தளபதி 65…

ஆயிரம் பேர் டிக் டாக் வீடியோக்களை குறை சொன்னாலும் சினிமாவில் நுழைவதற்கு அதுதான் துருப்புச் சீட்டாக அமைந்துள்ளது. தற்போதெல்லாம் சினிமா நடிகர்களை விட டிக் டாக் வீடியோக்கள் செய்பவர்களுக்கு தான் ரசிகர்கள் அதிகமாக இருக்கின்றனர்.

நல்லதோ கெட்டதோ எது செய்தாலும் டிரெண்ட் ஆகி விடுகிறது. அந்த வகையில் டிக் டாக் வீடியோக்கள் செய்து கொண்டிருந்த இளம் பெண்மணி ஒருவருக்கு தளபதி 65 படத்தில் இரண்டாவது கதாநாயகி சாங்ஸ் கிடைத்திருப்பது தான் கோலிவுட்டில் பேச்சாக உள்ளது.

டிக் டாக் வீடியோக்கள் நல்ல பொழுதுபோக்கு அம்சமாக அமைந்தது. இதன் காரணமாக பலரும் இதை பயன்படுத்தி வந்தனர். அந்தவகையில் கேரளா ரசிகர்களிடையே நல்ல வரவேற்பைப் பெற்றவர் தான் அபர்ணா தாஸ்.

டிக் டாக் வீடியோக்கள் செய்து கொண்டிருந்தவரை அங்குள்ள இயக்குனர் ஒருவர் ஒரு படத்தில் சின்ன கதாபாத்திரத்தில் நடிக்க வைத்தார். அதனைத் தொடர்ந்து ஒரு படத்தில் ஹீரோயினாகவும் நடித்தார் அபர்ணா.

தற்போது தமிழ் சினிமாவில் அடுத்த பிரம்மாண்டம் திரைப்படமாக உருவாகும் விஜய்யின் தளபதி 65 படத்தில் வாய்ப்பு கிடைத்துள்ளது. டிக் டாக் வீடியோக்கள் ஆண்களுக்கு ஒத்து வருகிறதோ இல்லையோ, பெண்களுக்கும் செமையாக ஒர்க்கவுட்டாகி விடுகிறது.

அழகாக இருக்கிறார்கள் என ஆண்கள் லைக் போடுவதால் தான் பெண்களுக்கு சினிமா வாய்ப்பு கிடைக்கிறது என்பதை மறந்து விடாதீர்கள், மறந்தும் இருந்துவிடாதீர்கள். இதுஒருபுறமிருக்க ஒரு டிக்டாக் வீடியோ செய்த பெண்மணிக்கு இவ்வளவு பெரிய பட வாய்ப்பா என தமிழ் சினிமாவில் உள்ள பல நடிகைகளும் தற்போது வயிற்றெரிச்சலில் இருக்கிறார்களாம்.

விஜய் ரசிகர்கள்…

தமிழ் சினிமாவின் முன்னணி நடிகராக வலம் வருபவர் விஜய். அதுமட்டுமில்லாமல் தற்போ.தை.க்கு தமிழ் சினிமாவில் அதிகம் வசூல் செய்யும் படங்கள் கொடுக்கும் நடிகராகவும் வலம் வருகிறார். அந்த வகையில் இந்த கொரானா சூழ்நிலையிலும் கூட 240 கோடிக்கு மேல் வசூல் சாதனையை செய்துள்ளது மாஸ்டர் திரைப்படம்.

அந்தவகையில் அடுத்ததாக தற்போது சன் பிக்சர்ஸ் நிறுவனத்துடன் இணைந்து தளபதி 65 படத்தில் ஒப்பந்தமாகி உள்ளார் விஜய். இதற்கு வாழ்த்து தெரிவிக்கும் வகையில் சிவகார்த்திகேயன் தன்னுடைய ட்விட்டர் பக்கத்தில் 400 என்பதை பதிவு செய்திருந்தார். இதைப்பார்த்த ரசிகர்கள் 400 கோடி வசூலுக்கு ரெடியாக இருங்கள் என பரப்பிவிட்டனர்.

அதனைத் தொடர்ந்து அடுத்ததாக தெலுங்கு தயாரிப்பாளர் ஒருவருடன் இந்தியாவே கலக்கும் இயக்குனர் பிரசாந்த் நீல் இயக்கத்தில் தளபதி 66 படத்தில் நடிக்க உள்ளாராம் விஜய். இந்த கூட்டணி அமைத்தால் அந்த படம் 500 கோடி வசூல் செய்யுமாம்.

அதனைத் தொடர்ந்து தளபதி 67 படத்தில் விஜய் வெற்றிமாறன் கூட்டணி இணைய உள்ளதாம். இந்த கூட்டணி மட்டும் அமைந்தால் இந்தியா முழுவதும் விஜய்யின் படம் 700 கோடி வசூல் செய்யுமாம்.

இவ்வாறு சமூக வலைதளங்களை விஜய் ரசிகர்கள் தங்களுடைய கருத்துகளை பதிவிட்டு வருகின்றனர். விஜய்யின் சினிமா கேரியரில் அதிக வசூல் செய்த படம் பிகில் தான். அந்த படம் கிட்டத்தட்ட 300 கோடி வரை வசூல் செய்தது.

300 கோடி வசூல் செய்தும் அட்லீயால் தயாரிப்பு தரப்பு கொஞ்சம் நஷ்டத்தை சந்தித்ததாக தற்போது வரை ஒரு பேச்சுள்ளது குறிப்பிடத்தக்கது. வருங்காலங்களில் விஜய்யின் படங்கள் கண்டிப்பாக மிகப்பெரிய வசூல் சாதனை செய்யும் என்பதில் எந்த சந்தேகமும் இல்லை. ஆனால் இப்போதே மனக்கோட்டை கட்டுவதை தான் மற்ற ரசிகர்கள் கிண்டலடித்து வருகின்றனர்.

தி கிரேட் இந்தியன் கிச்சன்…

“தி கிரேட் இந்தியன் கிச்சன்” படம் தமிழ் மற்றும் தெலுங்கில் ரீமேக் ஆகிறது, இயக்குனர் ஆர்.கண்ணன் இதனை இயக்குகிறார்.

மலையாளத்தில் கடந்த ஜனவரி மாதம் வெளியாகி மிகப்பெரிய தாக்கத்தை ஏற்படுத்திய படம் ‘தி கிரேட் இந்தியன் கிச்சன்’. இப்படத்தை தற்போது தமிழ் மற்றும் தெலுங்கில் ரீமேக் செய்கின்றனர்.

இதற்கான ரீமேக் உரிமையை இயக்குனர் ஆர்.கண்ணன் கைப்பற்றி உள்ளார். இப்படத்தை அவரே இயக்கியும் வருகிறார்.

பெயரிடப்படாத இந்த படத்தில் நடிகை ஐஸ்வர்யா ராஜேஷ் ஹீரோயினாக நடிக்கிறார். அவருக்கு ஜோடியாக பாடகி சின்மயியின் கணவர் ராகுல் ரவீந்திரன் நடிக்கிறார்.

இந்நிலையில், இப்படத்தில் நடிகர் யோகிபாபுவும் முக்கிய கதாபாத்திரத்தில் நடிக்க ஒப்பந்தமாகி உள்ளார்.

மேலும் படப்பிடிப்பில் அவர் கலந்துகொண்ட போது எடுத்த புகைப்படம் வெளியாகி உள்ளது. இப்படத்தின் படப்பிடிப்பு காரைக்குடியில் நடைபெற்று வருகிறது.

வித்யூத் ஜம்வால்…

தளபதி விஜய் மற்றும் விஜய் சேதுபதி நடிப்பில் இயக்குனர் லோகேஷ் கனகராஜ் இயக்கத்தில் வெளியான மாஸ்டர் திரைப்படம் பிளாக் பஸ்டர் ஹிட்டானது.

அதனை தொடர்ந்து தளபதி விஜய் இயக்குனர் நெல்சன் திலீப்குமார் இயக்கத்தில் தளபதி 65 படத்தில் நடிக்கவுள்ளார்.

இப்படத்தின் பூஜை அண்மையில் முக்கிய நட்சத்திரங்களுடன் நடந்தது, மேலும் தளபதி விஜய் இந்த பூஜையில் கலந்து கொண்டு அவரின் புகைப்படங்கள் இணையத்தில் வைரலானது.

இந்நிலையில் தளபதி 65 படம் குறித்து எதாவது தகவல் இணையத்தில் பரவி வருகிறது, அந்த வகையில் தற்போது தளபதி 65 படத்தில் பிரபல காமெடி நடிகர் யோகி பாபு நடிப்பதாக கூறியிருந்தார்.

மேலும் தற்போது பிரபல பாலிவுட் நடிகர் வித்யூத் ஜம்வால் தளபதி 65 படம் குறித்து ட்விட்டரில் பதிவிட்டுள்ளார்.

ஆம், தளபதி 65 படத்தில் அவர் வில்லனாக நடிப்பதாக தகவல் ஒன்று பரவி உள்ளது.

இதற்கு வித்யூத் ஜம்வால் “அதற்காக தான் காத்திருப்பதாகவும், ஆனால் இந்த தகவல் உண்மை இல்லை” என பதிவிட்டுள்ளார்.

I AM WAITING 🎉,and would love to..
But this news is false😞 https://t.co/OCpF6U4DEY

— Vidyut Jammwal (@VidyutJammwal) April 2, 2021

செஃப் தாமு மகள் …

பிரபல விஜய் டிவி தொலைக்காட்சியில் ஒளிபரப்பாகி வரும் மிகவும் பிரபலமான நிகழ்ச்சி தான் குக் வித் கோமாளி, இதை வாரம்தோறும் காண ஒரு மிக பெரிய ரசிகர்கள் கூட்டம் உள்ளது.

அந்த வகையில் பலரும் எதிர்பார்த்து வந்த பைனல்ஸ் நிகழ்ச்சி குக் வித் சீசன் 2-வில் விரைவில் நடைபெறவுள்ளது.

இதற்காக ரசிகர்கள் அனைவரும் மிகுந்த அவளோடு காத்துகொண்டு இருக்கின்றனர். மேலும் அஸ்வின், பாபா பாஸ்கர், ஷகீலா, கனி, பவித்ரா உள்ளிட்டோர் பைனல்ஸ்க்கு தேர்வாகியுள்ளனர்.

இந்நிலையில் பிரபல செஃப் மற்றும் குக் வித் கோமாளி நிகழ்ச்சியின் நடுவராக இருந்து வரும் செஃப் தாமு மகளின் புகைப்படம் இணையத்தில் வெளியாகி வைரலானது.

மேலும் அக்ஷயா தாமோதரன் தனது இன்ஸ்டாகிராம் பக்கத்தில் புகைப்படம் ஒன்றை பதிவிட்டுள்ளார். ஆம் அதில் குக் வித் பிரபலம் அஸ்வினை சந்தித்து அவருடன் எடுத்துக்கொண்ட புகைப்படத்தை பதிவிட்டுள்ளார்.

 

View this post on Instagram

 

A post shared by Akshayaa Damodaran (@akshay3387)