தலைவி..

இயக்குனர் ஏ.எல்.விஜய் இயக்கத்தில் நடிகை கங்கனா ரனாத் நடிப்பில் உருவாகி வரும் திரைப்படம் தான் தலைவி.

மறைந்த முன்னாள் முதலமைச்சர் ஜெயலலிதாவின் வாழ்க்கை வரலாற்று திரைப்படமாக உருவாகும் இப்படத்தில்

ஜெயலலிதாவாக நடிகை கங்கனா ரனாத், எம்.ஜி.ஆர் ஆக அரவிந்த் சாமி உள்ளிட்டோர் நடிக்கின்றனர்.

இந்நிலையில் தற்போது நடிகர் சமுத்திரக்கனியும் இப்படத்தில் முக்கிய வேடத்தில் நடித்துள்ளாராம். ஆம் இது குறித்த அவரின் பதிவில், இப்படத்தில் தனக்கான படப்பிடிப்பை முடித்து விட்டதாகவும்.

இப்படத்தில் நடித்த நடிகர்கள் மற்றும் படக்குழுவினர்களுக்கு நன்றி தெரிவித்துள்ளார் நடிகர் சமுத்திரக்கனி. மேலும் இப்படத்தில் அவர் RM வீரப்பன் கதாபாரத்தில் நடித்துள்ளார் என்பது தெரியவந்துள்ளது.

“தலைவி” திரைப்படத்தில் எனக்கான படப்பிடிப்பு நிறைவடைந்தது…மிக்க மகிழ்ச்சி… பேரன்பான இயக்குனர் ஏ.எல்.விஜய் …செல்வி .கங்கனா ரணாவத் …திரு.அரவிந்த்சாமி மற்றும் என் உடன் நடித்த சக நடிகர்கள் தொழில்நுட்ப கலைஞர்கள்,உதவி இயக்குனர்கள் அனைவருக்கும் நன்றி..! வெல்வோம்..! pic.twitter.com/wZjegLxvl0

— P.samuthirakani (@thondankani) December 5, 2020

விக்ரம்…

நடிகர் கமல் தற்போது தமிழ் சினிமாவின் உச்ச நட்சத்திரமாக திகழ்பவர், இவரின் திரைப்படங்களுக்கு உலகம் முழுவதிலும் ரசிகர்கள் உண்டு.

கடைசியாக இவர் நடிப்பில் விஸ்வரூபம் 2 திரைப்படம் வெளியாகியிருந்தது, அதனை தொடர்ந்து இவர் இயக்குனர் ஷங்கரின் இயக்கத்தில் இந்தியன் 2 திரைப்படத்தில் நடித்து வந்தார். ஆனால் தற்போதுவரை இப்படம் குறித்த எந்த ஒரு தகவலும் வெளியாகவில்லை.

இவர் தற்போது இயக்குனர் லோகேஷ் கனகராஜ் இயக்கத்தில் விக்ரம் திரைப்படத்தில் நடிக்கவுள்ளார். இயக்குனர் லோகேஷ் நடிகர் கமலின் தீவிர ரசிகர் என்பதால் மிக பெரிய அளவில் எதிர்பார்க்கப்படுகிறது.

மேலும் நடிகர் கமலின் பிறந்தநாள் அன்று விக்ரம் திரைப்படத்தின் பர்ஸ்ட் லுக் டீசர் வெளியாகி இருந்தது. நீண்ட நாட்களுக்கு பிறகு செம மாஸ்ஸாக நடிகர் கமலை காண்பித்துள்ளதால். இந்த டீசர் ரசிகர்களிடையே மிக பெரிய வரவேற்பை பெற்றது.

இந்நிலையில் விக்ரம் படத்தில் அவருக்கு வில்லனாக நடிக்கவுள்ளார் ஒரு முக்கிய நடிகர், ஆம் மலையாளத்தில் முன்னணி நடிகராக திகழும் ஃபகத் பாசில் தான் அப்படத்தில் அவருக்கு வில்லனாக நடித்து ரசிகர்களை மிரட்ட வருகிறார்.

மேலும் இது குறித்து அதிகாரப்பூர்வமான தகவல் வரும் வரை பொறுத்திருந்து பார்ப்போம்.

ரஜினி…

ரஜினி நடித்து கிட்டத்தட்ட இரண்டு வருடங்களுக்கு மேல் வெற்றி நடைபோட்ட சந்திரமுகி படத்தின் இரண்டாம் பாகத்தில் தான் நடிக்கப் போவதாகவும் அந்த படத்தின் முதல் பாகத்தை இயக்கிய பி வாசு அவர்கள் இயக்கப் போவதாகவும் தன்னுடைய அதிர்ஷ்டமான தயாரிப்பாளர் கலாநிதி மாறன் தயாரிக்கப் போவதாகவும், அறிவித்திருந்தார்.

இந்த நிலையில் தற்போது கிடைத்துள்ள தகவல் என்னவென்றால் ஜோதிகாவின் கதாபாத்திரத்தில் சிம்ரன் நடிக்கலாம் என கூறப்படுகிறது.

இதில் ஆச்சரியப்படும் தகவல் என்னவென்றால், சந்திரமுகி படத்தில் சிம்ரன் தான் கமிட் ஆகி நடித்தார். ஆனால் அவர் அந்த சமயத்தில் கர்ப்பம் ஆகி விட்டதால் இந்த படத்தில் இருந்து விலகிக்கொண்டார்.

முக்கியமான விஷயம் என்ன என்றால், சந்திரமுகி படத்தை சிவாஜி பிலிம்ஸ் தயாரித்திருந்த நிலையில் சந்திரமுகி டைட்டிலுக்கு மட்டும் கிட்டத்தட்ட ஒரு கோடி ரூபாய் கொடுத்து வாங்கியுள்ளார்களாம்.

இதுவரை பழைய பட டைட்டிலுக்கு இவ்வளவு விலை கொடுத்ததில்லை என்று டிரேடிங் வட்டாரம் சொல்கிறார்கள்.

குருதி ஆட்டம்…

திரையுலகில் வித்தியாசமான கதைகளை தேர்ந்தெடுத்து நடிக்கும் நடிகர்களில் ஒருவர் அதர்வா. முன்னணி நடிகர் முரளியின் மகன் என்ற அடையாளம் இருந்தாலும், தனது திரைப்பயணத்தில் அயராத உழைப்பால் ரசிகர்களின் மனம் கவர்ந்த நடிகராக வளர்ந்துள்ளார்.

கடைசியாக 2019-ல் இவர் நடித்த 100 படம் வெளியாகி கலவையான விமர்சனங்களை பெற்றிருந்தது. இதனை தொடர்ந்து ஜிகர்தண்டா தெலுங்கு ரீமேக்கில் சித்தார்த் நடித்த வேடத்தில் நடித்து அசத்தியிருந்தார். இந்த படம் ரசிகர்கள் மத்தியில் நல்ல வரவேற்பை பெற்றது.

தற்போது அதர்வா நடிப்பில் உருவாகியுள்ள திரைப்படம் குருதி ஆட்டம். 8 தோட்டாக்கள் படத்தின் வெற்றியை அடுத்து இயக்குனர் ஸ்ரீ கணேஷ் இயக்கும் குருதி ஆட்டம் படத்தில் அதர்வா ஜோடியாக பிரியா பவானி ஷங்கர் நடித்துள்ளார். ராக்போர்ட் என்டேர்டைன்மெண்ட் டி.முருகானந்தம் இந்த படத்தை தயாரித்துள்ளார். ராதிகா,ராதாரவி உள்ளிட்ட நட்சத்திரங்கள் முக்கிய வேடங்களில் நடித்துள்ளனர். யுவன் ஷங்கர் ராஜா இந்த படத்திற்கு இசையமைத்துள்ளார்.

இந்த படத்தின் ரிலீஸ் சில காரணங்களால் தள்ளிப்போனது. சமீபத்தில் இந்த படத்தின் டப்பிங் வேலைகளை தொடர்ந்தனர் படக்குழுவினர். இதனால் படம் குறித்த அப்டேட் ஏதாவது கிடைக்காதா என்ற ஆவலில் இருந்தனர் ரசிகர்கள். இந்நிலையில் படத்தின் ஃபர்ஸ்ட் லுக் மற்றும் டீஸர் குறித்த அறிவிப்பு வெளியானது. இம்மாதம் டிசம்பர் 8-ம் தேதி ஃபர்ஸ்ட் லுக்கும், வருகிற 11-ம் தேதி டீஸரும் வெளியாகும் என்ற தகவல் கிடைத்துள்ளது.

அதர்வா நடிப்பில் இயக்குனர் ஆர்.கண்ணன் இயக்கத்தில் உருவாகியுள்ள படம் தள்ளி போகாதே. தெலுங்கில் வெளியாகி ஹிட்டான நின்னு கோரி படத்தின் தமிழ் ரீமேக்காகும். அதர்வாவிற்கு ஜோடியாக அனுபமா பரமேஸ்வரன் நடித்துள்ளார். முக்கிய ரோலில் அமிதாஷ் பிரதான் நடித்துள்ளார். மசாலா பிக்ஸ் மற்றும் எம்.கே.ஆர்.பி புரொடக்‌ஷன்ஸ் இணைந்து தயாரித்துள்ளனர்.

Our very FIRST production venture 😍#KuruthiAattam – First look and teaser on the way!

First Look on – 8th December
Teaser -11th December Stay tuned for updates@Atharvaamurali @priya_Bshankar @sri_sriganesh89 @thisisysr @FiveStarAudioIn @kbsriram16 @DoneChannel1 pic.twitter.com/AkHryB8SJ6

— RockFort Entertainment (@Rockfortent) December 6, 2020