சூப்பர் ஸ்டார் ரஜினிகாந்த்…..!

சூப்பர் ஸ்டார் ரஜினிகாந்த் நடித்த ‘தர்பார்’ திரைப்படம் வரும் பொங்கல் அன்று உலகம் முழுவதும் பிரமாண்டமாக வெளியாக இருப்பதை அடுக்கு இம்மாத இறுதியில் அவர் நடிக்கும் அடுத்த திரைப்படமான ‘தலைவர் 168’ படத்தின் படப்பிடிப்பு தொடங்க உள்ளது

சிறுத்தை சிவா இயக்கத்தில், சன் பிக்சர்ஸ் தயாரிப்பில், டி இமான் இசையில் உருவாகவ்கிருக்கும் இந்தப் படத்தில் நடிகர் சூரி நடிக்க உள்ளார் என்ற செய்தி ஏற்கனவே வெளிவந்ததை பார்த்தோம்.

இந்த நிலையில் சற்று முன் சன் பிக்சர்ஸ் நிறுவனம் தனது டுவிட்டர் பக்கத்தில் இந்த படத்தில் கீர்த்தி சுரேஷ் நடிக்க உள்ளதை உறுதி செய்துள்ளது.ஏற்கனவே ரஜினியின் மகளாக கீர்த்தி சுரேஷ் நடிக்க உள்ளார்.

என்று செய்திகள் வெளியான நிலையில் தற்போது அந்த செய்தியை உறுதி செய்யப்பட்டுள்ளது. இந்த நிலையில் ‘தலைவர் 168’ படத்தில் ரஜினிக்கு ஜோடியாக மீனா நடிக்க இருப்பதாகவும் இது குறித்த அறிவிப்பு மிக விரைவில் வெளியாக வாய்ப்பு இருப்பதாகவும் கூறப்படுகிறது

’தளபதி 64’ படத்தில் பிரபுதேவா சகோதரர்…!

தளபதி விஜய் நடிப்பில், இயக்குனர் லோகேஷ் கனகராஜ் இயக்கத்தில் உருவாகி வரும் ’தளபதி 64’ படத்தின் படப்பிடிப்பு ஒருபக்கம் விறுவிறுப்பாக நடைபெற்று வரும் நிலையில் இந்த படத்தில் அவ்வப்போது சில நட்சத்திரங்கள் இணைந்து வருகின்றனர்.

சமீபத்தில் இந்த படத்தில் ஒரு சில நட்சத்திரங்கள் இணைந்த நிலையில் தற்போது பிரபல இயக்குனரும் நடிகரும் நடன இயக்குனருமான பிரபுதேவா சகோதரர் நாகேந்திர பிரசாத், ’தளபதி 64’ படத்தில் ஒரு முக்கிய வேடத்தில் நடிப்பதற்காக இணைந்து உள்ளதாக செய்திகள் வெளியாகியுள்ளது

ஏற்கனவே நாகேந்திர பிரசாத் கடந்த 2004 ஆம் ஆண்டு வெளிவந்த சூப்பர் ஹிட் திரைப்படமான ’கில்லி’ படத்தில் விஜய்யுடன் நடித்திருந்த நிலையில் 15 ஆண்டுகளுக்கு பின்னர் மீண்டும் விஜய் படத்தில் அவர் நடிக்க உள்ளார் என்பது குறிப்பிடத்தக்கது

ஏற்கனவே விஜய்யின் நெருங்கிய நண்பர்களான சாந்தனு, சஞ்சீவ் ஆகியோர் இந்த படத்தில் நடித்து வரும் நிலையில் தற்போது இன்னொரு நண்பரான பிரபுதேவாவின் சகோதரரும் இந்த படத்தில் இணைந்துள்ளார் என்பது குறிப்பிடத்தக்கது

சென்னை, டெல்லி மீண்டும் சென்னை என மூன்று கட்ட படப்பிடிப்புகள் முடிவடைந்த நிலையில் அடுத்தகட்ட படப்பிடிப்பு கர்நாடக மாநிலத்தில் நடைபெற இருப்பதாகவும் இதற்காக படக்குழுவினர் இன்னும் ஒரு சில நாட்களில் கர்நாடகா கிளம்ப இருப்பதாகவும் கூறப்படுகிறது

விஜய் சேதுபதியுடன் ஜோடி…?

தனுஷுடன் நடித்த பிரபல நடிகை தற்போது விஜய் சேதுபதி நடிக்கும் படத்தில் இணைந்து நடிக்க ஒப்பந்தம் ஆகியிருக்கிறார்.
விஜய்சேதுபதி இந்த ஆண்டு முதல்முறையாக மார்க்கோனி மத்தாய் என்ற படம் மூலமாக மலையாளத்தில் அடியெடுத்து வைத்தார்.

அதேபோல் மலையாள நடிகை மஞ்சுவாரியர் அசுரன் படம் மூலமாக தமிழ் திரையுலகில் நுழைந்தார். இப்போது இவர்கள் இருவரும் இணைந்து தமிழ், மலையாளம் மொழிகளிலும் உருவாகும் படத்தில் நடிக்கிறார்கள். இந்த படத்தில் இன்னொரு கதாநாயகனாக விஜய்சேதுபதியுடன் இணைந்து நடிக்க இருக்கிறார் பிஜூமேனன்.

ஆர்.ஜே.ஷான் என்பவர் இயக்குகிறார். இவர் ஏற்கனவே மஞ்சு வாரியர் நடித்த சாய்ராபானு என்ற படத்தின் கதாசிரியர்களில் ஒருவராக பணியாற்றியவர். இந்த படத்தின் தயாரிப்பாளர்களில் ஒருவராகவும் மஞ்சு வாரியர் தன்னை இணைத்து கொண்டுள்ளார்.

கவின்..

விஜய் டிவியில் ஒளிபரப்பான சரவணன் மீனாட்சி தொடரின் மூலம் ரசிகர்களுக்கு பிரபலமானவர் கவின். அதனைத் தொடர்ந்து நட்புனா என்னனு தெரியுமா படத்தில் ஹீரோவாக நடித்தார். தற்போது பிக்பாஸ் சீசன் 3யில் கலந்துகொண்ட அவர் ரசிகர்களின் ஏகோபித்த ஆதரவை பெற்றார்.

இந்நிலையில் சமீபத்தில் Behindwoods Gold Medal விருது வழங்கும் விழா பிரம்மாண்டமாக நடைபெற்றது. விழாவில் கவினுக்கு Most popular person on television Bigg Boss 3 என்ற விருது நடிகர் ரோபோ சங்கர் கையால் வழங்கப்பட்டது.

இதுகுறித்து தனது இன்ஸ்டாகிராம் பக்கத்தில் விருதின் ஃபோட்டோவை போஸ்ட் செய்துள்ளார். அதில், ஸ்கூல்ல கூட சில்வர், புரோன்ஸ் தான் வாங்கிருக்கேன். நன்றி Behindwoods என்று குறிப்பிட்டுள்ளார்.

அஜித்.!

நேர்கொண்ட பார்வை படத்தை தொடர்ந்து வினோத் இயக்கத்தில் அஜித் நடிப்பில் உருவாக இருக்கும் ‘வலிமை’ படத்தின் ரிலீஸ் தேதி மாற்றப்பட்டுள்ளது.

‘நேர்கொண்ட பார்வை’ படத்தை தொடர்ந்து மீண்டும் எச்.வினோத் இயக்கத்தில் நடிக்க ஒப்பந்தமானார் அஜித். ’வலிமை’ என பெயரிடப்பட்டுள்ள இந்த படத்தின் பட பூஜை மட்டுமே முடிந்துள்ளது. அதனை தொடர்ந்து படப்பிடிப்புக்கான இடங்கள் தேர்வு, நடிகர்கள் தேர்வு என மும்முரமாக பணிகள் தொடங்கப்பட்டன.

அஜித்துடன் நடிக்கவுள்ள நடிகர்கள் தேர்வு முடிவடைந்துவிட்டாலும், எந்தவொரு அதிகாரப்பூர்வ அறிவிப்பும் இதுவரை வெளியிடப்படவில்லை. ‘வலிமை’ படப்பிடிப்பு எந்த தேதியில் தொடக்கம் என்று பல்வேறு தகவல்கள் வெளியாகி வந்தாலும், படக்குழு எதையுமே உறுதிப்படுத்தவில்லை.

தற்போது முதன்முறையாக ‘வலிமை’ படம் குறித்த சில தகவல்களை வெளியிட்டுள்ளார் போனி கபூர். சென்னையில் ஒரு விருதுகள் வழங்கும் விழா நடைபெற்றது. அதில் கலந்து கொண்டு போனி கபூர் பேசும் போது, “’வலிமை’ படத்தின் படப்பிடிப்பு டிசம்பர் 13-ந் தேதி முதல் தொடங்கவுள்ளது. அடுத்தாண்டு தீபாவளிக்கு வெளியாகும். அஜித் இதில் காவல்துறை அதிகாரியாக நடிக்கவுள்ளார்” என்று தெரிவித்துள்ளார்.

இதன் மூலம் ‘வலிமை’ படத்தின் வெளியீட்டில் மாற்றம் ஏற்பட்டு இருப்பது உறுதியாகியுள்ளது. ‘நேர்கொண்ட பார்வை’ பட வெளியீட்டின் போது அளித்த பேட்டிகளில், அஜித் – எச்.வினோத் கூட்டணியின் அடுத்த படம் கோடை விடுமுறைக்கு வெளியாகும் என தெரிவித்து வந்தார் போனி கபூர். ஆனால், படப்பிடிப்பு தொடங்க தாமதமாகிவிட்டதால், தற்போது ‘வலிமை’ வெளியீட்டை தீபாவளிக்கு மாற்றியுள்ளார்.

முருகதாஸ்..!

தர்பார் ஆடியோ வெளியீட்டு விழாவில் பேசிய இயக்குனர் முருகதாஸ், ரஜினியை இயக்கியது நிலவில் இறங்கியது போல் உள்ளது என தெரிவித்துள்ளார்.

ஏ.ஆர்.முருகதாஸ் இயக்கத்தில் ரஜினிகாந்த் நடித்துள்ள படம் ‘தர்பார்’. இப்படத்தில் ரஜினி நீண்ட இடைவெளிக்கு பிறகு போலீஸ் அதிகாரியாக நடித்துள்ளார். இப்படத்தில் நயன்தாரா நாயகியாக நடித்துள்ளார். இப்படத்திற்கு அனிருத் இசையமைத்திருக்கிறார்.

தர்பார் படத்தின் சும்மா கிழி பாடல் கடந்த சில நாட்களுக்கு முன் வெளியாகி நல்ல வரவேற்பை பெற்றது. எஸ்.பி.பாலசுப்ரமணியம் பாடிய இந்த பாடல் யூடியூபில் பல்வேறு சாதனைகளை படைத்து வருகிறது.

தர்பார் படத்தின் இசை வெளியீட்டு விழா, இன்று மாலை சென்னையில் பிரம்மாண்டமாக நடைபெற்றது. அதில் இயக்குனர் முருகதாஸ் பேசியதாவது:

நான் ரஜினியின் சீனியர் ஃபேன்.எம்.ஜி.ஆருக்கு பிறகு ரஜினி என்பார்கள். ஆனால் அவருக்கும் ரஜினிக்கும் எந்த தொடர்பும் கிடையாது. எம்ஜிஆர், ரஜினி வித்தியாசமானவர்கள்.

தமிழ், இந்தி என அனைத்து நடிகர்களிடமும் ரஜினியின் சாயல் இருக்கும். தலைவர் ரசிகர்கள், என் ரசிகர்கள் கிடையாது. ஏனென்றால் நானே ரஜினி ரசிகன்.

நிலவை காட்டி சாப்பு ஊட்டுவார்கள். ஆனால், ரஜினியை இயக்கியது நிலவில் இறங்கியது போல் உள்ளது என தெரிவித்தார்.