மைக் செட் ஸ்ரீராம்…

சமீபகாலமாக யூடியூப் பிரபலங்களுக்கு தாங்கள் தான் இந்த உலகத்திலேயே பிரபலமானவர்கள் என்ற முற்போக்கு சிந்தனை வந்து விட்டதா என்பது தெரியவில்லை. ஒரு பொது இடத்தில் எப்படி நடந்து கொள்ள வேண்டும் என்பது கூட தெரியாமல் நிகழ்ச்சி நடத்துகிறார்கள் என மைக் செட் ஸ்ரீராம் மீது கடும் கண்டனங்கள் வலுத்து வருகின்றன.

யூடியூபில் சமீபகாலமாக வீடியோ பார்ப்பவர்களின் எண்ணிக்கை அதிகமாகியுள்ளது. அதனால் ஒரு சில இளைஞர்கள் தங்களது நட்பு வட்டாரங்களை வைத்துக்கொண்டு வீடியோக்களை வெளியிட்டு வருகின்றனர். அதில் சில சேனல்கள் பிரபலமாக இருந்து வருகின்றன.

அந்த வகையில் பிளாக் ஷீப், எரும சாணி, மைக் செட், சோதனைகள், பரிதாபங்கள் போன்றவை தமிழில் பிரபலமான யூடியூப் சேனல்களாக வலம் வருகின்றன. இதில் மற்ற சேனல்களை காட்டிலும் மைக் செட் ஸ்ரீராம் வெளியிடும் வீடியோக்களுக்கு அதிக அளவு வரவேற்பும் பார்வையாளர்களும் கிடைத்து வருகின்றன.

இந்தநிலையில் பிளாக் ஷீப் யூடியூப் சேனல் கடந்த சில வருடங்களாக யூடியூபில் பிரபலமானவர்களுக்கு அவார்டு கொடுக்கும் விழாவை நடத்தி வருகின்றனர். 2021 ஆம் ஆண்டிற்கான அவார்டு விழா சமீபத்தில் நடந்து முடிந்தது. இதில் மைக் செட் ஸ்ரீராம் பெரும் சர்ச்சையில் மாட்டியுள்ளார்.

பிளாக் ஷீப் நடத்திய அந்த நிகழ்ச்சியில் உலகநாயகன் கமலஹாசன் சிறப்பு விருந்தினராக கலந்து கொண்டார். அப்போது மேடையில் நின்று கொண்டிருந்த மைக் செட் ஸ்ரீராம், கமல் தோள்பட்டையை தொட்டு, எவ்வளவோ பிரச்சனைகளை பற்றி பேசுகிறீர்கள், முரட்டு சிங்கிள் பிரச்சனையைப் பற்றி பேசுங்கள் என கேள்வி கேட்டுள்ளார்.

கேள்வி கேட்டதில் எந்த பிரச்சனையும் இல்லை. ஆனால் மரியாதை மிக்க மனிதரை சக நண்பரின் தோளை தொட்டு பேசுவது போல மைக் செட் ஸ்ரீராம் நடந்துகொண்டது பலருக்கும் கோபத்தை ஏற்படுத்தியுள்ளது. ரசிகர்களையும் தாண்டி இந்த செயல் பல சாதாரண மக்களையும் கோபப்படுத்தியுள்ளது என்பதுதான் ஆச்சரியமாக உள்ளது.

ஒரு பொது மேடையில் எப்படி ஒருவரிடம் நடந்து கொள்ள வேண்டும் என்ற அடிப்படை அறிவுகூட இல்லாதவர்களை வைத்து நிகழ்ச்சியை நடத்தியதாக பிளாக் ஷீப் குழுவினர் மீதும் கண்டனங்கள் வலுத்து வருகின்றன. மைக் செட் ஸ்ரீராம் விளையாட்டாக செய்தது தற்போது அவருக்கு விபரீதமாக முடிந்துள்ளது குறிப்பிடத்தக்கது.

Is this a Question which can be asked to an Legend?
This is why I hate online events, learn from TV Channels on how to organise an event, also what and what not to ask to some people who made a huge impact in our Cinema. https://t.co/qsNFaC4zgG

— Ram Muthuram Cinemas (@RamCinemas) March 10, 2021

தனுஷ்…..

தமிழ் சினிமாவில் தற்போது முன்னணி நடிகராக திகழ்ந்து வருபவர் தான் தனுஷ். என்னதான் இவர் பெரிய வீட்டு மருமகனாக இருந்தாலும் அந்த தலை கணத்தை தனது தலையில் ஏற்றாமல் இருப்பதால் தான் தற்போது இவரால் கோலிவுட்டை தாண்டி, பாலிவுட், ஹாலிவுட் என உலக அளவில் பிரபலம் அடைய முடிந்தது.

அதே போல் தனுஷின் ஒவ்வொரு படமும் தனித்துவம் பெற்று இருப்பதால், ரசிகர்களிடையே நல்ல வரவேற்பை பெற்று வருகிறது. மேலும் தனுஷ் நடிப்பில் உருவாகியிருக்கும் ‘கர்ணன்’ திரைப்படம் விரைவில் திரையிடப்பட உள்ளது என்பதும், அந்த படத்திற்காக ரசிகர்கள் பலர் ஆவலுடன் காத்திருக்கின்றனர் என்பதும் நாம் அறிந்ததே.

இந்த நிலையில் தனுஷ் கேரவனில் தேம்பித் தேம்பி அழுததாக பேசியிருக்கும் வீடியோ ஒன்று தற்போது இணையத்தில் காட்டுத் தீ போல் பரவி வருகிறது.

அதாவது தற்போது தவிர்க்க முடியாத நடிகர்களில் ஒருவராக திகழ்ந்து வரும் தனுஷ், ஒருகாலத்தில் படாத அவமானமே கிடையாது என்று வீடியோ ஒன்றில் தெரிவித்திருக்கிறார். மேலும் அந்த வீடியோவில் தன்னை அவமானப் படுத்தாத ஆளே கிடையாது என்று உருக்கமாக பேசியிருக்கிறார் தனுஷ்.

மேலும் ‘காதல் கொண்டேன்’ படத்தின் சூட்டிங் ஆந்திராவில் எடுக்கப்பட்டபோது, அங்குள்ள ஒருவர் இந்த படத்திற்கு யார் ஹீரோ என்று தனுஷிடம் கேட்டாராம். அதற்கு தனுஷ் சுதீப்பை (படத்தின் இரண்டாவது கதாநாயகன்) காட்டி இவர்தான் என்று கூறினாராம். அந்த ரசிகரும் சுதீப்புடன் கை கொடுத்து போட்டோ எடுத்துக் கொண்டாராம்.

பிறகு, அசிஸ்டன்ட் டைரக்டர் தனுஷ் தான் ஹீரோ என்று அந்த ரசிகரிடம் கூற, அங்கிருந்த மொட்டை கூட்டமும் தனுஷை பார்த்து கேலி செய்து சிரித்தார்களாம். அதுமட்டுமில்லாமல், இந்த ஆட்டோக்காரன் ஹீரோ, அந்த ரிக்ஷாகாரன் ஹீரோ என்று கேலி செய்ய ஆரம்பித்து விட்டார்களாம்.

இதைப்பார்த்த 18 வயசு தனுஷுக்கு இதை எப்படி எடுத்துக் கொள்வது என்று தெரியாமல், கேரவனுக்குள் சென்று தேம்பித் தேம்பி அழ ஆரம்பித்து விட்டாராம். இந்த தகவல்களை தற்போது தனுஷ் வீடியோ ஒன்றில் பதிவிட்டு இருப்பதோடு, ஒருவரின் உருவத்தை பார்த்து கேலி செய்யக் கூடாது என்றும் தெரிவித்திருக்கிறார். இந்த வீடியோ தற்போது சமூக வலைத்தளங்களில் காட்டுத்தீ போல் பரவி வருகிறது.