சுரேஷ் சக்ரவர்த்தி…

பிக்பாஸ் நிகழ்ச்சி கடைசி வாரமாக தற்போது நடந்து கொண்டிருக்கும் நிலையில் நேற்றைய முதல் மற்றும் இரண்டாவது புரோமோவில் பிக்பாஸ் வீட்டிற்கு ஏற்கனவே எவிக்ட்டான போட்டியாளர்கள் வந்தார்கள் என்பதை பார்த்தோம்.

அர்ச்சனா, நிஷா, ரமேஷ் மற்றும் ரேகா ஆகியோர்கள் நேற்று பிக்பாஸ் வீட்டில் சிறப்பு விருந்தினராக வந்திருந்தனர்.

ஆனால் அதே நேரத்தில் மக்களின் அதிக ஆதரவை பெற்ற சனம் ஷெட்டி மற்றும் அனிதா வேல்முருகன் உள்பட மற்றவர்கள் ஏன் வரவில்லை என்ற கேள்வி ரசிகர்கள் மத்தியில் இருந்தது. ஒருவேளை அடுத்தடுத்த நாட்களில் அவர்கள் வரலாம் என்றும் கூறப்பட்டது.

இந்த நிலையில் பிக்பாஸ் வீட்டிற்கு நீங்கள் ஏன் வரவில்லை என ரசிகர் ஒருவர் கேட்ட கேள்விக்கு பதிலளித்த சுரேஷ் சக்ரவர்த்தி இதுவரை தனக்கு அழைப்பு விடுக்கப்படவில்லை என்றும் பிக்பாஸ் போட்டியாளர்களில் தனக்கு மட்டுமே இன்னும் அழைப்பு வரவில்லை என்றும் அவர் கூறினார்.

சுரேஷ் சக்கரவர்த்தியின் இந்த பதில் அனைவருக்கும் அதிர்ச்சியை அளித்துள்ளது. டைட்டிலை வெல்வார் என்று எதிர்பார்க்கப்பட்ட சுரேஷ் சக்கரவர்த்தி

ஆரம்பத்திலேயே எவிக்ட் ஆனது ரசிகர்களுக்கு ஏற்கனவே அதிர்ச்சியாக இருந்த நிலையில் சுரேஷ் சக்கரவர்த்திக்கு அழைப்பு விடுக்கவில்லை என்ற தகவல் தற்போது கூடுதல் அதிர்ச்சியை ஏற்படுத்தி உள்ளது.

விஜய் சேதுபதி…

மக்கள் செல்வன் விஜய் சேதுபதி தமிழ் உள்பட தென்னிந்திய மொழிகளில் கதாநாயகன், வில்லன், சிறப்பு தோற்றம் என மாஸ் காட்டி வருவது தெரிந்ததே. தமிழ் மட்டுமின்றி மலையாளம் தெலுங்கு படங்களிலும் அவர் தற்போது நடித்து வருகிறார்.

இந்த நிலையில் சமீபத்தில் லோகேஷ் கனகராஜ் இயக்கிய முதல் திரைப்படமான ’மாநகரம்’ படத்தின் இந்தி ரீமேக் திரைப்படத்தில் விஜய் சேதுபதி முக்கிய கேரக்டரில் நடிக்கிறார் என்பதும் சந்தோஷ் சிவன் இந்த படத்தை இயக்க உள்ளார் என்பதையும் பார்த்தோம்.

இந்த நிலையில் தற்போது மீண்டும் ஒரு பாலிவுட் படத்தில் விஜய்சேதுபதி நடிக்க இருப்பதாகவும் ’அந்தாதூன்’ இயக்குனர் ஸ்ரீராம் ராகவன் இந்த படத்தை இயக்க இருப்பதாகவும் தகவல்கள் வெளிவந்துள்ளன.

மேலும் விஜய் சேதுபதி ஜோடியாக இந்த படத்தில் நடிக்க காத்ரீனா கைப் இடம் பேச்சுவார்த்தை நடைபெற்று வருவதாகவும் விரைவில் இந்த படம் குறித்த அதிகாரப்பூர்வமான அறிவிப்பு வெளிவரும் என்றும் கூறப்படுகிறது.

ஏற்கனவே தமிழ் உள்பட தென்னிந்திய மொழிகளில் மாஸ் காட்டும் விஜய் சேதுபதி தற்போது பாலிவுட் திரையுலகில் நுழைந்து உள்ளதால் அவர்

அகில இந்திய நாயகனாக மாறி விட்டதாக அவரது ரசிகர்கள் சமூக வலைதளங்களில் கருத்து தெரிவித்து வருகின்றனர். இதனை அடுத்து விஜய் சேதுபதிக்கு வாழ்த்துக்கள் குவிந்து வருகிறது.

பிக்பாஸ்…

பிக்பாஸ் நிகழ்ச்சி பல திருப்பங்களுடன் விறுவிறுப்பாக நடந்து கொண்டிருக்கிறது.

இந்நிலையில் கடந்த வாரம் Freeze டாஸ்க் நடைபெற்றது. இந்த வாரம் டிக்கெட் டூ பினாலே டாஸ்க் நிகழ்ச்சியை விறுவிறுப்பினை ஏற்படுத்தியிருந்தது.

இந்நிலையில் பிக் பாஸ் நிகழ்ச்சியில் பங்கு பற்றியவர்களின் சம்பள விபரங்கள் வெளியாகியுள்ளது.

நடிகை ரம்யா பாண்டியன் – ஒரு நாள் சம்பளம் ரூ. 75,000
அர்ச்சனா – ரூ. 75,000
ரேகா – 1,00,000
ஷிவானி – 75,000
கேப்ரியலா – 70,000 ஆயிரம் என பலரின் சம்பளம் விவரமும் கசிந்துள்ளது.

இதனை குறித்து அதிகாரப்பூர்வ தகவல் எதுவும் வெளிவரவில்லை என்றாலும், கோலிவுட் வட்டாரத்தில் பெரிதும் பேசப்படும் விஷயமாக இருக்கிறது.

இதேவேளை, சிவானி நேற்றுமுன்தினம் வெளியேறிய நிலையில் 97 நாட்களுக்கு கோடிக்கணக்கில் சம்பாதித்து விட்டதாக ரசிகர்கள் கூறி வருகின்றனர்.

விராத்-அனுஷ்கா..

இந்திய கிரிக்கெட் அணியின் கேப்டன் விராத் கோலி, பாலிவுட் நடிகை அனுஷ்கா ஷர்மாவை திருமணம் செய்து கொண்டார் என்பதும் அனுஷ்கா கடந்த சில மாதங்களாக கர்ப்பமாக இருந்தார் என்பதும் தெரிந்ததே.

இந்த நிலையில் ஜனவரியில் அனுஷ்காவுக்கு குழந்தை பிறக்கும் என்று ஏற்கனவே எதிர்பார்க்கப்பட்ட நிலையில் சற்று முன்னர் அனுஷ்காவுக்கு பெண் குழந்தை பிறந்துள்ளது.

இதனை விராட் கோலி தனது இன்ஸ்டாகிராம் பக்கத்தில் உறுதி செய்துள்ளார் என்பது குறிப்பிடத்தக்கது.

தங்களுக்கு பெண் குழந்தை பிறந்துள்ளது என்றும், தாயும் சேயும் நலமாக இருப்பதாகவும் தங்களுக்கு வாழ்த்து தெரிவித்த அனைவருக்கும் நன்றி தெரிவித்துக் கொள்வதாகவும் விராத் கோஹ்லி தனது இன்ஸ்டாகிராம் பதிவில் குறிப்பிட்டுள்ளார்.

மேலும் தங்களது குழந்தை இந்த உலகில் ஒரு புதிய வாழ்க்கையைத் தொடங்கி உள்ளதாகவும் அந்த குழந்தைக்கு அனைவரின் ஆசியும் தேவை என்றும் அவர் குறிப்பிட்டு உள்ளார்.

இதனை அடுத்து கிரிக்கெட் ரசிகர்கள் விராட் கோலி-அனுஷ்கா தம்பதிக்கும் அவர்களுக்கு பிறந்த தேவதை போன்ற குழந்தைக்கும் வாழ்த்துக்களை தெரிவித்து வருகின்றனர்.

அனுஷ்காவிற்கு குழந்தை பிறக்கும் போது அருகில் இருக்க வேண்டும் என்பதற்காகவே விராட் கோலி 2வது மற்றும் 3வது டெஸ்ட் போட்டியில் விளையாடாமால் ஆஸ்திரேலியாவிலிருந்து நாடு திரும்பினார் என்பது குறிப்பிடத்தக்கது.

 

View this post on Instagram

 

A post shared by Virat Kohli (@virat.kohli)