சிவாங்கி……

சமீபகாலமாக தமிழ் சினிமாவில் ஏற்கனவே இருக்கும் நடிகர்களை விட யூடியூப் மற்றும் சின்னத்திரை தொலைக்காட்சிகளில் நடிக்கும் நடிகர்கள் அதிகமாக படையெடுத்து வர ஆரம்பித்துள்ளனர். அந்த வகையில் தற்போது அனைத்து தரப்பு ரசிகர்களையும் கவர்ந்த ஒரு ரியாலிடி ஷோவாக உள்ள குக் வித் கோமாளி நிகழ்ச்சியிலிருந்து பலரும் சினிமாவுக்கு வர ஆரம்பித்து விட்டனர்.

விஜய் டிவியில் ஒளிபரப்பாகும் இந்த நிகழ்ச்சிக்கு பல கோடி ரசிகர்கள் இருக்கின்றனர். மேலும் ஒரு நிகழ்ச்சியில் எந்த ஒரு போட்டியாளரையும் வெறுக்க முடியாத அளவுக்கு ஒவ்வொரு போட்டியாளர்களும் தங்களால் முடிந்த அளவுக்கு மக்களை என்டர்டைன்மென்ட் செய்து வருகின்றனர்.

அதிலும் குறிப்பாக குக் வித் கோமாளி நிகழ்ச்சியில் புகழ் மற்றும் சிவாங்கி போன்றோர் ரசிகர்களிடையே நல்ல வரவேற்பை பெற்றுள்ளனர். மேலும் சினிமாவிலும் களமிறங்க தொடங்கிவிட்டனர். அந்த வகையில் புகழ் ஏற்கனவே பல முன்னணி நடிகர்களின் படவாய்ப்புகளை பெற்றுள்ளார்.

தற்போது அதே வரிசையில் சிவாங்கியும் முன்னணி நடிகரின் பட வாய்ப்பு ஒன்றை பெற்றுள்ளார். அவர் வேறு யாரும் இல்லை, விஜய் டிவியில் படிப்படியாக உயர்ந்து தற்போது முன்னணி நடிகராக வலம் வரும் சிவகார்த்திகேயன் தான்.

சமீபத்தில் சிவகார்த்திகேயன் குக் வித் கோமாளி நிகழ்ச்சிக்கு சென்ற போது கண்டிப்பாக என்னுடைய அடுத்தப் படத்தில் இதிலிருந்து ஒருவருக்கு வாய்ப்பு கொடுப்பேன் என கூறியதன் அடிப்படையில் தற்போது சிவாங்கிக்கு அடுத்ததாக நடிக்கும் டான் படத்தில் வாய்ப்பு கொடுத்துள்ளார்.

இதனை படக்குழுவினர் அதிகாரப்பூர்வமாக அறிவித்துள்ளனர். குக் வித் கோமாளி நிகழ்ச்சிக்கு வந்த சிவகார்த்திகேயன் நீண்ட நேரம் சிவாங்கி பற்றி பெருமையாக பேசிக் கொண்டிருந்தார் என்பதும் குறிப்பிடத்தக்கது. மேலும் மனதார சிவாங்கியை தங்கச்சியாக ஏற்றுக் கொண்டார் என்பதும் கூடுதல் தகவல்.

ரச்சனா நாராயணகுட்டி……

சமீபகாலமாக சினிமாவில் உள்ள நடிகைகளுக்கு சீக்கிரமாக திருமணம் ஆகிறதோ இல்லையோ, வெகு விரைவில் விவாகரத்து நடைபெற்று விடுகிறது. இளம் நடிகைகள் முதல் மூத்த நடிகைகளை விவாகரத்து வாங்குவதிலேயே குறியாக இருக்கிறார்கள்.

தமிழ் சினிமாவுக்கு மட்டுமல்ல. மொத்த உலக சினிமாவிலுள்ள நடிகைகளின் நிலைமை இப்படித்தான். ஆசைப்பட்டு திருமணம் செய்து கொள்வது, பிறகு கணவரின் கண்டிஷன் தாங்க முடியவில்லை என பாதியிலேயே பெட்டியை எடுத்துக்கொண்டு கிளம்பி விடுவது.

அந்த வகையில் 2015 ஆம் ஆண்டு மலையாள நடிகர் திலீப் நடிப்பில் வெளியான லைப் ஆப் ஜோசுகுட்டி என்ற படத்தில் நாயகியாக நடித்தவர் தான் ரச்சனா நாராயணகுட்டி. மலையாளத்தில் பிரபல நடிகையான இவருக்கு தற்போது வயது 37 ஆகிறது. துணை நடிகையாக மலையாள சினிமாவில் நீண்ட நாட்களாக நடித்து வந்தவர் 2013ஆம் ஆண்டு ஜெயராம் நடிப்பில் வெளியான லக்கி ஸ்டார் படம் தான் நாயகியாக முதல் படம். ஆனால் வெற்றி படம் என்றால் அது லைஃப் ஆப் ஜோசுகுட்டி தான்.

ஆங்கில டீச்சராக இருந்து பின்னர் சீரியலில் கிடைத்த சின்ன சின்ன வாய்ப்பை பயன்படுத்தி தற்போது மலையாள சினிமாவில் கவனிக்கப்படும் நாயகியாக வலம் வரும் ரச்சனா நாராயணகுட்டி 2011ம் ஆண்டு குடும்பத்தினரால் பார்க்கப்பட்ட மாப்பிள்ளையை திருமணம் செய்து கொண்டார்.

மேலும் அர்ச்சனாவுக்கு நடனத்தின் மீது பெரிய ஆர்வம் இருக்கிறதாம். இதனால் சினிமாவில் நடனம் கற்றுக்கொடுக்க நடிகர்கள் மற்றும் நடிகைகள் கூட பழக வேண்டி இருந்ததாம். ஆடின காலும் பாடிய வாயும் சும்மா இருக்காது என்று சொல்வார்களே. அப்படித்தான். நான் நடனம் சொல்லிக் கொடுக்கப் போகிறேன் என நாயகி கூற, வீட்டிலேயே இரு என கணவன் சொல்ல, வந்தது பஞ்சாயத்து. முடிவு விவாகரத்து.

திருமணமான 10 நாளிலேயே விவாகரத்து வரைக்கும் போனது அனைவருக்குமே வருத்தம்தான். இதன் மூலம் ரோசம் உள்ளவர்கள் திருமணம் செய்யக்கூடாது என்பது தெள்ளத் தெளிவாக தெரிந்துவிட்டது. இருந்தாலும் இன்னும் கொஞ்ச நாள் வாழ்ந்து பார்த்திருந்தால், ஒருவேளை இருவரும் புரிந்து கொண்டிருப்பார்களோ என்னமோ.

மடோனா செபாஸ்டின்…….

மலையாளத்தில் வெளியான பிரேமம் படத்தின் மூலம் தமிழ் ரசிகர்களிடையே மிகப்பெரிய வரவேற்பைப் பெற்றவர் தான் மடோனா செபாஸ்டின். அடிப்படையில் பாடகியான இவர் நாயகியாகவும் தடம் பதித்தார்.

தமிழில் விஜய் சேதுபதியுடன் பல படங்களில் ஜோடி போட்டு நடித்துள்ளார். தமிழில் மடோனா செபாஸ்டின் நடித்த காதலும் கடந்து போகும், கவன், ஜூங்கா, பவர் பாண்டி, வானம் கொட்டட்டும் போன்ற படங்கள் நல்ல வரவேற்பைப் பெற்றன.

அடுத்ததாக சசிகுமாருடன் கொம்பு வச்ச சிங்கம்டா எனும் படத்தில் நடித்து வருகிறார். அதனைத் தொடர்ந்து கன்னடம் மற்றும் தெலுங்கில் சில படங்களில் நடித்து வருகிறார் மடோனா செபாஸ்டின்.

28 வயதான மடோனா செபாஸ்டினுக்கு ஏகப்பட்ட ரசிகர்கள் இருக்கின்றனர். ஆனால் மடோனா கடந்த 7 வருடமாக ராபி ஆபிரகாம் என்பவரை காதலித்து வருகிறாராம். இந்நிலையில் தன்னுடைய காதலர் புகைப்படத்தை இன்ஸ்டாகிராம் பக்கத்தில் வெளியிட்டுள்ளார்.

இதனால் மடோனா செபாஸ்டின் ரசிகர்களுக்கு ஹார்ட் அட்டாக்கே வந்து விட்டதாம். இன்னும் சில தினங்களில் காதலர்தினம் வர உள்ளதால் தொடர்ந்து ரசிகர்களின் பேவரைட் நடிகைகள் தங்களுடைய உண்மையான காதலரை வெளிக்காட்டி வெறுப்பேற்றி வருகின்றனர்.

இப்பவே இப்படி என்றால் இன்னும் காதலர் தினத்தன்று எப்படி எல்லாம் போஸ் கொடுத்து புகைப்படம் எடுப்பார்களோ தெரியவில்லையே என சிங்கிள்ஸ் நொந்து போயுள்ளார்களாம்.

விஜய் தேவர்கொண்டா………

விஜய் தேவர்கொண்டா இன்றையை இளசுகளின் யூத் சென்சேஷன். அர்ஜுன் ரெட்டி என்ற படம் வாயிலாக தெலுங்கு சினிமா என்ற எல்லையை கடந்து நம் இந்திய அளவில் தன் கொடி நாட்டிவிட்டார். மனிதர் நிற்பது, நடப்பது, பேசுவது என அனைத்துமே இன்று ட்ரெண்டிங் சமாச்சாரம் தான்.

பூரி ஜகன்னாத் இயக்கத்தில் இவர் நடிப்பில் வெளியாகும் 10 வது படம் லைகர் (LION + TIGER = LIGER) . பூரி ஜகன்னாத், சார்மி மற்றும் கரண் ஜோஹரின் தர்மா புரொடக்ஷன்ஸ் இப்படத்தை இணைந்து தயாரிக்கின்றனர். ஹிந்தி மற்றும் தெலுங்கில் ஷூட் செய்யப்பட்டு, தமிழ், மலையாளம் மற்றும் கன்னடத்தில் டப் செய்து 5 மொழிகளில் ரிலீஸ் செய்ய திட்டமிட்டுள்ளனர்.

பேச்சு குறைபாடு உடைய மிக்ஸ்ட் மார்ஷியல் ஆர்ட்ஸ் வீரர் ரோலில் விஜய் நடித்துள்ளார். இப்படத்தில் அனன்யா பாண்டே நாயகியாக நடிக்கிறார். ரம்யா கிருஷ்ணன், ரோனித் ராய், விஷ்ணு ரெட்டி போன்றவர்கள் முக்கிய ரோலில் நடிக்கும் ப்ரொஜெக்ட்.

பலத்த எதிர்பார்ப்பை ஏற்படுத்தியுள்ள இந்த படம் திரை அரங்கில் செப்டம்பர் 9 ரிலீசாகிறது என்ற அறிவிப்புடன் புதிய போஸ்டர் வெளியாகி உள்ளது. விஜய் தேவர்கொண்டாவின் ரசிகர்கள் இந்த போஸ்டரை ட்ரெண்ட் ஆக்கி வருகின்றனர்.

நடிகை நீலிமா ராணி…

தமிழ் சின்னத்திரையில் முன்னணி நடிகையாக வலம் வந்து கொண்டிருப்பவர் தான் நடிகை நீலிமா ராணி. இவர் தேவர் மகன், பாண்டவர் பூமி, கஜினிகாந்த் போன்ற சில படங்களில் துணை வேடங்களில் நடித்திருக்கிறார்.

மேலும் நீலிமா ராணி ஜீ தமிழில் ஒளிபரப்பாகிக் கொண்டிருக்கும் தலையணைப் பூக்கள் மற்றும் என்றென்றும் புன்னகை ஆகிய சீரியல்களை தயாரித்து கொண்டிருக்கிறாராம்.

அதுமட்டுமில்லாமல், தமிழ், தெலுங்கு, மலையாளம் ஆகிய மொழிகளில் பல சீரியல்களில் முன்னணி நாயகியாகவும், எதிர்மறை வேடங்களிலும், குணச்சித்திர வேடங்களிலும் நடித்திருக்கிறார் நீலிமா.

இந்த நிலையில் நீலிமா தற்போது தனது சமூக வலைதளப் பக்கத்தில் வெளியிட்டு இருக்கும் புகைப்படங்கள் இணையத்தில் வைரலாகி வருவதோடு, ரசிகர்களை கிறங்க வைத்திருக்கிறது.

அதாவது திருமணத்திற்கு பிறகும் சின்னத்திரையில் கலக்கி கொண்டிருக்கும் நீலிமாராணி, சோசியல் மீடியாக்களிலும் பயங்கர ஆக்டிவாம். அதே போல் இவர் அவ்வப்போது பயங்கரமாக போஸ் கொடுத்த புகைப்படங்களையும் பதிவிடுவாராம்.

அந்த வகையில் தற்போது நீலிமா சமூகத்தில் வெளியிட்டிருக்கும் புகைப்படங்கள் இணையத்தில் தீ போல் பரவி வருகிறது. மேலும் இந்தப் புகைப்படங்களில் நீலிமா கவர்ச்சிக் காட்டாமல், சேலை கட்டியிருந்தாலும், தனது லுக்காலே ரசிகர்களை கிறங்க வைத்துள்ளார்.

இந்த புகைப்படங்களை பார்த்த எவராலும் நீலிமாவுக்கு 37 வயது என்றால் யாராலும் நம்பவே முடியாது என்கின்றனர் அவருடைய ரசிகர்கள்.

ரஷ்மிகா…..

பிரபல நடிகை ரஷ்மிகா மந்தனா சமீபத்தில் வெளியிட்ட கிளாமர் புகைப்படங்களின் மூலம் முதன்முறையாக பாலிவுட் சினிமாவில் அறிமுகமாக வாய்ப்பு கிடைத்துள்ளதை அவரது ரசிகர்கள் சமூக வலைதளங்களில் கொண்டாடி வருகின்றனர்.

கன்னட சினிமாவில் அறிமுகமாகி தற்போது தெலுங்கு சினிமாவில் முன்னணி நடிகையாக வலம் வருபவர் ரஷ்மிகா மந்தனா. அடுத்ததாக இவர் தமிழக ரசிகர்களை குறி வைத்துள்ளார். அதற்காக தளபதி 65, சூர்யா40 போன்ற பல வாய்ப்புகளைப் பெறுவதற்கான வேலைகளில் இறங்கியுள்ளாராம்.

சமீபகாலமாக ரஷ்மிகா மந்தனா மீது தெலுங்கு நடிகைகள் மிகவும் பொறாமையில் இருந்த நிலையில் எரிகிற தீயில் எண்ணையை ஊற்றுவது போல முதன்முறையாக பாலிவுட் சினிமாவில் அறிமுகமாக உள்ளார் ரஷ்மிகா மந்தனா.

சித்தார்த் மல்கோத்ரா நடிக்கும் மிஷன் மஞ்சு என்ற படத்தில் ரஷ்மிகா மந்தனா அறிமுகமாக உள்ளார். இதற்கான அறிவிப்பு வெளியானதை அவரது ரசிகர்கள் சமூக வலைதளங்களில் ஏகபோகமாக கொண்டாடி வருகின்றனர்.

அதனைத் தொடர்ந்து தற்போது பாலிவுட் பிரபலங்களுடன் சேர்ந்து ரஷ்மிகா மந்தனா மற்றும் யுவன் சங்கர் ராஜா ஆகியோர் நடிக்கும் டாப் டக்கர் என்ற சிங்கிள் பாடல் விரைவில் வெளியாக உள்ளது.

இந்த பாடலில் ரஷ்மிகா மந்தனா இதுவரை இல்லாத அளவுக்கு கவர்ச்சியில் இறங்கி அடித்துள்ளாராம். அதில் குட்டை பாவாடையில் கால்மேல் கால்போட்டு போஸ் கொடுத்துள்ள புகைப்படம் ஒன்று இணையத்தில் காட்டுத் தீ போல் பரவி வருகிறது.