சாய் பல்லவி…

தமிழ், தெலுங்கு மொழிகளில் மிகவும் பிரபலமாக இருக்கும் சாய் பல்லவியின் பாடல் ஒன்றுக்கு ஏற்பட்ட சர்ச்சைக்கு தீர்வு ஏற்பட்டுள்ளது. சாய்பல்லவி நடித்துள்ள லவ் ஸ்டோரி தெலுங்கு படத்தில் இடம்பெற்ற சாரங்க தரியா பாடல் சமீபத்தில் யூடியூப் தளத்தில் வெளியாகி வரவேற்பை பெற்றது.

மங்லி பாடிய இந்த பாடலுக்கு சாய்பல்லவி நடனம் ஆடி நடித்து இருந்தார். இந்த நிலையில் வாரங்கலை சேர்ந்த கிராமிய பாடகி கோமாலி, சாரங்க தரியா பாடல் எனக்கு சொந்தமானது. மேடை நிகழ்ச்சிகளில் இதனை பாடி வந்தேன்.

அந்த பாடலை இயக்குனர் சேகர் கம்முலு படத்தில் பயன்படுத்த என்னிடம் இருந்து வாங்கினார். என்னையே பாடவும் வைத்தார். பின்னர் எனக்கு தெரியாமல் வேறு பாடகியை பாட வைத்து விட்டார். சினிமாவில் கிராமிய பாடகர்களை சுரண்டுகின்றனர்” என்றார். இது சர்ச்சையானது.

இதற்கு பதில் அளித்து சேகர் கம்முலு கூறும்போது, “இந்த பாடலை சிரிஷா என்பவரை தோராயமாக பாட வைத்து படமாக்கினோம். பின்னர் அவர் கர்ப்பமாக இருந்ததால் பாட முடியவில்லை.

அதன்பிறகு மங்லி பாடினார். பாடல் வெளியான பிறகுதான் கோமாலி பற்றி தெரிந்தது. இந்த பாடல் விவகாரத்தில் சிரிஷா, கோமாலி ஆகிய இருவருக்கும் பணம் வழங்கப்படும்” என்றார். இதன் மூலம் சர்ச்சைக்கு தீர்வு ஏற்பட்டு உள்ளது.

சரவண அருள்..

பிரபல தொழிலதிபரும், சரவணா ஸ்டோர்ஸ் உரிமையாளருமான சரவண அருள், தற்போது கதாநாயகனாக படம் நடித்து வருகிறார்.

ஹாரிஸ் ஜெயராஜ் இசையில், விவேக் இவருடன் இணைந்து நடிக்க ஜெடி, ஜெரி இப்படத்தை இயக்கி வருகின்றனர்.

சமீபத்தில் இப்படத்தில் இடம்பெற்றுள்ள சண்டை காட்சிகளின் புகைப்படங்கள் வெளியானது.

இப்படத்தில் முதன் முதலில் கதாநாயகியாக நடிக்க நயன்தாரா, தமன்னா, ஹன்சிகா என பலருடன் பேச்சு வார்த்தை நடந்து வந்தது.

இந்நிலையில் இவர்கள் வேண்டாம் ஒதுக்கிய கதாபாத்திரத்தில், பிரபல பாலிவுட் நடிகை ஊர்வஷி என்பவர் நடித்து வருவதாக தெரிவிக்கின்றனர்.

இவர் பாலிவுட்டில் வெளியான பல சூப்பர்ஹிட் படங்களில் நடித்துள்ளார் என்பது குறிப்பிடத்தக்கது.

கார்த்திகேயா…

தல அஜித் நடிப்பில் மிகப்பெரிய எதிர்பார்ப்பை ஏற்படுத்தியிருக்கும் திரைப்படம் தான் வலிமை. கடந்த ஒரு வருடங்களுக்கு மேலாக தல அஜித் நடிப்பில் எந்த படமும் வெளியாகாமல் இருப்பதால் இந்தப் படத்தை பெரிய அளவில் எதிர்பார்த்து காத்துக் கொண்டிருக்கின்றனர்.

மேலும் அஜித்துக்கு ஜோடியாக பிரபல பாலிவுட் நடிகை ஹீமா குரேஷி என்பவர் நடித்துள்ளார். மேலும் வில்லனாக பிரபல தெலுங்கு நடிகர் கார்த்திகேயா நடித்து வருகிறார். சமீபத்திய பேட்டியில் கார்த்திகேயா வலிமை படத்தின் வில்லனாக நடிப்பதற்கு விஜய் படம் தான் காரணம் என குறிப்பிட்டுள்ளார்.

சமீபகாலமாக விஜய்யின் படங்கள் தெலுங்கு சினிமாவில் அதிகம் கவனத்தை ஈர்த்து வருகிறது. ஒருகாலத்தில் அடிமட்ட மார்க்கெட்டில் இருந்த விஜய்யின் படங்கள் தற்போது 25 கோடிகளுக்கு மேல் வசூல் செய்யும் அளவுக்கு மாறியுள்ளன.

அந்த வகையில் சமீபத்தில் வெளியான மாஸ்டர் திரைப்படம் கொரானா பிரச்சனைகளையும் தாண்டி பெரிய வசூல் செய்துள்ளது. மேலும் இந்த படத்தில் விஜய்யின் கதாபாத்திரம் பெரிய அளவில் வரவேற்பை பெற்றது. அதைவிட விஜய் சேதுபதியின் பவானி கதாபாத்திரம் பட்டிதொட்டியெங்கும் பட்டையை கிளப்பியது.

இந்நிலையில் வலிமை படத்தில் வில்லனாக நடித்து வரும் கார்த்திகேயா தனக்கு வலிமை படத்தில் வில்லன் கதாபாத்திரத்தில் நடிக்க தைரியம் கொடுத்த படங்கள் என்றால் அது மாஸ்டர் விஜய் சேதுபதி கதாபாத்திரமும், நான் ஈ பட சுதீப் கதாபாத்திரமும் தான் என குறிப்பிட்டுள்ளார்.

இந்த படங்களில் வில்லன் கதாபாத்திரங்களை ஹீரோவுக்கு இணையாக ரசிகர்களால் கொண்டாடப்பட்டதால் இந்த இரண்டு படங்களையும் முன்னோடியாக வைத்துதான் வலிமை படத்தில் நடித்து வருகிறேன் என கார்த்திகேயா சமீபத்திய பேட்டி ஒன்றில் குறிப்பிட்டுள்ளார்.

மேலும் விரைவில் வலிமை படத்தின் இறுதிகட்ட கிளைமாக்ஸ் சண்டைக் காட்சிகள் படமாக்க இருப்பதாகவும் அப்டேட் ஒன்றை தல அஜித் ரசிகர்களுக்கு கொடுத்துள்ளார் கார்த்திகேயா. கார்த்திகேயா தெலுங்கில் நானி நடிப்பில் வெளியான கேங்லீடர் எனும் படத்தில் வில்லனாக நடித்தவர் என்பதும் குறிப்பிடத்தக்கது.

ரைசா வில்சன்…

பிரபல நடிகை ரைசா வில்சன் தன்னுடைய இன்ஸ்டாகிராம் பக்கத்தில் ஆண் நண்பர் ஒருவருடன் மிக நெருக்கமாக இருக்கும் புகைப்படத்தை வெளியிட்டு ரசிகர்களை உசுப்பேற்றி உள்ளார்.

துணை நடிகையாக அறிமுகமாகி தற்போது நாயகியாக நடித்து வருபவர் ரைசா வில்சன். பியார் பிரேமா காதல் படத்தில் பெரிய அளவு பெயரைப் பெற்ற ரைசா வில்சன் அதற்கடுத்த படங்களில் சொல்லிக்கொள்ளும்படி நடிக்கவில்லை.

நடித்த படங்களும் பெரிய அளவில் செல்லவில்லை. தற்போது சினிமாவுக்கு கொஞ்ச காலம் பிரேக் விட்டுவிட்டு தன்னுடைய நண்பர்களுடன் மாலத்தீவு வெளிநாடு ஆகியவற்றை சுற்றிப்பார்க்க பொட்டி எடுத்துக் கொண்டு கிளம்பிவிட்டார்.

இந்நிலையில் ரைசா வில்சன் தன்னுடைய இன்ஸ்டாகிராம் பக்கத்தில் ஆண் நண்பர் ஒருவரின் மடியில் அமர்ந்துகொண்டு இருக்கமாக கட்டிக் கொண்ட புகைப்படம் ஒன்றை வெளியிட்டுள்ளார்.

மேலும் அந்த இன்ஸ்டாகிராம் ஸ்டோரியில் ஹாட் சிம்பல் போட்டு எந்த ஒரு கருத்தும் தெரிவிக்காமல் அந்த புகைப்படத்தை போஸ்ட் செய்துள்ளார். அந்த புகைப்படத்தை பார்க்கும் போதே வெளிநாட்டு நண்பர் ஒருவருடன் ரைசா வில்சன் காதலில் விழுந்துள்ளதாக தெரிகிறது.

ரைசா வில்சன் மற்றும் ஹரிஷ் கல்யாண் ஆகிய இருவரும் கடந்த சில மாதங்களாக காதலித்து வந்ததாக தகவல்கள் வெளியானது. ஆனால் அதில் துளி அளவும் உண்மை இல்லை என்பது இந்த புகைப்படத்தைப் பார்க்கும்போது தெரிகிறது.

யோகேஷ்…

விஜய் டிவியில் ஒளிபரப்பாகி வரும் முன்னணி நிகழ்ச்சிகளில் ஒன்று கலக்க போவது யார்.

இதில் கலக்கப்போவது யார் சீசன் 7ல் கலந்து கொண்டவர் தான் யோகேஷ்.

இவருக்கு சமீபத்தில் திருமணம் நடந்து முடிந்துள்ளது. இதனை கலக்க போவது யாரு வினோத் தனது இன்ஸ்டாகிராம் பக்கத்தில் பதிவிட்டுள்ளார்.

திருமண ஜோடியின் புகைப்படங்களை பார்த்த விஜய் டிவியிலிருந்து பல பிரபலங்கள் தங்களது வாழ்த்துக்களை சமூக வலைத்தளங்கள் மூலம் தெரிவித்து வருகின்றனர்.

 

View this post on Instagram

 

A post shared by vinoth (@vinothkpy)