சிவகார்த்திகேயன்…

நடிகர் சிவகார்த்திகேயனின் சாதனை அனைவராலும் பேசப்படும் விசயம். ஒரு சாதாரண காமெடி கலைஞராக டிவி மேடையில் தோன்றி மக்களை மகிழ வைத்து நிகழ்ச்சி தொகுப்பாளராக தன் திறமையை காட்டி இன்று டாப் ஸ்டார் ஹீரோவாக வெகு சீக்கிரம் உயர்ந்துள்ளது நிச்சயம் பாராட்டபட வேண்டியது தானே.

காலம் போன போக்கில் கிடைக்கும் அங்கீகாரத்திற்கும் காலத்தே கிடைக்கும் அங்கீகாரத்திற்கும் வேறுபாடு உண்டு என்று சொல்வார்கள்.

அவருக்கு தமிழக அரசு அண்மையில் கலைமாமணி விருதை வழங்கியது. கலைத்துறை சார்ந்த பலருக்கும் இந்த விருது கொடுக்கப்பட்டு கவுரவிக்கப்பட்டது.

சிவகார்த்திகேயன் அவ்விருதை தன் அம்மாவிடம் கொடுத்து காலில் விழுந்து வணங்கி ஆசி பெற்ற அந்த நிகழ்வை இளைஞர்களின் மனதை ஈர்த்த அரசு கா.வ.ல் துறை அதிகாரிகளுள் ஒருவரான அர்ஜூன் சரவணன் பாராட்டி பதிவிட்டுள்ளார்.

தாயின் காலடியில் சொர்க்கம் இருக்கிறது – நபிகள் நாயகம்.

உலகத்தில் சுயநலமே கலக்காத ஒரு தியாகி உண்டென்றால்,அது தாயாகவே இருக்க முடியும். தியாகத்தின் மொத்த உருவம் தாய்தான்.

என்றும் இளைஞர்களுக்கு முன்னுதாரணமாக திகழ வாழ்த்துகள்.

உலகின் சிறந்த சொல் செயல் தான்.@Siva_Kartikeyan 💐💐 pic.twitter.com/jtMZFAZmSb

— Arjun Saravanan (@ArjunSaravanan5) February 21, 2021

ஐஎம் விஜயன்……..

பிகில் பட த்தில் நடித்த நடிகர் ஐஎம் விஜயன் கேரள காவல் துறையின் அசிஸ்டண்ட் கமாண்டன்ட்டாக பதவி உயர்வு பெற்றுள்ளார்.

கடந்த 2001 ஆம் ஆண்டு மலையாளத்தில் வெளியான ஷாந்தம் என்ற படத்தின் மூலம் நடித்து சினிமாவில் அறிமுகமானார். தமிழில் விஷால் நடிப்பில் வந்த திமிரு படத்தில் நடிகை ஸ்ரேயா ரெட்டிக்கு அண்ணன் கதாபாத்திரத்தில் நடித்திருந்தார்.

மலையாள சினிமாவில் 20க்கும் அதிகமான படங்களில் நடித்துள்ளார்.
இவ்வளவு ஏன், தளபதி விஜய்யின் நடிப்பில் திரைக்கு வந்த பிகில் படத்தில் நடித்துள்ளார். மைக்கேல் ராயப்பனை குத்தி கொலை செய்யும் வில்லன் கதாபாத்திரத்தில் நடித்து ரசிகர்களிடம் வரவேற்பைப் பெற்றார்.

கேரளா மாநிலம் திருச்சூரைச் சேர்ந்த விஜயன் கால்பந்து விளையாடுவதில் அதிக ஆர்வம் கொண்டவர். இதனால், தனது 17ஆவது வயதில், கேரளா காவல் துறையில் கால்பந்தாட்ட கிளப்பில் இணைந்தார். ஆக்ரோஷமாக கால் பந்து விளையாடும் விஜயன், சர்வதேச அளவில் 12 நொடிகளில் கோல் அடித்தவர் என்ற பெருமையை பெற்றுள்ளார். இந்திய கால்பந்தாட்ட அணியின் Player Of The Year என்ற பட்டத்தை பெற்ற முதல் வீரராகவும் இருக்கிறார் என்பது குறிப்பிடத்தக்கது.

I am glad to inform you all that I have been promoted as Assistant Commandant of Kerala Police. pic.twitter.com/aRN8ZsrtUB

— I M Vijayan (@IMVijayan1) February 20, 2021

கடந்த 2003ஆம் ஆண்டு சர்வதேச கால்பந்து விளையாட்டில் இருந்து விலகினார். இதுவரை 40 சர்வதேச கால்பந்தாட்ட போட்டிகளில் விளையாடியுள்ள விஜயன் 29 கோல்களை அடித்துள்ளார். இந்த நிலையில், கேரளா காவல் துறையின் அசிஸ்டண்ட் கமாண்டன்ட்டாக பதவி உயர்வு பெற்றுள்ளார். இதனை தனது டுவிட்டர் பக்கத்தில் அவரே பதிவு செய்துள்ளார்.