின்றன.
அந்தவகையில் சமந்தா, காஜல் அகர்வால், தமன்னா உள்பட பல மெகா நடிகைகளும் வெப்சீரிஸ்களில் நடித்து வரும்நிலையில் தற்போது நயன்தாராவும் நெட்பிளிக்ஸ் தயாரிக்கும் வெப்சீரிஸில் நடிக்கிறார்.
அதற்கு Baagubali before the beginning என்று டைட்டில் வைக்கப்பட்டுள்ளது. இதன் படப்பிடிப்பு செப்டம்பர் மாதம் முதல் தொடங்குகிறது.
ராஜமவுலி இயக்கிய பாகுபலி, பாகுபலி 2 ஆகிய படங்களில் ரம்யா கிருஷ்ணன் நடித்த ராஜமாதா கதாபாத்திரத்தின் இளமைக்கால கதையை மையமாக வைத்து இந்த தொடரை உருவாக்க உள்ளார் ராஜமவுலி.
முக்கியமாக பாகுபலி படத்திற்கும் இதற்கும் எந்த சம்பந்தமும் இல்லாமல் அதற்கு முந்தைய கால கட்டத்து கதையில் இந்த வெப்சீரிஸ் உருவாக்க உள்ளார்.
