யுவன்சங்கர் ராஜா…

தமிழ் திரையுலகின் பிரபல இசையமைப்பாளர் யுவன்சங்கர் ராஜா தான் இசையமைக்கும் திரைப்படம் ஒன்றின் டைட்டில் மற்றும் பர்ஸ்ட் லுக் போஸ்டரை இன்று சூப்பர் ஸ்டார் ரஜினிகாந்த் பிறந்தநாளில் வெளியிட இருப்பதாகவும் அது ஏன் என்பதை கண்டுபிடியுங்கள் என்றும் ரசிகர்களுக்கு தெரிவித்துள்ளார்.

பிக்பாஸ் நிகழ்ச்சியின் மூலம் புகழ்பெற்ற ஹரிஷ் கல்யாண் நடிப்பில் இயக்குனர் எலான் இயக்கத்தில் உருவாக இருக்கும் திரைப்படத்திற்கு யுவன்சங்கர்ராஜா இசையமைக்க உள்ளார். இந்த படத்தின் டைட்டில் மற்றும் பர்ஸ்ட் லுக் போஸ்டர் இன்று வெளியாக உள்ளது.

சூப்பர் ஸ்டார் ரஜினியின் பிறந்த நாளையொட்டி இந்த படத்தின் டைட்டில் மற்றும் பர்ஸ்ட் லுக் போஸ்டர் வெளியாவது ஏன் என்பதை யோசித்து கண்டுபிட்யுங்கள் என்று யுவன் தனது சமூக வலைத்தளத்தில் ஒரு புதிரை போட்டுள்ளார்.

சூப்பர் ஸ்டார் ரஜினியின் ரஜினி திரைப்படத்தின் டைட்டில் அல்லது அவரது பஞ்ச் வசனமே டைட்டில் ஆக இருக்கலாம் என்று ரசிகர்கள் தங்களது கருத்துக்களை தெரிவித்து வருகின்றனர் இருப்பினும் யுவன்சங்கர்ராஜா போட்ட புதிருக்கு விடை என்ன என்பதை தெரிந்து கொள்வோம்.

#HEY , any guesses ? Why on our Superstar’s birthday ? @elann_t @iamharishkalyan @Screensceneoffl @onlynikil @CtcMediaboy @sidd_rao @nixyyyyyy pic.twitter.com/jJl37Z7Js0

— Raja yuvan (@thisisysr) December 11, 2020

விஜயகுமார்…

விஜயகுமார் நடித்த ’உரியடி’ மற்றும் ’உறியடி 2’ ஆகிய இரண்டு படங்களும் ரசிகர்கள் மத்தியில் நல்ல வரவேற்பைப் பெற்றது என்பது குறிப்பிடத்தக்கது.

இந்த நிலையில் இந்த இரண்டு படங்களிலும் உதவி இயக்குனராக பணிபுரிந்த அப்பாஸ் என்பவர் தற்போது இயக்குனர் ஆகி உள்ளார் என்பதும் இந்த படத்தில் விஜயகுமார் ஹீரோவாக நடிக்க உள்ளார் என்பதும் குறிப்பிடத்தக்கது.

கடந்த 1991 முதல் 2019 வரையிலான காலகட்டத்தில் நடக்கும் இந்த படத்தில் விஜயகுமாருக்கு வித்தியாசமான கெட்டப்புகள் இருப்பதாகவும், பள்ளி சிறுவன், கல்லூரி மாணவர் முதல் இளைஞர் வரையிலான காலகட்டத்திற்காக அவருக்கு பல கெட்டப்புகள் இந்த படத்தில் உண்டு என்றும்,

இந்த படத்தின் கதைக்கு விஜயகுமார் தான் பொருத்தமாக இருப்பார் என்பதை உறுதி செய்து அவரை தான் தேர்வு செய்ததாகவும் இயக்குனர் அப்பாஸ் தெரிவித்துள்ளார்.

இந்த படத்தின் மற்ற நடிகர் நடிகைகள் மற்றும் தொழில்நுட்ப கலைஞர்கள் தேர்வு நடைபெற்று வருவதாகவும் வரும் மார்ச் மாதம் இந்த படத்தின்

படப்பிடிப்பு தொடங்கும் என்றும் இந்த படத்தை தயாரிக்கும் ரியல் குட் பிலிம்ஸ் நிறுவனத்தினர் தெரிவித்துள்ளனர்.

Excited to announce REEL GOOD FILM’s debut production starring #Uriyadi @Vijay_B_Kumar in a youth action-drama. The film ll be directed by @Abbas_A_Rahmath (Asst. director Uriyadi 1&2). We hv begun pre-production work & are in the process of finalizing rest of the cast and crew. pic.twitter.com/Ia8dCMKknV

— REEL GOOD FILMS (@reel_good_films) December 10, 2020

விஜய்…

தமிழ் சினிமாவில் முன்னணி நடிகையாக இருக்கும் விஜய், தற்போது தன்னுடைய மாஸ்டர் படத்திற்காக புதிய திட்டம் போட்டு இருக்கிறார்.

விஜய், தனது அடுத்தப்படத்தை இயக்கும் வாய்ப்பை ‘கோலமாவு கோகிலா’ மற்றும் ‘டாக்டர்’ பட இயக்குநர் நெல்சன் திலீப்குமாருக்குக் கொடுத்திருக்கிறார்.

‘மாஸ்டர்’ படத்தைப் பெரிதும் எதிர்பார்க்கும் விஜய், அந்தப் படத்திற்காக தன்னால் முடிந்த ஒத்துழைப்பைக் கொடுக்க வேண்டும் என முழு வீச்சில் இறங்கி இருக்கிறார். இதற்கிடையில், ‘மாஸ்டர்’ படத்தின் ரிலீசுக்காக விஜய் ஒரு திட்டத்தை வைத்திருப்பதாகச் சொல்கிறார்கள்.

‘மாஸ்டர்’ படம் எதிர்பார்த்த தேதியில் இருந்து 9 மாதங்கள் தாமதமாக ரிலீஸாக இருப்பதாலும், கொரோனா தாக்கத்தால் தியேட்டருக்கு மக்கள் வர தயங்குவதாலும்,

அதனை சரி செய்ய விரும்பிய விஜய், நீண்ட நாள்களுக்குப் பிறகு தொலைக்காட்சியில் பேட்டி கொடுக்கவும் தமிழ்நாடு முழுக்க தியேட்டர் விசிட் அடிக்கவும் திட்டமிட்டு இருப்பதாக கூறுகிறார்கள்.

பிரயாகா மார்டின்..

கவுதம் மேனன் இயக்கத்தில் சூர்யா நடித்துள்ள நவரசா என்கிற ஆந்தாலஜி படத்தில் பிரபல மலையாள நடிகை ஹீரோயினாக நடித்துள்ளாராம்.

கொரோனாவால் கடும் பாதிப்பை சந்தித்துள்ள திரையுலகிற்கு நிதி திரட்டும் நோக்கில் ‘நவரசா’ என்கிற ஆந்தாலஜி படம் உருவாகி வருகிறது. நவரசங்களை அடிப்படையாக கொண்டு உருவாகும் இந்த ஆந்தாலஜி படத்தை 9 இயக்குனர்கள் இயக்குகின்றனர்.

அதில் கவுதம் மேனன் இயக்கும் குறும்படத்தில் சூர்யா நாயகனாக நடித்துள்ளார். இதன்மூலம் வாரணம் ஆயிரம் படத்திற்கு பிறகு சுமார் 12 ஆண்டுகள் கழித்து இவர்கள் இணைந்துள்ளனர்.

இந்த குறும்படத்திற்கு பி.சி.ஸ்ரீராம் ஒளிப்பதிவு செய்துள்ளார். இந்நிலையில் இந்த குறும்படத்தில் சூர்யாவுக்கு ஜோடியாக மலையாள திரையுலகில் பிசியான நடிகையாக வலம்வரும் பிரயாகா மார்டின் நடித்துள்ளதாக தகவல் வெளியாகி உள்ளது.

இவர் ஏற்கனவே தமிழில் மிஷ்கின் இயக்கத்தில் வெளியாகி வெற்றிபெற்ற பிசாசு படத்தில் நடித்திருந்தார் என்பது குறிப்பிடத்தக்கது.

சோம் & நிஷா..

பிக்பாஸ் வீட்டில் அர்ச்சனா, ரியோ, சோம், நிஷா, கேபி, ரமேஷ் என குரூப் ஆக இருக்கும் இவர்களின் Gang-இன் பெயர் “Love Bed Gang”. இந்த குரூப் தனித்திறமை உடன் விளையாடும் போட்டியாளர்களை வெளியேற்றி விளையாடுவார்கள்.

கடந்த வாரங்களில் வெளியேற்றப்பட்ட சுசித்ரா, சுரேஷ், சனம் ஆகியோர் பிக்பாஸ் வீட்டில் தனித்தன்மையுடன் விளையாடி வந்தார்கள். அவர்களை டார்கெட் பண்ணி Nominate செய்து வெளியேற்றி விட்டார்கள்.

இவர்களுக்கு எப்பவுமே ஆரி தான் முதல் டார்கெட். எல்லா வாரமும் ஆரியை நாமினேட் செய்து கொண்டிருப்பார்கள். இந்த ஷோ மூலமாக வெளியே சில ரசிகர்கள் இருப்பதால் ஆரி தப்பித்து விடுகிறார். இந்த வாரம் எதிர்பார்த்தபடி ஆரி மற்றும் அனிதா டார்கெட் செய்யப்பட்டு ஜெயிலுக்கு அனுப்பினார்கள்.

ஆனால் மக்கள் Love Bed Gang-இல் இருந்து இரண்டு பேரை வெளியே அனுப்ப முடிவு செய்துள்ளார்கள் போல. இந்த வாரம் Double சுவாரஸ்யம் ஆக Double Eviction இருக்க வாய்ப்புகள் அதிகம், அதிலும் நிஷா மற்றும் சோம் கம்மி வோட்டுகள் வாங்கியதாக கருதி அவர்களை வெளியே அனுப்ப முடிவு செய்துள்ளார்கள்.

ஆக இன்று என்ன சமாச்சாரம் என்று தெள்ள தெளிவாக தெரிந்துவிடும்.