பிரியா பவானி சங்கர்…

விஜய் சேதுபதி எப்படி கைவசம் பல படங்கள் வைத்திருக்கிறாரோ அதேபோல் நடிகைகளில் பிரியா பவானி சங்கர் கைவசம் 10 படங்களுக்கு மேல் வைத்து கோலிவுட் ராணியாக வலம் வருகிறார்.

இன்னும் கொஞ்ச நாளில் நயன்தாரா மார்க்கெட்டை ஓரம் கட்டினாலும் ஆச்சரியப்படுவதற்கு இல்லை என்கிறார்கள் விவரம் தெரிந்தவர்கள்.

தமிழில் மட்டுமல்லாமல் தொடர்ந்து தெலுங்கில் பட வாய்ப்புகள் குவிந்து கொண்டிருக்கின்றன. செய்தி வாசிப்பாளராக தன்னுடைய மீடியா கேரியரை தொடங்கி பின்னர்,

சீரியல் மூலம் இளம் ரசிகர்கள் மத்தியில் நல்ல வரவேற்ப்பை பெற்று சரியான நேரத்தில் சினிமாவில் நுழைந்து தற்போது முன்னணி நடிகையாக வளர்ந்து வருகிறார்.

விஜய், அஜித், விக்ரம், சூர்யா ஆகிய நடிகர்களுக்கு பிறகு இருக்கும் அனைத்து நடிகர்களின் படங்களிலும் தற்போது பிரியா பவானி சங்கர் தான் ஹீரோயின். போட்டி போட்டுக் கொண்டு ஒன்றுக்கு இரண்டு படங்களாக பிரியா பவானி சங்கரை இளம் நடிகர்கள் புக் செய்து வருகின்றனர்.

மணிரத்னம்…

தமிழ் சினிமாவில் முக்கியமான இயக்குனர்களில் ஒருவர் மணிரத்னம். இவர் இயக்கத்தில் வெளியான படங்கள் அனைத்துமே ரசிகர்களிடம் நல்ல வரவேற்பைப் பெற்றுள்ளன.

கடல், ராவணன் மற்றும் காற்று வெளியிடை போன்ற ஒரு சில படங்கள் மட்டுமே விமர்சன ரீதியாகவும், வசூல் ரீதியாகவும் தோல்வி அடைந்த நிலையில் கடைசியாக இவர் இயக்கத்தில் வெளியான செக்கச்சிவந்த வானம் மீண்டும் இவரை வெற்றி பாதைக்கு அழைத்து வந்தது.

சினிமா வாழ்க்கையில் தோல்வி அடைவது சகஜம்தான். இவரது தோல்வியை காட்டிலும் சினிமாவில் வெற்றி அதிகமாகவே உள்ளது. இவர் படத்தில் காட்சி ஒன்றை எடுக்க வேண்டும் என்றால் அதற்கு எவ்வளவு நேரமானாலும் மெனக்கெட்டு அந்த காட்சியை எடுத்த முடிப்பாராம்.

அதுமட்டுமில்லாமல் படத்தில் ஒரு சீன் எடுக்க வேண்டும் என்றால் அது ஒரிஜினாலிட்டி ஆக இருக்க வேண்டும் என்பதற்காக யோசித்து படப்பிடிப்புத் தளத்தில் அந்த காட்சியை எடுத்து முடிப்பார்.

அப்படி படத்தில் இடம் பெற்ற ஒரு சில காட்சிகளை உதாரணமாக சிலவற்றை பார்ப்போம்.

நாயகன் படத்தில் கிளைமாக்ஸ் காட்சியில் கமல் இறப்பது போல் கதையை அமைத்துள்ளனர். ஒரு மனிதன் இறந்து எடுக்காவிட்டால் உடனே ஈ முற்றிவிடும்.

அதனை படத்தில் காட்ட வேண்டும் என்பதற்காக படத்தில் கமல் அணிந்த சட்டையில் சர்க்கரை நீரில் நனைத்து காயவைத்து கொடுத்துள்ளனர். பின்பு உண்மையாகவே படத்தில் கமல் அணிந்த சட்டையில் ஈ மொயத்துள்ளது.

அந்த அளவிற்குபடத்தில் ஒரு காட்சி எடுக்க வேண்டுமென்றால் அதற்கு என்னென்ன செய்ய வேண்டும் என்று முன்பே யோசித்து தத்ரூபமாக அந்த காட்சியை எடுத்து முடிப்பார். அதனால்தான் தமிழ் சினிமாவில் இந்த அளவிற்கு இவர் வளர்ந்துள்ளார் என பலரும் கூறியுள்ளனர்.

சந்திரமுகி 2…

பி. வாசு இயக்கத்தில் சூப்பர் ஸ்டார் ரஜினிகாந்த் நடித்து 2005ஆம் ஆண்டு வெளியாகி சூப்பர் ஹிட்டான திரைப்படம் சந்திரமுகி.

இப்படத்தின் இரண்டாம் பாகம், சந்திரமுகி 2 ராகவா லாரன்ஸ் நடிக்க, பி. வாசு இயக்கவிருக்கிறார். இந்நிலையில் சந்திரமுகி 2 படத்தின் கதை குறித்து செம சுவாரஸ்ய விஷயம் வெளியாகியுள்ளது.

இதில் ” சந்திரமுகி படத்தில் எப்படி ரஜினி, பிரபு குடும்பத்துடன் செல்லுகிறார்களோ, அதே போல் புதிதாக ஒரு குடும்பம் வேட்டையன் அரண்மனைக்குள் செல்கிறது.

உள்ளே வந்த பிறகு வேட்டையனிடம் அந்த குடும்பன் மாட்டிக்கொண்டு, அதன்பின் எப்படி தப்பிக்கிறது ” என்பது தான் படத்தின் மீதி கதையாம்.

இதில் வேட்டையனின் கதாபாத்திரம் மிகவும் கொ.டூ.ர.மான கதாபாத்திரமாக இருக்கும் என்றும் தெரிவிக்கின்றனர்.

விஜய் – மகேஷ்பாபு…

மணிரத்னம் தற்போது கிட்டத்தட்ட 400 கோடி பட்ஜெட்டுக்கு மேல் பொன்னியின் செல்வன் எனும் படத்தை இரண்டு பாகமாக இயக்கி வருகிறார். இந்த படத்தில் ஜெயம் ரவி, கார்த்தி, ஐஸ்வர்யா ராய், அமிதாப் பச்சன், விக்ரம்பிரபு போன்ற பல முக்கிய நட்சத்திரங்கள் நடித்து வருகின்றனர்.

ஹைதராபாத்தில் பலத்த கட்டுப்பாடுகளுக்கு இடையே நடைபெற்று வரும் பொண்ணியின் செல்வன் படப்பிடிப்பு இறுதிகட்டத்தை எட்டியுள்ளதாம். விரைவில் முதல் பாகத்திற்கான வேலையை முடித்துவிட்டு வருகிற தீபாவளிக்கு படத்தை வெளியிட முடிவு செய்துள்ளனர்.

ஆனால் பல வருடங்களுக்கு முன்பே மணிரத்தினம் பொன்னியின் செல்வன் படத்தை தளபதி விஜய் மற்றும் சூப்பர் ஸ்டார் மகேஷ்பாபு ஆகிய இருவரையும் வைத்து உருவாக்க நினைத்தார் என்பது அனைவருக்கும் தெரிந்த ஒன்றுதான். பேச்சுவார்த்தைகள் முடிந்து இறுதியாக படப்பிடிப்பு செல்லும் தருவாயில் திடீரென கைவிடப்பட்டது ரசிகர்களுக்கு பேரதிர்ச்சியை கொடுத்தது.

ஆனாலும் அதற்கான காரணம் என்ன என்பதை படக்குழுவினரும் அவர்கள் சம்பந்தப்பட்டவர்களும் தெரிவிக்கவில்லை. இந்நிலையில் எதற்காக பொன்னியின் செல்வன் படத்திலிருந்து விஜய் மற்றும் மகேஷ்பாபு இருவரும் விலகினார்கள் என்ற தகவல் கிடைத்துள்ளது.

மணிரத்தினம் இருவரிடமும் கதை சொல்லிவிட்டு அடுத்த கட்ட வேலைகளில் இறங்கினாராம். இந்நிலையில் தான் இருவருக்கும் கால்ஷீட் பிரச்சனை ஏற்பட்டுள்ளது.

விஜய்யின் கால்ஷீட் ஃப்ரீயாக இருந்தால் அந்த பக்கம் மகேஷ்பாபு வேற படத்தில் பிஸியாக இருந்துள்ளார். அதேபோல் மகேஷ்பாபு படப்பிடிப்பு இல்லாமல் இருந்த சமயத்தில் விஜய் வேறு ஒரு படத்தில் நடித்துக் கொண்டிருந்தாராம். இருவருக்குமே கொஞ்சம்கூட ஒத்துவராத கால்ஷீட் பிரச்சனையால் தான் படம் கைவிடப்பட்டது.

அதன்பிறகு மணிரத்தினம் எவ்வளவு போராடியும் இருவரையும் வைத்து படம் இயக்க முடியவில்லை. இப்போது 400 கோடி பட்ஜெட்டில் பிரமாண்டமாக படம் இயக்கி வந்தாலும் விஜய் மற்றும் மகேஷ்பாபு இல்லையே என்ற ஒரு சின்ன குறை இன்னமும் மணிரத்தினம் மனதில் இருந்து கொண்டுதான் இருக்கிறதாம்.