நடிகர் ரமேஷ் அராவிந்த்……….

நடிகர் ரமேஷ் அராவிந்த் தனது மகளின் திருமணத்தை வீட்டிலேயே நடத்தி அனைவரது பாராட்டுகளையும், வாழ்த்துக்களையும் பெற்றுள்ளார்.

மனதில் உருதி வேண்டும் என்ற படத்தின் மூலம் தமிழ் சினிமாவில் அறிமுகமானவர் நடிகர் ரமேஷ் அரவிந்த். உன்னால் முடியும் தம்பி, பெண்மணி அவள் கண்மணி, கேளடி கண்மணி, சதிலீலாவதி, பாட்டு வாத்தியார், கண்டேன் சீதையை, அவ்வை சண்முகி என்று ஏராளமான படங்களில் நடித்துள்ளார்.

தமிழைத் தவிர, தெலுங்கு, கன்னடம், மலையாளம், ஹிந்தி என்று பல மொழிகளில் 150க்கும் மேற்பட்ட படங்களில் நடித்துள்ளார். நடிகரோடு மட்டுமல்லாமல், பல படங்களை இயக்கவும் செய்துள்ளார். கமல் ஹாசன் நடித்த உத்தம வில்லன் படத்தின் மூலம் தமிழில் தன்னை ஒரு இயக்குநராக அறிமுகம் செய்து கொண்டுள்ளார். தமிழ் மற்றும் கன்னடம் ஆகிய மொழி படங்களை இயக்கியுள்ளார்.

இப்படி தன்னை ஒரு ஜாம்பவான காட்டிய ரமேஷ் அரவிந்த் தனது மகளின் திருமணத்தை ஒரு வார நிகழ்வாக கொண்டாடி மகிழ்ந்துள்ளார். முதலில் பிரமாண்டமாக நடத்த திட்டமிட்டிருந்த நிலையில், கொரோனா தொற்று காரணமாக மிகவும் எளிமையாக நடத்தியுள்ளார். ஆனால், அதனையே ஒரு வார விழாவாக நடத்தி முடித்துள்ளார்.

ரமேஷ் அரவிந்தின் மகளும், தயாரிப்பு மேலாளருமான நிஹாரிகா, டிஜிட்டல் வடிவமைப்பாளர் அக்‌ஷய் என்பவரை கரம் பிடித்துள்ளார். நிஹாரிகா – அக்‌ஷய் திருமண நிகழ்வில் நெருங்கிய உறவினர்கள் மற்றும் நண்பர்கள் மட்டுமே கலந்து கொண்டுள்ளனர். திருமணத்தின் போது எடுக்கப்பட்ட புகைப்படங்கள் மற்றும் வீடியோக்கள் ஆகியவற்றை ரமேஷ் அரவிந்த் தனது சமூக வலைதள பக்கத்தில் பதிவிட்டுள்ளார் என்பது குறிப்பிடத்தக்கது

மாஸ்டர்………

மாஸ்டர் படத்தில் விஜய் இயக்கத்தில் நடித்தது குறித்து இயக்குநர் லோகேஷ் கனகராஜ் தற்போது மனம் திறந்து பேசியுள்ளார். கார்த்தியின் கைதி படத்தின் இயக்குநர் லோகேஷ் கனகராஜ் இயக்கத்தில் தளபதி விஜய் நடித்துள்ள சூப்பர் படம் மாஸ்டர். தளபதி விஜய்யின் 64ஆவது படம்.

இந்தப் படத்தில், விஜய் உடன் இணைந்து விஜய் சேதுபதி, மாளவிகா மோகனன், ஆண்ட்ரியா, பிரிகிதா, கௌரி கிஷான், நாசர், சஞ்சீவ், சாந்தணு என்று ஏராளமான பிரபலங்கள் நடித்துள்ளனர்.

வரும் 2021 ஆம் ஆண்டு பொங்கல் பண்டிகையை முன்னிட்டு ஜனவரி 13 ஆம் தேதி மாஸ்டர் படம் திரைக்கு வருவதாக அதிகாரப்பூர்வமாக அறிவிக்கப்பட்டுள்ளது. தமிழைத் தவிர தெலுங்கு மற்றும் ஹிந்தி ஆகிய மொழிகளில் டப்பிங் செய்யப்பட்டு மாஸ்டர் படம் திரைக்கு வருகிறது.

கடந்த சில மாதங்களுக்கு முன்பு, இயக்குநர் லோகேஷ் கனகராஜ் மாஸ்டர் படத்தில் நடித்துள்ளதாகவும், அவரது காட்சிகளை விஜய் இயக்கியுள்ளதாகவும் தகவல் வந்தது. தற்போது இது குறித்து, லோகேஷ் கனகராஜ் மனம் திறந்து பேசியுள்ளார்.
நீ எல்லோரையும் நடிக்க வைத்து டார்ச்சர் பண்ணுற, நீயும் ஒரு சீன்ல நடிக்கணும் என்று சொன்னார்.

அவர் சும்மாதான் சொல்லுறாரு, அப்புறம் மறந்துவிடுவார் என்று நினைத்தேன். ஆனால், கடைசி நாள் ஷூட்டிங் வரை அவர் அதனை மறக்கவில்லை. சரி, நான் நடிக்க வேண்டுமென்றால், நீங்கதான் டைரக்ட் பண்ண வேண்டும் என்று சொன்னேன்.
அப்படி சொன்னா விட்டுவிடுவார் என்று நினைத்தேன். ஆனால், டைரக்ட் பண்ணுவதற்கு அவர் ஓகே சொல்லிவிட்டார். அப்புறம் என்ன, விஜய் தான் ரெடி ஸ்டார்ட் கேமரா ஆக்‌ஷன் என்று சொன்னார். நான் நடித்தேன் என்று கூறியுள்ளார் என்பது குறிப்பிடத்தக்கது.

வலிமை..

தல அஜித் நடித்துவரும் ‘வலிமை’ படத்தின் படப்பிடிப்பு ஒருபக்கம் விறுவிறுப்பாக நடைபெற்று வரும் நிலையில் இந்த படத்தின் அப்டேட் கேட்டு அஜித் ரசிகர்கள் தொடர்ச்சியாக சமூக வலைதளங்களில் கோரிக்கை வைத்து வருகின்றனர். ஆனால் இந்த படத்தின் தயாரிப்பாளர் மற்றும் இயக்குனர் கடந்த ஒரு வருடமாக எந்தவித அப்டேட்டும் வெளியிடவில்லை என்பது குறிப்பிடத்தக்கது

சமீபத்தில் அஜித்தின் மேனேஜர் தக்க சமயத்தில் ‘வலிமை’ படத்தின் அப்டேட் வெளியாகும் என்று அறிவித்து இருந்தார். இதனை அடுத்து வரும் புத்தாண்டு தினத்திலாவது ‘வலிமை’ படத்தின் அப்டேட் வரும் என்ற எதிர்பார்ப்பில் அஜித் ரசிகர்கள் உள்ளனர்

இந்த நிலையில் நேற்று இரவு முதல் திடீரென ‘வலிமை’ படத்தின் புதிய ஸ்டில் ஒன்று வைரலாகி வருகிறது. சற்று மங்கலாக இருந்தாலும் இந்த புகைப்படத்த்தில் அஜித்துடன் ‘வலிமை’படத்தில் நடித்த சில நட்சத்திரங்கள் உள்ளனர் என்பது குறிப்பிடத்தக்கது

ஏற்கனவே இந்த படம் அம்மா சென்டிமென்ட் கதையம்சம் கொண்டது என்று கூறப்பட்டு வந்த நிலையில் தற்போது இந்த புகைப்படத்தில் அஜீத்தின் அம்மாவாக நடித்து இருப்பது பழம்பெரும் நடிகை சுமித்ரா என்று தெரியவந்துள்ளது.

’பணக்காரன்’ திரைப்படத்தில் ரஜினிக்கு அம்மாவாகவும், ‘சிங்காரவேலன்’ திரைப்படத்தில் கமல்ஹாசனுக்கு அம்மாவாகவும் நடித்தவர் சுமித்ரா என்பதும் தற்போது அவர் தல அஜீத்துக்கும் அம்மாவாக ‘வலிமை’ படத்தில் நடித்துள்ளார் என்பதும் குறிப்பிடத்தக்கது

தர்ஷா குப்தா…

‘பழைய வண்ணாரப்பேட்டை, ‘திரௌபதி’ படங்களை இயக்கிய மோகன்ஜி இயக்கும் அடுத்த படத்தில் பிரபல சின்னத்திரை பிரபலம் நாயகியாக நடிக்க இருக்கிறார்.

‘பழைய வண்ணாரப்பேட்டை, ‘திரௌபதி’ படங்களின் இயக்குனர் மோகன்ஜி அடுத்து ‘ருத்ரதாண்டவம்’ படத்தை இயக்குகிறார். இதில் நாயகனாக திரௌபதி படத்தில் நடித்த ரிச்சர்டு ரிஷி நடிக்கிறார், இப்போது நாயகியாக தர்ஷா குப்தா இணைந்துள்ளார்.

பிரபல மாடல் அழகியாகவும், பல்வேறு விளம்பர படங்களிலும், குக் வித் கோமாளியில் நிகழ்ச்சியில் பிஸியாக இருக்கும் தர்ஷா குப்தாவிற்கு நாயகி வாய்ப்பு தேடி வந்துள்ளது.

இதுகுறித்து தர்ஷா குப்தா கூறும்போது, ‘ருத்ரதாண்டவம் படத்தில் ஒப்பந்தமானது முதல், தொடர்ந்து பல கதைகள் வந்த வண்ணம் உள்ளன. திரௌபதி பிளாக்பஸ்டர் வெற்றியை கொடுத்த மோகன் ஜியின் அடுத்த ருத்ரதாண்டவம் படத்திற்கு, இப்போதே கோடம்பாக்கத்தில் எதிர்பார்ப்பு அதிகரித்துள்ளது.

மோகன்ஜி படத்தில் நடிப்பது எல்லையில்லா மகிழ்ச்சியை தருகிறது. இந்தப்படமும் தமிழ் சினிமாவில் தவிர்க்க முடியாத படமாக இருக்கும். என் சினிமா கேரியரில் முதல் படமே தமிழ் சினிமாவின் கவனிக்கப்பட்ட படைப்பை கொடுத்த, மோகன் ஜியுடன் என்பதை நினைக்கவே நான் சந்தோஷம் கொள்கிறேன்’ என்றார்.

புலிக்குத்தி பாண்டி…

முத்தையா இயக்கத்தில் விக்ரம் பிரபு, லட்சுமி மேனன் நடித்துள்ள புலிக்குத்தி பாண்டி படத்தின் பர்ஸ்ட் லுக் போஸ்டர் வெளியாகி உள்ளது.

கொம்பன், மருது, தேவராட்டம் போன்ற படங்களை இயக்கிய முத்தையா, அடுத்ததாக இயக்கி உள்ள படத்தில் விக்ரம் பிரபு, லட்சுமி மேனன் நடித்துள்ளனர்.

இதன் படப்பிடிப்பு மதுரை, திண்டுக்கல் உள்ளிட்ட இடங்களில் மும்முரமாக நடைபெற்று வந்தது. வேல்ராஜ் ஒளிப்பதிவு செய்துள்ள இந்தப் படத்துக்கு என்.ஆர்.ரகுநந்தன் இசையமைத்துள்ளார்.

இந்நிலையில், இப்படத்தின் பர்ஸ்ட் லுக் போஸ்டர் மற்றும் தலைப்பை படக்குழு அதிகாரப்பூர்வமாக அறிவித்துள்ளது. அதன்படி படத்துக்கு ‘புலிக்குத்தி பாண்டி’ என பெயரிட்டுள்ளனர்.

பர்ஸ்ட் லுக் போஸ்டரில் இதுவரை பார்த்திராத புதுவித கெட்டப்பில் விக்ரம் பிரபுவின் தோற்றம் அமைந்துள்ளது. இந்த போஸ்டர் சமூக வலைதளங்களில் வைரலாகி வருகிறது.

அனிதா…

செய்திவாசிப்பாளரான அனிதா, பிக்பாஸ் சீசன் 4 நிகழ்ச்சியில் பங்கேற்றார். தனித்து விளையாடி 80 நாட்களுக்கு மேல் போட்டியில் தாக்குபிடித்து கடந்தவாரம் வெளியேறினார். வெளியே வந்த இரண்டொரு தினங்களில் அவரின் தந்தையும், எழுத்தாளருமான ஆர்.சி.சம்பத் இறந்துவிட்டார்.

சீரடி சென்ற இடத்தில் அவருக்கு இப்படியொரு நிகழ்வு நேர்ந்தது. ரயில் மூலம் சென்னை வந்த அவரின் உடலுக்கு பலரும் அஞ்சலி செலுத்தினர். பிக்பாஸ் போட்டியில் சக போட்டியாளர்களாக இருந்த ரேகா, சுரேஷ் சக்கரவர்த்தி, அர்ச்சனா, நிஷா ஆகியோர் அனிதாவிற்கு நேரில் சென்று ஆறுதல் கூறினர்.

முன்னதாக நேற்றுமுன்தினம் தனது தந்தையின் உடலை பார்த்து அனிதா கதறிய வீடியோ பார்ப்போரை கண்கலங்க செய்தது. ”நான் தான் உன்னை கூட்டிப்போறேன்னு சொன்னேன்ல, ஏன் என்கிட்ட சொல்லாம போன, சொல்லியிருந்தால் விமானத்தில் கூட டிக்கெட் போட்டு உன்னை சீரடிக்கு அனுப்பி வச்சுருப்பேன்ல…” என கதறினார்.

அவரை கணவர் பிரபா உள்ளிட்ட குடும்பத்தார் சமாதானம் செய்தனர். சம்பத்தின் இறுதிச்சடங்கு நேற்றுமுன்தினம் நடந்தது. இந்நிலையில் தந்தை, தாய் உடன் எடுத்த செல்பி போட்டோவை இன்ஸ்டாகிராமில் பகிர்ந்து, ”அப்பாவ கடைசியா இப்படிதான் பாத்தேன்.

பிக்பாஸ் தனிமைப்படுத்தலுக்கு போகும்போது எடுத்தது. அப்பானா எனக்கு உயிரு. எங்க எங்கயோ டூர் கூட்டிட்டு போனும்னு ஆசையா ஓடி வந்தேன். எனக்கு முன்னாடியே நீயே கிளம்பி போய் இருக்க கூடாது டாடி. ஒரு நாள் பொருத்து இருந்தா நான் கூட வந்துருப்பேன். உன்ன வழியிலயே மருத்துவமனை கூட்டிட்டு போய் இருப்பேன்.

நீ இன்னும் பத்து வர்ஷமாவது என் கூட இருந்து இருப்ப. அப்பா மன்னிச்சிடு. என்னால உன்ன காப்பாத்த முடியல, வாழ்நாள் முழுவதும் இந்த குற்ற உணர்ச்சி என்ன விட்டு போகாது. எங்க போன ராசா…!” என அனிதா உருக்கமாக பதிவிட்டுள்ளார்.

அருண் விஜயின் சினம்……

அருண் விஜயின் சினம் படத்தின் புத்தம் புதிய போஸ்டர் பெரும் வரவேற்பை பெற்றிருக்கிறது. இப்படத்தை GNR குமரவேலன் இயக்கியுள்ளார் Movie Slides Pvt ltd சார்பில் R.விஜயகுமார் இப்படத்தை தயாரித்துள்ளார்.

2021 ஆம் வருடத்தின் ஆரம்பத்தில் உலகளவில் படத்தை வெளியிட ஏற்கனவே திட்டமிட்டிருந்த நிலையில், முன்னதாக உலகம் முழுக்க பல்வேறு திரைப்பட விழாக்களில் படத்தை வெளியிட படக்குழு திட்டமிட்டு வருகிறது. தற்போது திரைப்பட விழாக்களுக்கு அனுப்பும் சிறப்பு பதிப்பை படத்தொகுப்பு செய்து வரும் குழு தீவிரமாக தயாரித்து வருகிறது.

இது குறித்து நடிகர் அருண் விஜய் கூறியதாவது…
“சினம்” படத்தின் கரு உலகளவில் அனைத்து ரசிகர்களையும் கவரும் தன்மை கொண்டது. அதனால் உலக ரசிகர்களுக்கு படத்தை திரையிட்டு காட்ட நினைத்தோம். படத்தில் ஆக்‌சனும், உணர்வுகளும் சரிபாதியாக கலந்திருக்கும். அது ரசிகர்களை படமுழுக்க பரபரவென வைத்திருக்குமென நான் நம்புகிறேன். இப்படத்தை 2021 ஆம் ஆண்டின் ஆரம்பத்தில் வெளியிட திட்டமிட்டிருக்கிறோம்.

நடிகர் அருண்விஜய் ஏற்கனவே இயக்குநர் நவீன் இயக்கத்தில் “அக்னி சிறகுகள்” படத்தின் படப்பிடிப்பை முடித்து விட்டார். மேலும் இயக்குநர் அறிவழகன் இயக்கத்தில் உருவாகும் AV31 படமும் முடிவடையும் தருவாயில் உள்ளது. இதற்கு பிறகு உடனடியாக இயக்குநர் ஹரி இயக்கும் படத்தில் நடிக்கவுள்ளார்.

அருண் விஜய் இப்படத்தில் பாரி வெங்கட் எனும் காவல்துறை அதிகாரியாக நடிக்கிறார். பாலக் லால்வானி அவரது மனைவியாகவும் தேஷினி அவர்களது மகளாகவும் நடிக்கிறார்கள். சபீர் இப்படத்திற்கு இசையமைக்க சில்வா சண்டைக்காட்சிகள் அமைத்துள்ளார்.