நடிகர்  உருக்கமான வேண்டுகோள்!

சுர்ஜித்தின் மரணத்தால் தற்போது தமிழ்நாடே சோகத்தில் மூழ்கியுள்ளது. வீட்டுக்கு அருகில் இருந்த மூடப்படாத ஆழ்துளைகிணற்றில் விழுந்த அவரை காப்பாற்ற பல்வேறு வித முயற்சிகள் நடந்தாலும் அவை பலனளிக்கவில்லை.

அவர் இறந்த நிலையில் உடல் சிதைந்த நிலையில் மீட்கப்பட்டது. பிரேத பரிசோதனைக்கு பிறகு அடக்கம் செய்யப்பட்டது உடல்.

இந்நிலையில் நடிகர் ராகவா லாரன்ஸ் சுர்ஜித்தின் பெற்றோருக்கு வேண்டுகோள் ஒன்றை வைத்துள்ளார். “சுர்ஜித் இன்று நம் தேசத்தின் பிள்ளையாகிவிட்டான். அதுபோல் இந்த தேசமெங்கும் எத்தனையோ பிள்ளைகள் பெற்றோரின்றி இருக்கிறார்கள். அவர்களில் ஒரு பிள்ளையை எடுத்து அந்த பிள்ளைக்கு சுர்ஜித் என பெயரிட்டு வளருக்கும்படி கேட்டுக்கொள்கிறேன்.”

“அப்படி நீங்கள் குழந்தையை தத்தெடுக்க நினைத்தால் நானே குழந்தையை தத்தெடுத்து கொடுக்கிறேன். அவன் படிப்பு செலவு முழுவதையும் நானே ஏற்றுக்கொள்கிறேன்” என கூறியுள்ளார் ராகவா லாரன்ஸ்.

பிரபல நடிகர் விபத்தில் சிக்கி மரணம்

பல சின்னத்திரை நிகழ்ச்சிகளில் பங்கேற்று மிக பிரபலமானவர் நடிகர் மனோ. மானாட மயிலாட நிகழ்ச்சியில் காமெடி, மிமிக்ரி, நடனம் என கலக்கிவந்த அவர், அதன்பிறகு சன் டிவியின் லொள்ளு பா நிகழ்ச்சியில் பங்கேற்று வந்தார்.

அவருக்கு லிவியா என்ற மனைவியும், ஒரு பெண் குழந்தையும் உள்ளனர். நேற்று அவர் தன் மனைவியுடன் வெளியில் சென்று திரும்பியபோது அவரது கார் சாலை தடுப்பு சுவரில் மோதி விபத்துக்குள்ளானது. அதில் மனோ உயிரிழந்தார். மனைவி லிவியா உயிருக்கு ஆபத்தான நிலையில் சிகிச்சை பெற்று வருகிறார்.

இந்த விபத்தின் சிசிடிவி காட்சியும் தற்போது வெளிவந்துள்ளது.நடிகர் மனோவின் மரணம் அதிர்ச்சியளிப்பதாக பல சினிமா மற்றும் சின்னத்திரை பிரபலங்கள் இரங்கல் தெரிவித்து வருகின்றனர்.

சேரன் வெளியிட்ட உருக்கமான பதிவு

பிக்பாஸ் நிகழ்ச்சியின் சீசன் 3 ல் ஒழுக்கமான நபர் என டைட்டில் கொடுக்கப்பட்டவர் இயக்குனர் சேரன். அவருக்கு லாஸ்லியா மீது அவ்வளவு அன்பும், பாசமும் இருந்தது.

அனைவரும் ஓரு நல்ல சீனியர் போல குரல் வழிகாட்டி வந்தார். யாருமே செல்லாத நிலையில் பிக்பாஸ் மதுமிதாவை நேரில் சந்தித்து நலம் விசாரித்துள்ளார்.

அண்மையில் சமூகவலைத்தளத்தில் யாரும் யாரை தரம் தாழ்த்தி பேச வேண்டாம் என கேட்டுகொண்டார். இந்நிலையில் ஒட்டு மொத்த தமிழகமும் துடித்துக்கொண்டிருக்கும் சம்பவமான சிறுவன் சுர்ஜித்தை மீட்கும் பணிகள் குறித்து அவர் உருக்கமான பதிவிட்டுள்ளார்.

இதில் அவர் சிறுவனை மீட்கும் முயற்சியில் 51 மணி நேரமாக தொடர்ந்து செயல்படும் அமைச்சர், அரசு அதிகாரிகள் மற்றும் அனைத்து முயற்சியாளர்களையும் பாராட்டுவோம்.

இவர்களின் நம்பிக்கையும் அனைத்து மக்களின் ப்ரார்த்தனையும் சிறுவனை மீட்கும் என கூறியுள்ளார்.

ஷாருக்கான்

நேற்று முன்தினம் திருமண நாளைக் கொண்டாடிய பாலிவுட் நடிகர் ஷாருக்கான், தனது மனைவிக்கு ட்விட்டரில் வாழ்த்து தெரிவித்துள்ளார்.

பாலிவுட் திரைப்பட உலகில் உச்ச நட்சத்திரமாக விளங்கும் ஷாருக்கான், திரைப்படத்தில் அறிமுகமாவதற்கு முன்பே காதல் திருமணம் செய்தவர். தனது மனைவி கௌரியை 6 ஆண்டுகளாக காதலித்துக் கொண்டிருந்த காலத்தில் தான், ஷாருக்கான் சின்னத்திரையில் அறிமுகமானார்.

1991யில் இவர்களின் திருமணம் நடந்த பின்னர் தான், ஷாருக்கின் முதல் படமான ‘தீவானா’ வெளியானது. படம் வெற்றியடைந்ததும் காதல் நாயகனாக வலம் வரத் தொடங்கினார் ஷாருக். இந்நிலையில், ஷாருக்-கௌரி ஜோடி இன்றைய தினம் தங்களது 28வது திருமண நாளை கொண்டாடுகிறது. இதற்காக தனது மனைவிக்கு ட்விட்டரில் ஷாருக்கான் திருமண வாழ்த்து கூறியுள்ளார்.

அதில் அவர் கூறுகையில், ‘எனக்கென்னவோ, நம் திருமணம் நேற்று நடந்ததுபோலத் தான் இருக்கிறது. அதற்குள் நம் உறவுக்குக் கிட்டத்தட்ட 30 வயதாகப் போகிறது. நமக்கு மூன்று அருமையான குழந்தைகள் இருக்கிறார்கள். நானும் எத்தனையோ தேவதைக் கதைகளைக் கூறியிருக்கிறேன்.

அந்தக் கதைகளை நான் இப்போது நம்புகிறேன். ஏனென்றால், அப்படியொரு அழகான வாழ்க்கை எனக்கும் அமைந்திருக்கிறது’ என தெரிவித்துள்ளார். இதனைத் தொடர்ந்து ரசிகர்கள் பலரும் இவர்களுக்கு திருமண வாழ்த்து கூறி வருகின்றனர்.

இதற்கிடையில், ஷாருக்கின் காதல் மனைவி கௌரி, தனது கணவர் குறித்து கூறுகையில், ‘ஷாருக் நல்ல கணவர், நல்ல அப்பா. அவர் குடும்பத்துக்காக யோசிப்பவர். என் business-யில் எனக்கு உதவி செய்பவர். எல்லா மனிதர்களையும் போல அவரிடமும் சில குறைகள் இருந்தாலும், அவருடைய மனைவியாக அவரைப்பற்றி நல்ல விடயங்களை மட்டுமே நான் வெளியில் கூறுவேன். No negative about Shahrukh’ என தெரிவித்துள்ளார்.