தளபதி விஜய் தன்னிடம் வம்பிழுத்ததாக மாளவிகா மோகனன் பேட்டி ஒன்றில் கூறியுள்ளார்.
தமிழ் சினிமாவின் பிரபல நடிகராக வலம் வருபவர் தளபதி விஜய். இவரது நடிப்பில் தற்போது மாஸ்டர் என்ற திரைப்படம் உருவாகி உள்ளது.லோகேஷ் கனகராஜ் இயக்கத்தில் உருவாகியுள்ள இந்த படத்தில் விஜய்க்கு ஜோடியாக மாளவிகா மோகனன் நடித்துள்ளார்.
இவர் தற்போது விஜய்யுடன் இணைந்து நடித்தது குறித்து ஆங்கில பத்திரிகை ஒன்றுக்கு பேட்டி அளித்துள்ளார். அந்தப் பேட்டியில் சூட்டிங்கில் தான் முதல் முறையாக விஜய்யை நேரில் பார்த்தேன். முதல் நாள் கொஞ்சம் பதற்றமாக இருந்தது.
ஆனால் விஜய் என்னை நன்றாக நடிக்கிறீர்கள் என ஊக்கப்படுத்தினார். இதனால் அவருடன் விரைவாக நட்பு உருவாகி விட்டது.
சூட் முடிந்தது கேரவனுக்கு செல்ல மாட்டார். கொஞ்ச நேரம் அனைவரிடமும் பேசுவார். என்னிடம் விளையாட்டாக வம்பு இழுப்பார். இதனால் கூடிய விரைவில் அவரது இன்னொரு முகத்தையும் நான் பார்த்தேன். விஜய் இவ்வளவு ஜாலியான மனிதரா என்பதை அப்போது தான் தெரிந்து கொண்டேன். அதைக் கண்டு வியக்கவும் செய்தேன்.
மேலும் விஜய்யுடன் நடிக்க யாருக்கு தான் பிடிக்காது. இந்த படத்தில் மிகுந்த ஆர்வத்துடன் அவருடன் இணைந்து நடிப்பதாக கூறினார்.
