நடிகர் ராகவா லாரன்ஸ்…………

டான்ஸ் மாஸ்டராக தன்னுடைய வாழ்க்கையைத் தொடங்கி, தற்போது ஹீரோவாக கலக்கிக் கொண்டிருப்பவர் தான் நடிகர் ராகவா லாரன்ஸ். இவர் தற்போது இந்திய சினிமாவில் பிரபலமான டான்ஸ் மாஸ்டராக வலம் வந்து கொண்டிருக்கிறார்.

அதேபோல் ராகவா லாரன்ஸ் நடன இயக்குனராக மட்டுமில்லாமல், நடிகர், இயக்குனர், இசையமைப்பாளர், பின்னணி பாடகர் என தனது பன்முக திறமைகளையும் மக்களுக்கு விருந்தாக அளித்துள்ளார்.

மேலும் ராகவா லாரன்ஸ் இயக்கத்தில் வெளியான பேய் படங்கள் அனைத்துமே மக்கள் மத்தியில் பெரிய வரவேற்பும் வசூலையும் பெற்றுத்தந்தது. சமீபத்தில் இவரது இயக்கத்தில் ஹிந்தியில் வெளியான ‘லக்ஷ்மி’ (காஞ்சனா படத்தின் ரீமேக் திரைப்படம்) விமர்சன ரீதியாகவும், வசூல் ரீதியாகவும் சாதனை புரிந்தது.

இந்த நிலையில் ராகவா லாரன்ஸ் பற்றிய சுவாரஸ்யமான தகவல் ஒன்று இணையத்தில் வைரலாகி, அவரது ரசிகர்களை வியப்பில் ஆழ்த்தியுள்ளது.

அது என்னவென்றால், ராகவா லாரன்ஸ் சினிமா வாழ்க்கையை முதன் முதலாக ஸ்டன்ட் யூனியனில் தான் ஆரம்பித்தாராம். அப்போது சண்டை பயிற்சியாளரான சூப்பர் சுப்புராயன் மாஸ்டர் சரத்குமாருக்கு ராகவா லாரன்சை அறிமுகப்படுத்தியதோடு, லாரன்ஸ் நன்றாக டான்ஸ் ஆடுவார் என்றும், அவருக்கு படங்களில் வாய்ப்பு கொடுக்குமாறும் சரத்குமாரிடம் கேட்டுக்கொண்டாராம்.

அப்போது சரத்குமார் லாரன்சை ஒரு பாட்டுக்கு நடனமாட சொன்னாராம். லாரன்ஸ் சிறப்பாக நடனம் ஆடியதால் சரத்குமார் ஆச்சர்யமடைந்ததோடு, அவருக்கு 100 ரூபாய் சன்மானமாக கொடுத்தாராம். இதுதான் சினிமா வாழ்க்கையில் நுழைந்தவுடன் லாரன்ஸ் பெற்ற முதல் சம்பளமாம். சரத்குமாரும் நாலு பேரிடம் சொல்லித்தான் லாரன்ஸ்க்கு வாய்ப்பும் கிடைத்ததாம்.

இதனைத் தொடர்ந்து பல வருடங்கள் கழித்து ராகவா லாரன்ஸ் தன்னுடைய ப்ரொடக்ஷன்- இல் சரத்குமாரை காஞ்சனா படத்தில் நடிக்க வைத்தாராம். அதாவது சரத்குமாருக்கே சம்பளம் கொடுக்கும் அளவிற்கு உயர்ந்துவிட்டார் ராகவா லாரன்ஸ்.

இந்தத் தகவல்கள் தற்போது இணையத்தில் வைரலாகி வருவதோடு, சினிமாவில் சாதிக்க நினைக்கும் பல இளைஞர்களுக்கு இன்ஸ்பிரேஷனாக அமைந்துள்ளது.

லெஜண்ட் சரவணா……

சூப்பர் ஸ்டார் ரஜினிகாந்த் தற்போது சிறுத்தை சிவா இயக்கும் அண்ணாத்த படத்தில் நடித்து வருகிறார். சன் பிக்சர்ஸ் தயாரிக்கும் இந்தப் படத்தின் படப்பிடிப்புகள் தற்போது சென்னையில் வெகு வேகமாக நடைபெற்று வருகிறது.

அண்ணாத்த படப்பிடிப்பு ஏற்கனவே பல தடங்கல்களுக்கு உள்ளானதால் தற்போது எந்தவித பாதிப்பும் வந்துவிடக் கூடாது என்பதில் கண்ணும் கருத்துமாக செயல்பட்டு வருகிறது தயாரிப்பு நிறுவனம்.

முன்னதாக ஐதராபாத்தில் ஆரம்பிக்கப்பட்ட படப்பிடிப்பு திடீரென ரஜினிக்கு உடல்நிலை சரியில்லாமல் போன காரணத்தால் கைவிடப்பட்டது. தற்போது சில மாதங்கள் கழித்து மீண்டும் அண்ணாத்த படத்தின் படப்பிடிப்புகள் தொடங்கியுள்ளன.

தற்போது சென்னையில் ஒரே இடத்தில் பல படங்களின் படப்பிடிப்புகள் நடைபெற்று வருவதால் கொஞ்சம் பயத்தில் தான் இருக்கிறதாம் சன் பிக்சர்ஸ் நிறுவனம். இருந்தாலும் ரஜினி உள்ளிட்ட முக்கிய நடிகர்களின் பாதுகாப்பை உறுதி செய்த பிறகு தான் படப்பிடிப்பைத் தொடங்கி உள்ளனர்.

இந்நிலையில் அதே இடத்தில் தமிழ் சினிமாவின் அடுத்த சூப்பர் ஸ்டார் ரேஞ்சுக்கு தற்போது கொண்டாடப்படும் நடிகராக உருவாகிவரும் லெஜண்ட் சரவணா படப்பிடிப்பு நடைபெற்று வருகிறது.

அதனால் தற்போது சூப்பர் ஸ்டார் ரஜினிகாந்தை சரவணா ஸ்டோர்ஸ் அண்ணாச்சி சரவணன் அருள் சந்தித்தப் புகைப்படம் இணையத்தில் வைரலாகி வருகிறது. ஸ்டைலில் சூப்பர் ஸ்டார் ரஜினிக்கு டப் கொடுக்கும் வகையில் ஜிகுஜிகு என்று உடையணிந்து ரஜினியிடம் பேசி கொண்டிருக்கும் புகைப்படம்தான் என்ற இணையதள டிரென்டிங்.

சுல்தான்…………

சுல்தான் படத்தின் ட்ரெய்லர் வெளியீட்டு விழாவில் படத்தின் கதையை எதர்ச்சியாக கார்த்தி உளறி விட்டார் என்பதுதான் படக்குழுவினரை அதிர்ச்சியில் ஆழ்த்தியுள்ளது. இது தற்செயலாக நடந்த ஒன்று தான்.

மாஸ்டர் படத்திற்கு பிறகு அனைவரும் எதிர்பார்த்துக் காத்துக் கொண்டிருக்கும் பெரிய திரைப்படம் என்றால் அது கார்த்தி நடிப்பில் ஏப்ரல் 2ஆம் தேதி வெளியாக இருக்கும் சுல்தான் படம் தான்.

நீண்ட நாட்களாக சுல்தான் படப்பிடிப்பு நடைபெற்று வந்த நிலையில் தற்போது ஒரு வழியாக ரிலீஸ் கட்டத்தை எட்டியுள்ளது. படம் வருமா, வராதா என்ற எந்த ஒரு சந்தேகமும் ரசிகர்களுக்கு வந்துவிடக்கூடாது என்பதற்காக படத்தின் தயாரிப்பாளர் எஸ்ஆர் பிரபு கண்டிப்பாக சுல்தான் படம் ஏப்ரல் 2ஆம் தேதி வெளியாகும் எனவும், அனைவரும் பாதுகாப்புடன் படத்தை பார்த்து என்ஜாய் செய்யுங்கள் எனவும் குறிப்பிட்டுள்ளார்.

இந்நிலையில் இன்று சத்யம் சினிமாஸில் சுல்தான் படத்தின் ட்ரெய்லர் வெளியீட்டு விழா நடைபெற்றது. இதில் படத்தில் நடித்த நடிகர் நடிகைகள் டெக்னீஷியன்கள் என அனைவரும் கலந்து கொண்டனர். மேலும் இந்த படத்தின் மூலம் முதன்முதலாக தமிழ் சினிமாவில் ரஷ்மிகா மந்தனா அறிமுகமாக உள்ளார் என்பதே படத்தின் மீதான எதிர்பார்ப்பை இரட்டிப்பாகியுள்ளது.

ட்ரெய்லர் வெளியீட்டு விழாவில் நடிகர் கார்த்தி பேசும்போது, ஒரு இலக்கை நோக்கி சென்று கொண்டிருப்பவரிடம் எதிர்பாராமல் ஒரு பொறுப்பு வருவதாகவும், அந்த பொறுப்பை எடுத்துக் கொள்வதும் எடுத்துக்கொள்ளாமல் போவதும் அவரது தனிப்பட்ட விருப்பம், ஆனால் அந்த பொறுப்பை எடுத்துக் கொள்ளவில்லை என்றால் பிற்காலத்தில் அவன் வருத்தப்படுவான் என்பதை உணர்ந்து அந்த பொறுப்பை எடுத்துக் கொள்கிறான் என்பதுதானாம்.

மேலும் சண்டை பிடிக்காத ஒருவரிடம் எப்போதுமே அடிதடி என இருக்கும் ஒரு கூட்டத்தை கொடுத்து மேய்க்க வேண்டும் என்று சொன்னால் எப்படி இருக்கும் என்ற ஒரு வரி கதையே தன்னை மிகவும் இம்பிரஸ் செய்ததால் இந்த படத்தில் நடித்துள்ளேன் எனவும் கார்த்தி குறிப்பிட்டுள்ளார்

சிவகார்த்திகேயன்…

தமிழ் சினிமாவில் இளம் நடிகர் சிவகார்த்திகேயன். இவர் தற்போது அயலான், டாக்டர் உள்ளிட்ட படங்களில் நடித்திருக்கிறார். இப்படங்கள் விரைவில் தியேட்டரில் வெளியாகவுள்ளன.

இந்நிலையில் சமீபத்தில் டான் என்ற படத்தில் சிவகார்த்திகேயன் நடிக்கவுள்ளதாக அதிகாரப்பூர்வமாக தகவல்கள் வெளியானது. இப்படத்தை சிபி சக்கரவர்த்தி இயக்கவுள்ளார்.

இப்படத்தில் அவர் கல்லூரி மாணவராக நடிப்பதால் முன்பிருந்ததை உடல்நிலை குறைந்து ஒல்லியாக இருப்பதுபோன்ற புகைப்படங்கள் இணையதளங்களில் வைரலாகி வருகிறது.

மேலும் சமீபத்தில் தனது நண்பர் ஒருவரின் பிறந்தநாளின்போது அவரது குடுபத்தினருடன் அவர் எடுத்துக்கொண்ட புகைப்படங்களைப் பார்த்து,

சிவகார்த்திகேயன் ரசிகர்கள் படத்திற்காக உடல் எடையைக் குறைத்து தன்னை வருத்திக் கொள்ளுபவர் என்றுகூறி இதைப் பரவலாக்கி வருகின்றனர்.