துருவ் விக்ரம்…

விக்ரம் தனது 60வது படத்தில் நடிக்க இருப்பது குறிப்பிடத்தக்கது. அந்த படத்தை யார் இயக்குகிறார்கள், யார் இசையமைப்பாளர் என்கிற விவரத்தை படத்தின் தயாரிப்பாளர் லலித்குமார் வெளியிட்டுள்ளார்.

விக்ரம் நடிக்கும் சியான்60 வது படத்தை பேட்ட, ஜகமே தந்திரம் படங்களை இயக்கிய கார்த்திக் சுப்புராஜ் இயக்க உள்ள செய்தி அதிகாரப்பூர்வமாக வெளி வந்துள்ளது. இதில் நீண்ட நாட்கள் கழித்து விக்ரம் கேங்ஸ்டர் படத்தில் நடிக்க உள்ளது போஸ்டரிலேயே தெரிகிறது.

அதே போல் இந்த படத்தில் விக்ரமுடன் சேர்ந்து அவரது மகன் துருவ் விக்ரம் நடிக்க உள்ளார். இந்த படத்தை எழுதி இயக்குகிறார் கார்த்திக் சுப்புராஜ். துருவ் விக்ரம் நடித்த முதல் படமே ரசிகர்களிடம் வரவேற்பை பெறத் தவறியது.

இத்தனைக்கும் அந்த படத்தை பார்த்து பார்த்து ரெடி செய்தவர் விக்ரம் தான். நடிப்புக்கு பாராட்டு கிடைத்தாலும் படம் வியாபார ரீதியாக வெற்றி பெறவில்லை.

இதனால் எப்படியாவது தன்னுடைய மகன் துருவ் விக்ரமுக்கு ஒரு வெற்றிப்படத்தை கொடுத்துவிட வேண்டும் என்பதற்காக அவருக்கு வில்லனாக சீயான் 60 படத்தில் நடித்து வருகிறார் விக்ரம்.

மேலும் முந்தைய படங்களில் சாக்லேட் பாய் வேடத்தில் வந்த துருவ் விக்ரம் கார்த்திக் சுப்புராஜ் இயக்கும் படத்தில் முற்றிலுமாக தன்னுடைய தோற்றத்தை மாற்றி கட்டுமஸ்தான உடல் அமைப்புடன் நடித்து வருகிறார்.

அப்பா எட்டடி பாய்ந்தால் பிள்ளை 16 அடி பாய்கிறார் என இப்போது கோலிவுட் வட்டாரங்களில் பேச்சுகள் எழுந்துள்ளன. அந்த அளவுக்கு தன்னுடைய தோற்றத்தை கரடுமுரடாக மாற்றியுள்ள துருவ் விக்ரம் சமீபத்தில் கார்த்திக் சுப்புராஜ் பிறந்தநாள் கொண்டாட்டத்தில் கலந்து கொண்ட போது எடுக்கப்பட்ட புகைப்படம் இணையத்தில் வைரலாகி வருகிறது.

கர்ணன்..

தனுஷ் நடிப்பில் ஏகப்பட்ட படங்கள் ரிலீசுக்கு ரெடியாகி வெளியீட்டுக்கு தயாராக இருக்கின்றன. அந்த வகையில் அடுத்ததாக மாரி செல்வராஜ் இயக்கத்தில் தனுஷ் நடித்திருக்கும் கர்ணன் படம் வெளியாக உள்ளது.

முன்னதாக கர்ணன் படத்தின் பாடல்கள் வெளியாகி இணையத்தில் ரசிகர்களை கவர்ந்த நிலையில் அடுத்ததாக கர்ணன் படத்தின் டீசர் எப்போது என்ற கேள்வியை ரசிகர்கள் மத்தியில் எழுந்தது.

கடந்த சில தினங்களுக்கு முன்பே தனுஷ் தன்னுடைய ட்விட்டர் பக்கத்தில் கர்ணன் டீசர் சீக்கிரம் வரும் என தெரிவித்திருந்தார். ஆனால் அறிவிப்பு வந்து வாரக்கணக்காகியும் நீண்ட நாட்களாக அறிவிப்பு வராததால் ரசிகர்கள் சோர்வுடன் காணப்பட்டனர்.

இந்நிலையில் மி.ர.ட்டலான போஸ்டருடன் கர்ணன் படத்தின் டீசர் வருகின்ற மார்ச் மாதம் 23 ஆம் தேதி வெளியாகும் என தனுஷ் தனது ட்விட்டர் பக்கத்தில் அதிகாரபூர்வமாக அறிவித்துள்ளார். கர்ணன் படத்தின் ஒவ்வொரு விஷயமும் ரசிகர்களை பெருமளவில் எதிர்பார்க்க வைக்கிறது என்பதும் குறிப்பிடத்தக்கது.

டீசர் வெளியீட்டு தேதி போஸ்டரிலேயே பல அசுரர்களுக்கு நடுவில் கையில் விலங்குடன் க.த்.தியை வைத்து கொ.லை வெ.றி.யுடன் பார்க்கும் போஸ்டர் ரசிகர்களின் ஏகோபித்த வரவேற்பை பெற்றுள்ளது.

மேலும் கலைப்புலி எஸ் தாணு தயாரிப்பில் உருவாகியிருக்கும் கர்ணன் படம் வருகின்ற ஏப்ரல் மாதம் ஒன்பதாம் தேதி வெளியாக உள்ளது. மாஸ்டர் படத்திற்கு பிறகு மிகப்பெரிய வசூலை கர்ணன் படம் ஈட்டி கொடுக்கும் என தியேட்டர்காரர்கள் எதிர்பார்த்துக் கொண்டிருக்கின்றனர்.

த்ரிஷா…

பிரமாண்ட இயக்குனர் ஷங்கர் இயக்கிய பாய்ஸ் திரைப்படம் கடந்த 2003ஆம் ஆண்டு வெளியாகி மிகப்பெரிய வெற்றி பெற்றது என்பது தெரிந்ததே.

இந்த படத்தில் கிட்டத்தட்ட அனைவருமே புதுமுகங்கள் நடித்து இருந்தனர் என்பதும் குறிப்பாக ஹரிணி கேரக்டரில் நடித்திருந்த ஜெனிலியா இந்த படத்தின் வெற்றிக்கு முக்கிய காரணம் என்பதும் குறிப்பிடத்தக்கது

இந்த நிலையில் இந்த படத்திற்காக ஹரிணி கேரக்டருக்கான நடிகையை தேடியபோது த்ரிஷாவின் புகைப்படத்தை ஷங்கரிடம் காட்டியதாகவும்,

ஆனால் அவரை ஷங்கர் ரிஜக்ட் செய்து விட்டதாகவும் ஷங்கரிடம் உதவி இயக்குனராக இருந்தவர் பேட்டி ஒன்றில் கூறியுள்ளார்

‘பாய்ஸ்’ படத்தின் நாயகியை தேடும் பணியில் இருந்தபோது மிஸ் மெட்ராஸ் நிகழ்ச்சிக்கு நாங்கள் சென்றிருந்தோம் என்றும், அந்த நிகழ்ச்சியில் வெற்றி பெற்றவருக்கு கடந்த ஆண்டு வெற்றி பெற்ற த்ரிஷா,

கிரீடம் சூட்ட வந்து இருந்தார் என்றும் அதனை அடுத்து அவரை வளைத்து வளைத்து புகைப்படம் எடுத்து ஷங்கரிடம் சென்று காட்டிய போது ’இந்த பெண்ணிடம் ஏதோ ஒன்று மிஸ் ஆகிறது,

வேறு யாரையாவது தேடுங்கள், என்று ஷங்கர் எங்களிடம் கூறியபோது நாங்கள் மிகவும் அதிர்ச்சி அடைந்தோம் என்றும் அவர் அந்த பேட்டியில் கூறியிருந்தார். இந்த பேட்டி தற்போது சமூக வலைதளங்களில் வைரலாகி வருகிறது

பிரியங்கா….

சன் டிவியில் ஒளிபரப்பாகி வரும் சீரியல் ரோஜா. சன் டிவியின் TRPயில் உச்சத்தில் இருக்கும் சீரியலும் ரோஜா தான்.

இந்த சீரியலில் கதாநாயகனாக அர்ஜுன் கதாபாத்திரத்தில் சிபு சூர்யன் என்பவர் நடிக்க, பிரியங்கா என்பவர் ரோஜா எனும் கதாநாயகி கதாபாத்திரத்தில் நடித்து வருகிறார்.

முதலில் தெலுங்கில் குழந்தை நட்சத்திரமாக நடித்து வந்த நடிகை பிரியங்கா, ரோஜா சீரியல் மூலம் தமிழ் ரசிகர்களை கவர்ந்துள்ளார்.

இந்நிலையில் நடிகை பிரியங்காவிற்கும், பிரபல தெலுங்கு சீரியல் நடிகர் ராகுல் என்பவருக்கும் சில வருடங்களுக்கு முன் நடந்து முடிந்த அவரது திருமண புகைப்படத்தை பார்த்து ரசிகர்கள் ஷாக்காகியுள்ளனர்.

ஆனால் அது திருமணம் கிடையாதாம், நடிகர் ராகுலுடன் அவருக்கு நிச்சயதார்த்தம் மட்டும் தான் நடந்ததாம்.

அதன்பின் சில சொந்த பிரச்சனைகள் காரணமாக, இந்த திருமணம் நிச்சயதாரத்தில் நின்றுவிட்டது என நடிகை பிரியங்காவே தெரிவித்துள்ளராம்.

சன் பிக்சர்ஸ்…

தமிழ் திரையுலகில் சூப்பர் ஸ்டார் ரஜினி நடிப்பில் வெளியான எந்திரன் படத்தை தயாரித்ததன் மூலம் தயாரிப்பு நிறுவனமாக அறிமுகமானது கலாநிதி மாறனின் சன் பிக்சர்ஸ்.

இதன்பின் தயாரிப்பில் இருந்து விலகி, சில ஆண்டுகள் படங்களை விநியோகம் செய்து வந்தது.

ஆனால் மீண்டும் தளபதி விஜய் நடிப்பில் வெளியான சர்கார் திரைப்படத்தின் மூலம் தயாரிப்பை துவங்கி வெற்றிகரமாக விளங்கி வருகிறது சன் பிக்சர்ஸ்.

மேலும் தற்போது விஜய்யின் தளபதி 65, ரஜினியின் அண்ணாத்த, தனுஷ் D44, சூர்யாவின் 40வது படம் என நான்கு படங்களை தயாரித்து வருகிறது.

இந்நிலையில் இதுவரை சன் பிக்சர்ஸ் தயாரிப்பில் வெளியான படங்களின் வசூல் விவரம் குறித்து லிஸ்ட் வெளியாகியுள்ளது.

எந்திரன் – ரூ. 290 கோடி

சர்கார் – ரூ. 252 கோடி

பேட்ட – ரூ. 220 கோடி

காஞ்சனா 3 – ரூ. 130 கோடி

நம்ம வீட்டு பிள்ளை – ரூ. 74 கோடி

இதன்முலம் சன் பிக்சர்ஸ் நிறுவனம் தயாரித்து வெளியிட்ட படங்களில், எந்த ஒரு படமும் பாக்ஸ் ஆபிஸில் தோல்வியடையவில்லை.

இதனால் தோல்வி படம் தயாரிக்காத முன்னணி நிறுவனமாக விளங்கி வருகிறது சன் பிக்சர்ஸ்.

விஷ்ணு விஷால்…

தமிழ் சினிமா நடிகர்களில் ஒருவரான விஷ்ணு விஷால், 2009ம் ஆண்டில் சுசீந்திரன் இயக்கத்தில் வெளிவந்த ‘வெண்ணிலா கபடி குழு’ படத்தின் மூலம் நடிகராக அறிமுகமானார். தொடர்ந்து ‘முண்டாசுப்பட்டி, ஜீவா, இன்று நேற்று நாளை, ராட்சசன்’ உள்ளிட்ட படங்களில் நடித்துள்ளார்.

அவர் நடித்துள்ள ‘காடன்’ படம் தமிழ், தெலுங்கில் அடுத்த வாரம் வெளியாக உள்ளது. இப்படத்திற்கான வெளியீட்டிற்கு முந்தைய நிகழ்வு ஐதராபாத்தில் நடைபெற்றது. அப்போது தன்னுடைய திருமணத்தைப் பற்றி விஷ்ணு விஷால் அறிவித்துள்ளார்.

அவருக்கும் இந்திய பாட்மிண்டன் வீராங்கனையான ஜுவாலா கட்டாவுக்கும் சில வருடங்களாகவே காதல் இருந்து வருகிறது. இருவரும் அடிக்கடி ஜோடியாக புகைப்படங்களை வெளியிட்டுள்ளார்கள்.

“படப்பிடிப்பிலும் ஒரு படம் முடிவடையும் வரையிலும் ஜுவாலா கட்டா எனக்கு மிகப் பெரும் ஆதரவாக இருக்கிறார். விரைவில் நாங்கள் இருவரும் திருமணம் செய்து கொள்ள உள்ளோம். திருமணத் தேதி பற்றி விரைவில் அறிவிக்கிறோம், சீக்கிரமே நான் தெலுங்கு மாப்பிள்ளை ஆகப் போகிறேன்,” எனத் தெரிவித்துள்ளார்.

விஷ்ணு விஷாலுக்கும் நடிகர் ரஜினிகாந்தின் நெருங்கிய நண்பரான இயக்குனரும், நடிகருமான நட்ராஜ் மகள் ரஜினிக்கும் 2010ம் ஆண்டு திருமணம் நடைபெற்றது. 2018ல் இருவரும் விவகாரத்து செய்து கொண்டனர். அவர்களுக்கு 4 வயதில் ஆர்யன் என்ற மகன் இருக்கிறான்.

விஷ்ணு விஷால் – ஜுவாலா கட்டா திருமணம் அடுத்த மாதம் நடைபெறலாம் என திரையுலக வட்டாரங்கள் தெரிவிக்கின்றன.