யோகி பாபு…

தமிழ் திரையுலகின் முன்னணி காமெடி நடிகராக நடித்து வரும் யோகி பாபு தேசிய விருது பெற்ற இயக்குனரின் அடுத்த படத்தில் முக்கிய வேடத்தில் நடிக்க உள்ளதாக செய்திகள் வெளியாகி உள்ளது.

சமீபத்தில் நெட்ப்ளிக்ஸ் ஓடிடி தளத்தில் ‘பாவக்கதைகள்’ என்ற ஆந்தாலஜி திரைப்படம் வெளியானது என்பதும் 5 இணை இயக்குநர்களின் படைப்புகள் மிகப்பெரிய வரவேற்பைப் பெற்றது என்பதும் தெரிந்ததே.

இந்த நிலையில் நெட்பிளிக்ஸ் ஓடிடி தளத்திற்காக மணி ரத்னம் தயாரிக்கும் அடுத்த ஆந்தாலஜி திரைப்படம் ’நவரசா’ என்பதும் இந்த திரைப்படத்தில் 9 இயக்குனர்கள் பணியாற்றி வருகின்றனர் என்பதும் தெரிந்ததே.

இந்த நிலையில் இவற்றில் ஒரு பகுதியை இயக்குனர் பொன்ராம் இயக்குவதாக இருந்தது. ஆனால் தற்போது அவருக்கு பதிலாக தேசிய விருது பெற்ற இயக்குனர் பிரியதர்ஷன் அந்த பகுதியை இயக்க இருப்பதாகவும் அவர் இயக்க இயக்கும் பகுதியில் யோகி பாபு முக்கிய வேடத்தில் நடிக்கவிருப்பதாகவும் தகவல்கள் வெளிவந்துள்ளன.

தற்போதைய காலகட்டத்தில் நடக்கும் ஒரு முக்கிய பிரச்சினையை மையமாக வைத்து பிரியதர்ஷன் இயக்கும் இந்த படம் பெரும் வரவேற்பை பெறும் என்றும் யோகிபாபுவின் காமெடி கலந்த நடிப்பு அந்த படத்தை சுவராசியமாக மாற்றும் என்றும் எதிர்பார்க்கப்படுகிறது. ’நவரசா’ ஆந்தாலஜி படத்தின் பணிகள் விறுவிறுப்பாக நடைபெற்று வருவதாகவும் விரைவில் நெட்பிளிக்ஸ் ஓடிடி தளத்தில் ஒளிபரப்பாக இருப்பதாகவும் தகவல்கள் வெளிவந்துள்ளன.

பாலாஜி…

பிக்பாஸ் தமிழ் சீசன் 4 நிகழ்ச்சியில் ஆரி வின்னராகவும் பாலாஜி ரன்னராகவும் தேர்வு பெற்றனர் என்பதும் இருவருக்குமே வாழ்த்துக்கள் குவிந்தது என்பதும் தெரிந்ததே.

பிக்பாஸ் நிகழ்ச்சியில் 105 நாட்களில் பெரும்பாலான நாட்களில் ஆரியும் பாலாஜியும் சண்டை போட்டுக்கொண்டு இருந்த நிலையில் சண்டைக் கோழிகள் என பெற்ற இருவரும் வின்னராகவும், ரன்னராகவும் வந்து இருப்பது ஆச்சரியம் தான் என்பது குறிப்பிடத்தக்கது.

இந்த நிலையில் பிக்பாஸ் ரன்னராக தேர்வு பெற்ற பின் பாலாஜி முதல் முறையாக தனது சமூக வலைத்தளத்தில் செய்துள்ள பதிவு தற்போது வைரலாகி வருகிறது.

அதில் ’இந்த அற்புதமான பயணத்தில் எனக்கு ஆதரவளித்த அனைத்து ரசிகர்களுக்கும் நன்றி. அதேபோல் என் மீது சந்தேகம் வைத்திருந்து என்னை கடினமாகவும் நன்றாக வேலை செய்ய வைத்தவர்களுக்கும் நன்றி’ என்று கூறியுள்ளார்.

அதேபோல் இன்னொரு பதிவில் ’மச்சான் தம்பி தங்கச்சி எல்லாருக்கும் நன்றி. நான் பிக்பாஸ் உள்ளே இருக்கும் போது வெளியே இருந்த என்னுடைய நண்பர்கள் மற்றும் நெருக்கமானவர்களே எனக்கு துரோகம் செய்தனர்.

ஆனாலும் நீங்கள் தான் எனக்கு தூணாக இருந்தீர்கள் என்பதை நினைத்து பெருமைப்படுகிறேன். எனக்கு எந்த வருத்தமும் இல்லை. சந்தோஷத்துடன் இந்த 105 நாட்களை அனுபவித்தேன்’ என்று பதிவு செய்துள்ளார்.

பிக்பாஸ் நிகழ்ச்சிக்கு பின் பாலாஜி பதிவு செய்த முதல் பதிவு தற்போது வைரலாகி வருகிறது.

பிக்பாஸ்…

பிக்பாஸ் நிகழ்ச்சி 106 நாட்கள் நடந்து நேற்றுமுன்தினம் முடிவடைந்த நிலையில் ஆரி வின்னராகவும், பாலாஜி ரன்னராகவும் தேர்வு பெற்றார் என்பது தெரிந்ததே.

இந்த நிலையில் இந்த பிக்பாஸ் சீசனில் யார் யாருக்கு எவ்வளவு சம்பளம் என்பது குறித்த தகவல் தற்போது வெளிவந்துள்ளது

இதன்படி போட்டியாளர்களின் தினசரி சம்பளம் குறித்த தகவலை தற்போது பார்ப்போம்

ரேகா: ரூ.1 லட்சம் x 14 = 14 லட்சம்
சனம்ஷெட்டி: ரூ.1 லட்சம் x 63 = 63 லட்சம்
ஆரி: ரூ.85,000 x 105 + 50 லட்சம் = 1 கோடியே 35 லட்சம் 25 ஆயிரம்
சுசித்ரா: ரூ.80,000 x 49 = 39.20 லட்சம்
அர்ச்சனா: ரூ.75,000 x 77 = 57.75 லட்சம்
ரம்யா பாண்டியன்: ரூ.75,000 x 105 = 78.75 லட்சம்
கேப்ரில்லா: ரூ.70,000 x 102 + 5 லட்சம் = 76.40 லட்சம்
ஷிவானி: ரூ.60,000 x 98 = 58.80 லட்சம்
ரமேஷ்: ரூ.60,000 x 69 = 41.40 லட்சம்
வேல்முருகன்: ரூ.50,000 x 28 = 14 லட்சம்
நிஷா: ரூ.40,000 x 70 = 28 லட்சம்
சம்யுக்தா: ரூ.40,000 x 56 =22.40 லட்சம்
அனிதா சம்பத்: ரூ.40,000 x 84 = 33.60 லட்சம்
ரியோ: ரூ.35,000 x 105 = 36.75 லட்சம்
ஆஜித்: ரூ.15,000 x 91 =13.65 லட்சம்
சுரேஷ்: ரூ.10,000 x 35 =3.50 லட்சம்
சோம்: ரூ.10,000 x 105 = 10.50 லட்சம்
பாலா: ரூ.10,000 x 105 = 10.50 லட்சம்

பிக்பாஸ் நிகழ்ச்சியில் 106 நாட்கள் இருந்து ரன்னராக வெற்றி பெற்ற பாலாஜிக்கு தான் மிகவும் குறைவான சம்பளம் என்பதும் மேலும் இந்த தொகை அதிகாரபூர்வமற்றது என்பதும் குறிப்பிடத்தக்கது.

பிக்பாஸ்…

பிக்பாஸ் நிகழ்ச்சியின் ஃபினாலே நேற்றுமுன்தினம் நடைபெற்ற நிலையில் இறுதி போட்டியில் ஆரி வின்னர் என்றும், பாலாஜி ரன்னர் என்றும் அறிவிக்கப்பட்டார் என்பது தெரிந்ததே.

இந்த நிலையில் பாலாஜிக்கு நெருக்கமான போட்டியாளர்களில் ஒருவராக இருந்த சுசித்ரா, பாலாஜிக்கு ஓட்டு போட வேண்டாம், ஆரிக்கு ஓட்டு போடுங்கள் என தனது சமூக வலைத்தளத்தில் பதிவு செய்திருப்பது பெரும் பரபரப்பை ஏற்படுத்தியது.

பிக்பாஸ் வீட்டிற்கு வைல்ட்கார்ட் எண்ட்ரியாக வந்த சுசித்ரா அதிரடியாக விளையாடுவார் என்று எதிர்பார்க்கப்பட்டது. ஆனால் அவர் பாலாஜியுடன் நெருக்கமாகி அவருக்கு சேவை செய்யும் நபராக மாறியதை பார்த்த பார்வையாளர்கள் எரிச்சலடைந்து அவரை இரண்டே வாரத்தில் வெளியேற்றினார்கள்.

பிக்பாஸ் வீட்டில் இருந்து வெளியேறிய பின்னரும் அவர் பாலாஜிக்கு ஆதரவாகவே பல பதிவுகளை செய்து வந்தார் என்பது குறிப்பிடத்தக்கது. இந்த நிலையில் திடீரென ஒருநாள் அவர் அவர் தனது சமூக வலைத்தளத்தில் ஆரிக்கு ஓட்டு போடுங்கள், பாலாஜி மரியாதை தெரியாதவர் என்று பதிவு செய்தது பெரும் பரபரப்பை ஏற்படுத்தியது

ஷிவானியை பாலாஜி ஆள் என்று நான் சொன்னதால், நான் திட்டு வாங்க சரியான நபர் தான் என்று பாலாஜியை என்னிடம் கூறினார். இது பாலாவின் ரசிகர்களுக்கு தான்.

மரியாதை என்றால் என்னவென்றே தெரியாத ஒருவர் தான் பாலாஜி. மற்றவர்களை பயன்படுத்திக் கொள்ளும் நபர். எனவே அனைவரும் ஆரிக்கு ஓட்டு போடுங்கள் என்று சுசித்ரா பதிவு செய்துள்ளார்

கடைசி நேரத்தில் திடீரென பாலாஜிக்கு நெருக்கமாக இருந்த சுசித்ராவே ஆரிக்கு ஆதரவளித்தது பெரும் பரபரப்பை ஏற்படுத்தியிருந்தது.

ஷங்கர்…

தமிழ் திரையுலகில் முன்னணி இயக்குனராக இருக்கும் ஷங்கர், அடுத்ததாக இயக்கும் பிரம்மாண்ட படத்தில் பிரபல நடிகர் நடிக்க உள்ளாராம்.

ஷங்கர் இயக்கத்தில் வெளியான அனைத்துப் படங்களுக்குமே ரசிகர்களிடம் நல்ல வரவேற்பு கிடைத்திருக்கிறது. மேலும் பாக்ஸ் ஆபிஸிலும் இடம் பிடித்துள்ளது. இதனால், இந்தியத் திரையுலகில் முன்னணி இயக்குனராக வலம் வருகிறார் ஷங்கர்.

இவர் இயக்கி வந்த இந்தியன் 2 படத்தின் படப்பிடிப்பு லாக்டவுனுக்கு முன் நிறுத்தப்பட்டது. தற்போது படப்பிடிப்புகளுக்கு அனுமதி அளிக்கப்பட்ட நிலையிலும் இன்னும் தொடங்கப்படவில்லை.

இந்நிலையில், இயக்குனர் ஷங்கர் அடுத்த படத்திற்கு தயாராகி வருவதாக தகவல் வெளியாகி உள்ளது. அதன்படி தெலுங்கு திரையுலகில் முன்னணி நடிகராக இருக்கும் ராம் சரண், ஷங்கரின் புதிய படத்தில் ஹீரோவாக நடிக்க உள்ளதாக கூறப்படுகிறது. மேலும் இப்படத்தில் பவன் கல்யாணும் முக்கிய கதாபாத்திரத்தில் நடிக்க உள்ளாராம்.

தற்போது நடிகர் ராம் சரண் தெலுங்கில் ராஜமவுலி இயக்கும் ஆர் ஆர் ஆர் படத்தில் நடித்து வருகிறார்.

பிரம்மாண்டமாக உருவாகும் இப்படம் இந்தாண்டு இறுதியில் அல்லது அடுத்தாண்டு தொடக்கத்தில் வெளியாகும் என எதிர்பார்க்கப்படுகிறது.