அனிதா குப்புசாமி…….

பிரபல பாடகரான புஷ்பவனம் குப்புசாமி வீட்டில் ஆர்கானிக் பொருட்கள் தயாரிக்கும் பணியில் இருந்த இரண்டு பெண்களை சம்பள பிரச்சனை காரணமாக காலில் விழும் படி வற்புறுத்தியுள்ள சம்பவம் அதிர்ச்சியை ஏற்படுத்தியுள்ளது.

தமிழகத்தின், சென்னை ராஜா அண்ணாமலைபுரம் பாகிரதி தெருவில் பிரபல நாட்டுப்புற பாடகரான புஷ்பவனம் குப்புசாமி வீடு உள்ளது. இந்த வீட்டின் ஒரு பகுதியில் விஹா என்ற பெயரில் ஆர்கானிக் சோப்பு உள்ளிட்ட பொருட்கள் தயாரிக்கும் நிறுவனம் இயங்கி வருகிறது.

இங்கு மாதம் 8 ஆயிரம் ரூபாய் சம்பளத்திற்கு, மயிலாப்பூர் விசாலாட்சி தோட்டம் பகுதியைச் சேர்ந்த 18 வயது மற்றும் 17 வயதுடைய சகோதரிகள் வேலை செய்து வந்துள்ளனர்.

வேலை நாட்கள் போக, விடுமுறை நாட்களாக ஞாயிற்றுக் கிழமை வேலை பார்த்தால், தனியாக 300 ரூபாய் சம்பளமாக தரப்படும் என்று கூறப்பட்டதால், இந்த சகோதரிகள் கடந்த ஞாயிற்றுக் கிழமை வேலை செய்துள்ளனர்.

அதன் படி வேலையில் ஈடுபட்ட சகோதரிகளுக்கு மேலாளர் தில்லை என்பவர் 200 ரூபாய் மட்டும் சம்பளமாக கொடுக்க, இதை தட்டி கேட்ட போது, இருவருக்கும் வாக்குவாதம் ஏற்பட்டுள்ளது.

இதை அடுத்து சகோதரிகள் இருவரையும் மன்னிப்புக் கேட்டுவிட்டு வெளியே செல்லும்படி கூறி வீட்டில் அடைத்து வைத்துள்ளனர். பிரச்சனையை தொடர்ந்து அங்கு வந்த சகோதரிகளின் தாயையும் தகாத வார்த்தைகளில் பேசியதாக கூறப்படுகிறது.

அதுமட்டுமின்றி, அனிதா குப்புசாமி, அவரை தன் காலில் விழுந்து மன்னிப்பு கேட்கும்படி கூறியதாகவும் புகார் அளிக்கப்பட்டுள்ளது.

இது குறித்து தகவலறிந்து விரைந்து வந்த பொலிசார் சகோதரிகள் இருவரையும் அவர்களது குடும்பத்தினருடன் அனுப்பி வைத்து, தொடர்ந்து விசாரணை நடத்தி வருகின்றனர்.

சரத்குமார்…

“நீ ஏழையா இரு இல்லனா கோழையா இரு, யாரா வேணா இரு, ஆனா என்கிட்ட கொஞ்சம் தள்ளியே இரு…” என்று கொரோனா நமக்கு அறிவுறுத்தும் வகையில் இருக்கிறது நம்ம லட்ச்சனம்.

ஏழை பணக்காரர் என பாகுபாடின்றி என அனைவருமே இந்த வைரஸ் தொற்று பரவுகிறது.

கோலிவுட்டில் விஷால், தமன்னா, நிக்கி கல்ராணி,SPB, விஜயகாந்த் மற்றும் பாலிவுட்டில் அமிதாப், அபிஷேக், ஐஷ்வர்யா ராய், தெலுகு திரைப்பட உலகில், ராஜமௌலி, சிரஞ்சீவி போன்ற பிரபலங்களும் இந்த வைரஸ் தொற்றால் பாதிக்கப்பட்டனர்.

இவர்களை தொடர்ந்து தற்போது நடிகை வரலக்ஷ்மி தந்தையும், ராதிகாவின் கணவரும், நடிகருமான சரத்குமாருக்கு கொரானா தொற்று உறுதி செய்யப்பட்டுள்ளதாக ராதிகா அதிகாரப் பூர்வமாக கூறியுள்ளனர்.

இதனால் ட்விட்டர்வாசிகள் சற்று அதிர்ந்து போக, “உடனே அவர் நல்ல மருத்துவர்களிடம் தான் இருக்கிறார். அவரைக் குறித்த அப்டேட்களை அப்போது தருகிறேன்” என்று வாக்குறுதி கொடுத்துள்ளார் ராதிகா.

தமிழ் சினிமாவின் வில்லனாக அறிமுகமாகி வலம் வந்தவர் சரத்குமார், அதன் பின்னர் ஹீரோவாக பட்டையை கிளப்பினார். தற்போது குணசித்திர வேடங்களில் நடிக்கத் தொடங்கியுள்ளார்.

Today Sarath tested positive for Coronavirus in Hyderabad. He’s asymptomatic and in the hands of extremely good doctors! I will keep you updated about his health in the days to come. @realsarathkumar @rayane_mithun @imAmithun_264 @varusarath5

— Radikaa Sarathkumar (@realradikaa) December 8, 2020

அஜித் ரசிகர்கள்..

தமிழ் சினிமாவில் டாப் 3 இல் இருக்கும் நடிகர் அஜித். இவர் தற்போது எச்.வினோத் இயக்கத்தில் வலிமை திரைப்படத்தில் நடித்து வருகிறார்.

யுவன் ஷங்கர் ராஜா இப்படத்துக்கு இசையமைக்கிறார். அஜித்துக்கு நடிப்பு மட்டுமின்றி விளையாட்டுத்துறையில் கூட ஆர்வம் அதிகம்.

உதாரணத்திற்கு அவர் கார் ரேஸ் பந்தயத்தில் வல்லவர். அதுபோல் மற்ற விளையாட்டுத் துறையிலும் ஈடுபாடு கொண்டவர். அவரது ரசிகர்கள் பலரும் விளையாட்டுத்துறையில் ஈடுபாடு கொண்டவர்கள்.

இந்நிலையில் தற்போது T20 World Cup நடந்துகொண்டிருக்கும் நேரத்தில், நம்ம ஊரு வீரரான நடராஜன் அவர்களுக்கு மரியாதை செய்யும் விதமாக நடிகர் அஜித்தின் ரசிகர்கள் செய்துள்ள செயல் இணையத்தில் பாராட்டுக்களை குவித்து வருகிறது.

நடராஜனுக்கு வாழ்த்து தெரிவித்து பேனர் அடித்து, கிரவுண்டுக்கு அஜித் ரசிகர் ஒருவர் சென்றுள்ளார்.

இதுகுறித்து பதிவிட்டுள்ள அந்த ரசிகர், ”எனது வாழ்நாள் கனவு இன்று நிறைவேறி இருக்கிறது.

தல ரசிகர்களின் வாழ்த்துக்களை இந்திய அணிக்கும், நடராஜனுக்கும் நேரடியாக இங்கே கொண்டு வந்து இருக்கிறேன்” என அவர் உருக்கமாக பதிவிட்டுள்ளார்.

ஷிவானி- பாலாஜி….

பிக்பாஸ் 4வது சீசனில் காதலர்கள் என்று ரசிகர்களால் கூறப்படுவது பாலாஜி-ஷிவானி தான். ஆனால் இருவரும் அதெல்லாம் ஒன்றும் இல்லை என்று கூறி வருகின்றனர்.

அண்மையில் நிகழ்ச்சிக்கு பார்வையாளர் ஒருவர் கால் செய்து ஷிவானியிடம் உங்களுக்கு அதிக ரசிகர்கள் உள்ளார்கள் என்பதால் நாமினேஷனுக்கு வந்தீர்களா என கேட்க அதற்கு அவர் ஆமாம் என்றார்.

அதன்பிறகு ஷிவானி கார்டன் ஏரியாவில் உட்கார்ந்து தேம்பி தேம்பி அழுது கொண்டிருந்தார்.

இதனை பார்த்த பாலாஜி ஏன் அழுகிறாய், தோக்குறதும் ஜெயிக்குறதும் இங்கதான். நமக்கு லைஃப் வெளிலதான் இருக்கு என்றார். மேலும் ஷிவானி இதுதான் கேம் என ஆறுதல் கூறி அவரை கட்டி அணைத்து ஆறுதல் கூறியுள்ளார்.

ஜெய்-அஞ்சலி…

சினிமாவுல காதலர்களா சுத்திட்டு இருந்தாங்க ஜெய்-அஞ்சலி. லவ் பண்ணி அப்படியே லிவிங் ரிலேஷன் ஷிப்ல இருந்தாங்க.

ஆனா பாருங்க திடீரென என்ன ஆச்சோ தெரியல ரெண்டு பேரும் பிரிஞ்சு அப்படியே அவங்க சோலிய பாக்க போய்டாங்க.

இப்ப பாத்தா நம்ம ஜெய் அண்ணாத்த ஒரு சீரியல் நடிகையோட படம் நடிக்கும் போது

சில நெருக்கமான காட்சி நடிக்க அப்படியே அவங்களுக்குள்ள லவ்சு உருவாகிடுச்சாம்.

இத தெரிஞ்ச அம்மனி அஞ்சலி லவ் பிரேகப் பண்ணிகிட்டாங்க சொல்றாங்க.

மீரா மிதுன்…

கமல்ஹாசன் தொகுத்து வழங்கி வரும் பிக் பாஸ் சீசன் 4 நிகழ்ச்சி 60 நாட்களைக் கடந்து தற்போது விறுவிறுப்பை நோக்கி செல்லத் துவங்கியுள்ளதாகத் தெரிகிறது. நேற்று முந்தினம் யாரும் எதிர்பார்க்காத வகையில் போட்டியிலிருந்து சனம் வெளியேற்றப்பட்டார். மற்ற சிலரைப் போல் ஒரு குரூப்பாகச் செயல்படாமல் தனித்து செயல்பட்டார். சக போட்டியாளர்களான பாலாஜி உள்ளிட்ட சிலர் கடுமையாக அவமானப்படுத்தினாலும் அதையெல்லாம் சமாளித்தார்.

அவருடைய போட்டி மனப்பான்மையைக் கண்டு அவருக்கு நிறைய பேர் ரசிகர்களானார்கள். ஆனால், நேற்று அவர் வெளியாகப் போகிறார் என இரு தினங்களுக்கு முன்பு தெரிய வந்ததுமே பலரும் இதையெல்லாம் வேண்டுமென்றே செய்கிறார்கள் என்று குற்றம் சாட்டினார்கள். விஜய் டிவி வேண்டுமென்றே சிலரை வெளியேற்ற முடிவு செய்துவிட்டதாக சமூக வலைத்தளங்களில் பரவியது.

இதனிடையே, கடந்த பிக் பாஸ் சீசனில் சர்ச்சைக்குரிய போட்டியாளராக இருந்த மீரா மிதுன், நிகழ்ச்சியிலிருந்து சனம் வெளியேறியது குறித்து, அருவெறுப்புடன் ஒரு பதிவு செய்துள்ளார்.

“ஒரு மகிழ்ச்சியான தருணம் கடைசியில் வந்துவிட்டது. பிக்பாஸ் தமிழ் நிகழ்ச்சியிலிருந்து டுபாக்கூர் வெளியேறிவிட்டார். வெளியில் வந்து டுபாக்கூர் ஷோக்களை செய், வாழ்த்துகள் டுபாக்கூர்.

மேலும், “இந்த பூமியில் தர்ஷன் மிகவும் மகிழ்ச்சியானவராக இருப்பார். அவருடைய முன்னாள் காதலியின் குணம் என்னவென்பது வெளியில் தெரிந்துவிட்டது.

விஜய் டிவி, பிக்பாஸ் நல்ல வேலை செய்தீர்கள். ‘அம்புலி’ நாயகன் சொர்க்கத்திலிருந்து சிரித்துக் கொண்டிருப்பார்,

டுபாக்கூர் எப்போதும் டுபாக்கூர் தான்” என்றும் தரக்குறைவான வார்த்தைகளுடன் சனம் வெளியேறியது குறித்து டுவிட்டரில் பதிவிட்டுள்ளார்.