ஒன்று வாத்தி கம்மிங்…

தளபதி விஜய் லோகேஷ் கனகராஜ் இயக்கத்தில் தயாராகியுள்ள மாஸ்டர் படத்தில் நடித்துள்ளார்.இந்த படத்தில் மக்கள் செல்வன் விஜய்சேதுபதியும் ஒரு முக்கிய வேடத்தில் நடித்துள்ளார்.அனிருத் இந்த படத்திற்கு இசையமைத்துள்ளார்.

மாளவிகா மோஹனன்,சாந்தனு,ரம்யா,கௌரி கிஷான்,ஸ்ரீமன்,சஞ்சீவ்,நாகேந்திர பிரசாத் உள்ளிட்டோர் முக்கிய வேடங்களில் நடித்துள்ளனர்.XB பிலிம் கிரியேட்டர்ஸ் இந்த படத்தை தயாரித்துள்ளனர்.இந்த படத்தின் இசை வெளியீட்டு விழா கடந்த மார்ச் 15ஆம் தேதி நடைபெற்றது.

இந்த படத்தை Seven Screen ஸ்டுடியோ இணைந்து தயாரித்துள்ளனர்.கொரோனா பாதிப்பு காரணமாக இந்த படத்தின் ரிலீஸ் தள்ளிப்போயுள்ளது.சமீபத்தில் விஜயின் பிறந்தநாளுக்கு ஒரு ஸ்பெஷல் போஸ்ட்டரை மாஸ்டர் படக்குழு வெளியிட்டனர்.இந்த போஸ்டரும் ரசிகர்களிடம் நல்ல வரவேற்பை பெற்றிருந்தது.

இந்த படத்தின் பாடல்கள் அனைத்தும் ரசிகர்களிடம் செம ஹிட் அடித்துள்ளது. கொரோனா பாதிப்பு குறைந்த பின் இந்த படம் நிச்சயம் திரையரங்குகளில் வெளியாகும் என்று தெரிவிக்கப்பட்டுள்ளது.தீபாவளியை முன்னிட்டு இந்த படத்தின் டீஸர் வெளியாகி நல்ல வரவேற்பை பெற்று வருகிறது.

டீஸர் வெளியாகி பல சாதனைகளை நிகழ்த்தி வருகிறது. 2 மில்லியன் லைக்குகளை பெற்று இந்த சாதனையை படைக்கும் முதல் தென்னிந்திய படத்தின் டீஸர் என்ற பெருமையை படைத்தது.39 மில்லியன் பார்வையாளர்களுடன் 2.4 மில்லியன் லைக்குகளை பெற்றுள்ள இந்த டீஸர் அதிகம் லைக் செய்யப்பட்ட தென்னிந்தியாவின் டீஸர்/ட்ரைலர் என்ற பெருமையை பெற்றுள்ளது.

யூடியூப் என்று பல தளங்களில் பல சாதனைகளை இந்த படத்தின் பாடல்கள் நிகழ்த்தி வருகிறது.இந்த படத்தில் இடம்பெற்றுள்ள சூப்பர்ஹிட் பாடல்களில் ஒன்று வாத்தி கம்மிங்.இந்த பாடல் யூடியூப்,டிக்டாக் என்று பல தளங்களில் வைரலாக பரவி வருகிறது.லிரிக்ஸ் குறைவாகவும்.மியூசிக் அதிகமாகவும் உள்ள இந்த பாடல் மொழிகளை தாண்டி பலரிடம் பிரபலமாக இருந்தது.தற்போது இந்த பாடல் யூடியூப்பில் 90 மில்லியன் பார்வையாளர்களை பெற்று சாதனை படைத்துள்ளது. இதனை ரசிகர்கள் ட்ரெண்ட் செய்து கொண்டாடி வருகின்றனர்.

ABSOLUTELY SENSATIONAL!! 😎🔥#VaathiComingHits90MViews 🥳🕺

➡️ https://t.co/6WTC8om8SU#Thalapathy @Dir_Lokesh @anirudhofficial @XBFilmCreators @Jagadishbliss @Lalit_SevenScr #Master #VaathiComing pic.twitter.com/3weAyRo33K

— Sony Music South (@SonyMusicSouth) November 22, 2020

ஷ்ரத்தா ஸ்ரீநாத்…

தமிழ் சினிமாவில் வளர்ந்து வரும் நாயகிகளில் ஒருவர் நடிகை ஷ்ரத்தா ஸ்ரீநாத். கன்னடா, தமிழ், ஹிந்தி என அனைத்து மொழிகளிலும் நடித்து வருகிறார். இவன் தந்திரன், விக்ரம் வேதா, ரிச்சி, கே13 போன்ற படங்களில் நடித்து அசத்தினார்.

புஷ்கர் – காயத்ரி இயக்கிய பிளாக்பஸ்டர் படமான விக்ரம் வேதா படத்தில் மாதவனுக்கு ஜோடியாக நடித்திருந்தார் ஷ்ரத்தா ஸ்ரீநாத். அதில் இடம்பெற்ற யாஞ்சி பாடல் ஹிட்டாக, தமிழ் ரசிகர்களின் மனதில் நெஞ்சாத்தியாக இடம் பிடித்து விட்டார் ஷ்ரத்தா.

கடந்த ஆண்டு ஷ்ரத்தா ஸ்ரீநாத்துக்கு சிறப்பான வருடம் என்றே கூறலாம். தல அஜித்தின் நேர்கொண்ட பார்வை படத்தில் போல்டான பாத்திரத்தில் நடித்து அற்புதமான நடிப்பை வெளிப்படுத்தியிருந்தார். அருள் நிதி நடித்த கே13 மற்றும் தெலுங்கில் நானி நடிப்பில் வெளியான ஜெர்ஸி திரைப்படம் இவரின் திரைப்பயணத்தில் முக்கிய மைல்-கல்லாக அமைந்தது.

இந்நிலையில் தனது புதிய படம் குறித்த தகவலை ட்விட்டர் பக்கத்தில் பதிவு செய்துள்ளார் ஷ்ரத்தா. மலையாள சூப்பர்ஸ்டார் மோகன்லால் நடிக்கும் ஆராட்டு என்கிற படத்தில் முக்கிய ரோலில் நடிக்கிறார் ஷ்ரத்தா. இதன் படப்பிடிப்பு நேற்று துவங்கியது. உன்னிகிருஷ்ணன் இயக்கி வரும் இப்படம் ஆக்ஷன் கலந்த கமர்ஷியல் படமாக உருவாகவுள்ளது.

இப்படப்பிடிப்பில் நேற்று கலந்து கொண்ட நடிகை ஷ்ரத்தா, படக்குழுவினர் பற்றியும், மோகன்லால் குறித்தும் பதிவு செய்தார். மோகன்லால் வெல்கம் டு மை ஃபேமிலி என்று கூறியது மிகவும் மகிழ்ச்சியாக உள்ளதென குறிப்பிட்டுள்ளார். இதை பார்த்த ரசிகர்கள் ஷ்ரத்தா ஸ்ரீநாத்திற்கு வாழ்த்துக்களை தெரிவித்து வருகின்றனர்.

ஷ்ரத்தா ஸ்ரீநாத் நடிப்பில் மாறா திரைப்படம் வெளியாகவுள்ளது. இந்த படத்தில் மாதவனுக்கு ஜோடியாக நடித்துள்ளார். கடந்த 2015-ம் ஆண்டு மலையாளத்தில் வெளியாகி அமோக வரவேற்பை பெற்ற சார்லி படத்தின் தமிழ் ரீமேக்காகும். இந்த படத்தை அறிமுக இயக்குனர் திலீப் குமார் என்பவர் இயக்குகிறார்.

புவன் ஸ்ரீனிவாசன் படத்தொகுப்பு செய்கிறார். பிரதீக் சக்ரவர்த்தி மற்றும் ஸ்ருதி நல்லப்பா தயாரித்த இந்த படம் டிசம்பர் 17-ம் தேதி அமேசான் ப்ரைம் தளத்தில் வெளியாகவுள்ளது.

Joined the sets of ‘Aaraattu’ today. Met the whole team. @Mohanlal sir’s first words to me were, “Welcome to the family”. My day = made.

— Shraddha Srinath (@ShraddhaSrinath) November 24, 2020

தளபதி விஜய்…

தளபதி விஜய் நடித்து முடித்துள்ள 64ஆவது திரைப்படமான ’மாஸ்டர்’ திரைப்படம் ரிலீசுக்கு தயாராகி பல மாதங்கள் ஆகியிருந்தாலும் அந்த திரைப்படத்தின் ரிலீஸ் தேதி இன்னும் உறுதி செய்யப்படவில்லை. வரும் பொங்கல் தினத்தில் இந்த படம் ரிலீஸ் ஆகும் என எதிர்பார்க்கப்படுகிறது.

இந்த நிலையில் தளபதி விஜய்யின் 65வது படத்தை ஏஆர் முருகதாஸ் இயக்குவதாக இருந்தது. ஆனால் அவர் அந்த படத்தில் இருந்து ஒருசில காரணங்களால் விலகினார். இதனை அடுத்து விஜய்யின் அடுத்த படத்தை இயக்கபவர்கள் என ஒருசில இயக்குனர்களின் பெயர்கள் அடிபட்டபோது ’டாக்டர்’ பட இயக்குனர் நெல்சன் பெயர் முதலாவதாக இடம் பெற்றிருந்ததாகவும் கூறப்பட்டது.

இந்த நிலையில் திடீர் திருப்பமாக விஜய்யின் அடுத்த படத்தை எஸ்.ஜே.சூர்யா இயக்க இருப்பதாகவும் எஸ்ஜே சூர்யா சொன்ன கதை விஜய்க்கும் சன் பிக்சர்ஸ் நிறுவனத்திற்கும் பிடித்து விட்டதால் ’தளபதி 65’ படத்தின் இயக்குனர் எஸ்ஜே சூர்யா தான் என்றும் கோலிவுட் வட்டாரத்தில் கூறப்படுகிறது.

மேலும் இதுகுறித்த முறையான அறிவிப்பை சன் பிக்சர்ஸ் நிறுவனம் விரைவில் வெளியிடும் என்றும் வரும் ஜனவரி முதல் இந்த படத்தின் படப்பிடிப்பு தொடங்கும் என்றும் கூறப்படுகிறது. ஏற்கனவே தளபதி விஜய், ஜோதிகா நடித்த ’குஷி’ என்ற சூப்பர்ஹிட் படத்தை எஸ்ஜே சூர்யா இயக்கியுள்ளார் என்பது குறிப்பிடத்தக்கது.

இயக்குனர் நெல்சன் சொன்ன கதை விஜய்க்கு ஓகே என்றாலும் உடனடியாக படப்பிடிப்பை தொடங்க நெல்சனுக்கு முடியாத சூழ்நிலை இருப்பதாகவும், அவர் ஏப்ரல் வரை ‘டாக்டர்’ படத்தின் போஸ்ட் புரடொக்சனில் பிஸியாக இருப்பதால், எஸ்.ஜே.சூர்யாவை விஜய் தேர்வு செய்ததாகவும் கூறப்படுகிறது.

புட்ட பொம்மா…

தமிழ் சினிமா போல தெலுங்கு சினிமாவுக்கு ரசிகர்கள் கூட்டம் மிக அதிகம். சீனியர் நடிகர்களே இன்னும் ஹீரோக்களாக நடித்துக்கொண்டிருக்க வாரிசு நடிகர்களும்,

இளம் நடிகர்களும் களத்தில் இறங்கி தங்களுக்கான மார்க்கெட்டையும் பிடித்து வருகிறார்கள்.

தெலுங்கு திரையுலகில் நடிகர் அல்லு அர்ஜூனுக்கு தனி இடம் இருக்கிறது. அவரின் படங்களும் உள் நாட்டில் மட்டுமல்லாது வெளிநாடுகளிலும் வசூல் சாதனை நிகழ்த்தி வருகின்றன.

அதில் கடைசியாக அல வைகுந்த புரமுலு படம் வெளியாகி நல்ல வரவேற்பை பெற்றது. பாக்ஸ் ஆஃபிஸில் இப்படம் ரூ 200 கோடிகளுக்கு மேல் வசூல் செய்தது.

திரிவிக்ரம் இயக்கத்தில் இப்படத்தில் அல்லுவுக்கு ஜோடியாக பூஜா ஹெக்டே நடித்திருந்தார்.

ஜெய ராம், நிவேதா பெத்துராஜ், சமுத்திரகனி, நவ்தீப், தபு என பலர் நடித்திருந்தனர். தமன் இசையில் புட்ட பொம்மா பாடல் அனைவரையும் ஈர்த்த ரகமானது.

பிரபலங்கள் கூட இப்பாடலுக்கு நடனமாடி வீடியோ வெளியிட்டனர். தற்போது இப்பாடல் 450 மில்லியன் பார்வைகளை அள்ளி சாதனை படைத்துள்ளது.

ரசிகர்களில் ##UNSTOPPABLEAVPLALBUM #avpl #ButtaBomma #450millionforbuttabomma என பல டேக் இட்டு டிரெண்டிங்கில் இடம் பெற செய்து கொண்டாடி வருகிறார்கள்.

#UNSTOPPABLEAVPLALBUM #avpl
Our #ButtaBomma HITS #450millionforbuttabomma

My love to My dear brother @alluarjun My Respect to #Trivikram gaaru 🎵@ramjowrites @ArmaanMalik22@vamsi84 #radhakrishna gaaru #alluarvindh gaaru #pdprasad gaaru

Team @haarikahassine @GeethaArts pic.twitter.com/4dmsqEzDZh

— thaman S (@MusicThaman) November 24, 2020

சூரரைப் போற்று…

சுதா கொங்காரா இயக்கத்தில் சூர்யாவின் நடிப்பில் கடந்த நவம்பர் 12ம் தேதி வெளியான திரைப்படம் சூரரைப் போற்று.

நிஜ கதையை மையமாகக் கொண்டு உருவான இப்படத்தில் நடித்து மக்களின் மனதை கவர்ந்துவிட்டார் சூர்யா.

OTT தளத்தில் வெளியான இப்படத்தை முதல் நாளில் மட்டுமே 50 மில்லியனுக்கு மேல் பார்த்துள்ளார்களாம்.

தற்போது ரிலீஸ் ஆகி 14 நாட்களுக்கு மேலானது, இதுவரை படத்தை 100 மில்லியன் பார்வையாளர்கள் பார்த்துள்ளதாக கூறப்படுகிறது.

OTT தளத்தில் வெளியாகி இருக்கும் இப்படம் வரும் பொங்கல் ஸ்பெஷலாக தொலைக்காட்சியில் ஒளிபரப்பாக இருப்பதாக தகவல்கள் தெரிவிக்கின்றன.