க/பெ ரணசிங்கம்………..

விஜய் சேதுபதியின் க/பெ ரணசிங்கம் திரைப்படம் மாபெரும் வெற்றியடைந்ததை தொடர்ந்து அப்படத்தின் தயாரிப்பாளர் கே.ஜே ராஜேஷ் அப்படத்தின் இயக்குனர் விருமாண்டிக்கு மாருதி கார் ஒன்றினை பரிசாக வழங்கியுள்ளார்.

மக்கள் செல்வன் விஜய் சேதுபதி, ஐஸ்வர்யா ராஜேஷ் நடித்திருந்த இத்திரைப்படத்தை பெ. விருமாண்டி இயக்கியுள்ளார். ஜிப்ரான் இசையமைத்திருந்தார். கே.ஜெ.ஆர் நிறுவனம் இத்திரைப்படத்தைத் தயாரித்திருந்தார்.

க பெ ரணசிங்கம் திரைப்படம் கடந்த அக்டோபர் 2ஆம் தேதி நேரிடையாக ஓடிடி தளத்தில் வெளியானது. இத்திரைப்படம் மக்களிடையே நல்ல வரவேற்பைப் பெற்றது. ஊரடங்கு நேரத்தில் படம் வெளியானதால் மக்கள் குடும்பத்துடன் அமர்ந்து வீட்டில் படத்தைப் பார்த்தனர்.

இந்நிலையில் இப்படம் வெற்றியடைந்ததைத் தொடர்ந்து, தயாரிப்பாளர் கே.ஜே ராஜேஷ் இயக்குனர் விருமாண்டிக்கு மாருதி xl காரை அன்பு பரிசாக வழங்கியுள்ளார்.

மீரா மிதுன்…

பிக் பாஸ் நிகழ்ச்சிக்கு முன்பாகவே சூப்பர் மாடல் என்ற பெயரில் பல்வேறு சர்ச்சைகளில் சிக்கினார் மீரா மிதுன். ஒயில்டு கார்ட் போட்டியாளராக பிக்பாஸில் கலந்து கொண்ட மீரா மிதுன் சர்ச்சையின் மொத்த உருவமாக இருந்து வந்தார்.

சொல்லப்போனால் இந்த சீசனில் வனிதாவை விட மிகவும் வெறுக்கப்பட்டது மீரா மிதுன் தான். இது மட்டுமல்லாது எப்போதும் சமூக வலைத்தளத்தில் ஆக்டிவாக இருக்கும் மீராமிதுன் அடிக்கடி ஏதாவது ஒரு பிரபலத்தை திட்டி விமர்சித்துப் பேசி தவறான வழியில் பிரபலமானவர் என்பது உலகறிந்த விஷயம்.

தற்போது பட வாய்ப்புகள் எதுவும் கிடைக்காமல் தவித்து வரும் மீரா, Lady Superstar ஆன நயன்தாராவை திட்டி பிரபலமாக யோசித்து வருகிறார்.

விஷயம் என்னவென்றால், RJ பாலாஜி நயன்தாராவை வைத்து மூக்குத்தி அம்மன் என்கிற படத்தை இயக்கியுள்ளார். அந்த படத்தின் சிங்கிள் பாடல் ஆன ஆடி குத்து பாடலை வெளியிட,

உடனே அந்த டுவீட்டை Quote செய்த மீரா மிதுன், “அடுத்தவ புருஷன கைக்குள்ள போட்டுகிட்டு இருந்தவள்ளாம் அம்மனா ?” என்று கன்னா பின்னா என்று நயன்தாராவை விளாசியுள்ளார். சும்மா இருப்பார்களா நம்ம நயன் Fans, மீராவை இந்த நொடி வரை கெட்ட கெட்ட வார்த்தையில் அர்ச்சனை செய்து வருகிறார்கள்.

A woman in relationship with a married man is doing the role of our hindugod “Amman”,does she even know who “Amman” is ?!All this nonsense shameless casting insulting our hindu god happens only in tamilnadu by these worthless #kollywood people.Won’t tamil leaders open mouth now https://t.co/C6syIWOGoG

— Thamizh Selvi Mani (@meera_mitun) November 2, 2020

காமெடி நடிகர் சதிஷ்…

தமிழ் சினிமாவில் வடிவேலு மற்றும் சந்தானத்தின் காமெடி குறைந்து போன நிலையில் தற்போது பல்வேறு காமெடி நடிகர்கள் ஆக்கரமித்துள்ளனர். அந்த வகையில் காமெடி நடிகர் சதீசும் ஒருவர்.

காமெடி நடிகர் சதிஷ் முதன்முதலில் ஏ. எல் விஜய் இயக்கிய பொய் சொல்ல போறோம் என்ற காமெடி படத்தில் வசனகர்த்தாவாக பணியாற்றினார்.

அதன் பின்னர் மதராஸபட்டினம், எதிர் நீச்சல், மான் கராத்தே போன்ற படங்களில் காமெடியனாக நடித்தார்.

அதன் பின், சிக்ஸர் பட இயக்குனரின் தங்கையை கரம்பிடித்து, இன்று அவரின் முதல் பெண் குழந்தையை கையில் ஏந்தியுள்ளார்.

இதை நடிகர் சதீஷ் அவர்களே தனது சமூக வலைத்தள பக்கத்தில் பதிவு செய்துள்ளார். இதனால் அந்த குட்டி தேவதைக்கு ஏகப்பட்ட வாழ்த்துக்கள்.

Dear friends and family, We blessed with a Girl baby. Need all ur blessings 🙏🏻😍🙏🏻

— Sathish (@actorsathish) November 4, 2020

கோலா பாஸ்கர்…

இயக்குனர் ஒரு படத்தை எப்படி எடுத்து இருக்கிறார்? அந்த படம் ஓடுமா? ஓடாதா? நல்லா இருக்கா? நல்லா இல்லையா? மக்களுக்கு பிடிக்குமா? பிடிக்காதா? என்பதை முதலில் பார்த்து கூறுபவர் எடிட்டர்.

இரவும் பகலுமாக அந்த படத்தில் உள்ள குறைகளை மறைத்து நிறைகளை ஏற்றி இந்த சீனை மட்டும் திருப்பி எடுத்துட்டு வாங்க, இந்த சீன் வேண்டாம் என்று இயக்குனர்களுக்கு எடுத்துச் செல்பவர் எடிட்டர். எடிட்டர் தான் ஒரு படத்தின் காப்பாளன்.

அந்த வகையில், தமிழ் தெலுங்குத் திரைப்பட எடிட்டர் கோலா பாஸ்கர் அவர்கள் திடீரென இன்று புற்று நோய் காரணமாக காலமானார். கடந்த சில நாட்களாக எடிட்டர் கோலா பாஸ்கர் தொண்டை புற்றுநோய் காரணமாக சிகிச்சை பெற்று வந்ததாகவும் இந்த நிலையில் சிகிச்சை பலனின்றி ஐதராபாத்தில் காலமானதாகவும் செய்திகள் வெளியாகியுள்ளன.

இவர் தனுஷ் நடித்த புதுப்பேட்டை, யாரடி நீ மோகினி, போக்கிரி ஆயிரத்தில் ஒருவன் ஆகிய படங்களுக்கும் அவர் எடிட்டிங் செய்துள்ளார்.

தனது மகனை ஹீரோவாகி மாலை நேரத்து மயக்கம் என்ற திரைப்படத்தை அவர் தயாரித்துள்ளார் என்பதும் இந்த படத்தை செல்வராகவனின் மனைவி கீதாஞ்சலி இயக்கி உள்ளார் என்பதும் குறிப்பிடத்தக்கது.