சாய் பல்லவி…

மலையாளத்தில் வெளியான பிரேமம் என்ற படம் மூலம் நடிகையாக அறிமுகமானவர் சாய் பல்லவி. அப்படத்தில் இவரது இயல்பான நடிப்பு ரசிகர்களை வெகுவாக கவர்ந்தது.

இதையடுத்து தமிழில், தியா, மாரி 2, என்.ஜி.கே. போன்ற படங்களில் நடித்த சாய் பல்லவி, தற்போது தெலுங்கில் பிசியான நடிகையாக வலம் வருகிறார்.

ராணாவுடன் விராட பருவம், நாக சைத்தன்யாவுடன் லவ் ஸ்டோரி, பவன் கல்யாணுடன் ஒரு படம் என ஏராளமான படங்களை கைவசம் வைத்துள்ளார்.

அண்மையில் வெற்றிமாறன் இயக்கத்தில் வெளியான பாவக் கதைகள் என்கிற ஆந்தாலஜி படத்தில் சாய் பல்லவியின் நடிப்பு பெரிதும் பாராட்டப்பட்டது.

இந்நிலையில், தமிழில் நகைச்சுவை மற்றும் குணச்சித்திர வேடங்களில் நடித்து பிரபலமான காளி வெங்கட் அடுத்ததாக நடிக்கும் புதிய படத்தில் அவருக்கு ஜோடியாக நடிக்க,

நடிகை சாய் பல்லவியிடம் பேச்சுவார்த்தை நடைபெற்று வருவதாக தகவல் வெளியாகி உள்ளது. விரைவில் இதுகுறித்த அறிவிப்பு வெளியாகக்கூடும் என எதிர்பார்க்கப்படுகிறது.

விஜய் தேவரகொண்டா…

அர்ஜுன் ரெட்டி என்ற திரைப்படத்தின் மூலம் தெலுங்கு திரையுலகில் முன்னணி நடிகராக மாறிய நடிகர் விஜய் தேவரகொண்டா, தமிழில் ’நடிகையர் திலகம், ‘நோட்டா’ போன்ற படங்களிலும் நடித்துள்ளார்.

தற்போது அவர் ஒரு பாலிவுட் படத்தில் நடித்து வருகிறார் என்பதும் இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பதும் தெரிந்ததே.

இந்த நிலையில் நடிகர் தேவரகொண்டா கம்பீரமான ஒரு நாயை வளர்த்து வருகிறார். அந்த நாய் தனது மடியில் உட்கார்ந்து இருக்கும் புகைப்படத்தை

அவர் தனது சமூக வலைத்தளத்தில் பதிவு செய்துள்ளார் என்பதும் இந்த புகைப்படம் தற்போது வைரலாகி வருகிறது என்பதும் குறிப்பிடத்தக்கது.

இந்த புகைப்படத்தில் உள்ள நாயை பார்க்கும்போது இது நாயா? அல்லது சிங்கமா என்று ரசிகர்கள் கேள்வி எழுப்பி வருகின்றனர்.

இந்த நாய் சைபீரியன் ஹஸ்கி என்ற வகையைச் சார்ந்தது என்றும் இதன் மதிப்பு குட்டியாக இருக்கும்போது சுமார் 80 ஆயிரம் வரை விற்கப்படும் என்றும்

இதில் கொஞ்சம் வித்தியாசமான நாய் ஒன்றரை லட்சம் விற்பனை செய்யப்படுவதாகவும் கூறப்படுகிறது.

Last few days chilling with you..
Before I go hit sets! 🙂 pic.twitter.com/IqHvq39LWM

— Vijay Deverakonda (@TheDeverakonda) January 24, 2021

அனிதா-சனம்…

105 நாட்களாக நடைபெற்ற பிக்பாஸ் சீசன் 4 நிகழ்ச்சி சமீபத்தில் முடிவடைந்தது என்பதும் இந்த நிகழ்ச்சியில் ஆரி மற்றும் பாலாஜி வின்னர் மற்றும் ரன்னராக வெற்றி பெற்றனர் என்பதும் தெரிந்ததே

இந்த நிலையில் ஒவ்வொரு பிக்பாஸ் சீசன் முடிந்த பிறகு ’பிக்பாஸ் கொண்டாட்டம்’ என்ற நிகழ்ச்சி விஜய் டிவியில் நடத்தப்படும் என்பதும், இதில் பிக்பாஸ் நிகழ்ச்சியில் கலந்து கொண்ட அனைத்து போட்டியாளர்களும் கலந்து கொண்டு ஜாலியாக கொண்டாடுவார்கள் என்பதும் தெரிந்தது.

அந்த வகையில் தற்போது பிக்பாஸ் சீசன் 4 கொண்டாட்டமும் விரைவில் ஒளிபரப்பாக உள்ளது. இதற்கான படப்பிடிப்பு சமீபத்தில் நடந்ததாக தெரிகிறது. இந்த நிலையில் பிக்பாஸ் கொண்டாட்டம் நிகழ்ச்சியின் புகைப்படங்களை தனது சமூக வலைதளப் பக்கத்தில் அனிதா சம்பத் பதிவு செய்துள்ளார்.

அனிதா சம்பத் தனது இன்ஸ்டா பக்கத்தில் இரண்டு கப் காபிகளை பதிவு செய்து அதில் ஸ்ட்ராங்காக இருக்கும் காபி தன்னுடையது என்றும் லைட்டாக இருக்கும் காபி சனம்ஷெட்டியுடையது என்றும் ’பிக்பாஸ் கொண்டாட்டம் ஷோ’ என்றும் குறிப்பிட்டுள்ளார்.

இதனை அடுத்து இந்த புகைப்படம் பிக்பாஸ் கொண்டாட்டம் ஷோ படப்பிடிப்பின்போது எடுத்தது என்பது தெரிகிறது. அதேபோல் சனம்ஷெட்டியும் தனது டுவிட்டர் பக்கத்தில் அட்டகாசமான லுக் உள்ள புகைப்படத்தை பதிவு செய்து பிக்பாஸ் கொண்டாட்டம் லுக் எப்படி இருக்கிறது? என்று கேட்டுள்ளார்

இதிலிருந்து பிக்பாஸ் கொண்டாட்டம் நிகழ்ச்சியின் படப்பிடிப்பு சமீபத்தில் நடந்துள்ளது என்றும் விரைவில் இந்த நிகழ்ச்சி ஒளிபரப்பாகும் என்றும் எதிர்பார்க்கப்படுகிறது.