விக்ரம்-துருவ்..

பிரபல இயக்குனர் கார்த்திக் சுப்புராஜ் இயக்கத்தில் முடிவடைந்துள்ள தனுஷின் ‘ஜகமே தந்திரம்’ திரைப்படம் விரைவில் வெளியாக இருக்கும் நிலையில் அவரது அடுத்த படத்தில் சியான் விக்ரம் மற்றும் அவரது மகன் துருவ் விக்ரம் ஆகிய இருவரும் நடிக்க உள்ளதாக சமீபத்தில் அறிவிப்பு வெளியானது.

அனிருத் இசையமைக்கும் இந்த படத்தை செவன் க்ரீன் ஸ்டூடியோ நிறுவனம் தயாரிக்க உள்ளது என்பது குறிப்பிடத்தக்கது.

இந்த நிலையில் இந்த படத்தின் படப்பிடிப்பு வரும் பிப்ரவரி முதல் தொடங்க இருப்பதாக படக்குழுவினர்களிடம் இருந்து தகவல்கள் வெளிவந்துள்ளது.

விக்ரம் தற்போது நடித்துக்கொண்டிருக்கும் ‘கோப்ரா’ படத்தின் படப்பிடிப்பு ஜனவரியில் முடிவடைய உள்ளதாகவும் இதனை அடுத்து விக்ரமின் 60வது படமான கார்த்திக் சுப்புராஜ் இயக்கும் படம் பிப்ரவரி முதல் தொடங்க இருப்பதாகவும் செய்திகள் வெளியாகி உள்ளது.

ஏற்கனவே மணிரத்னம் இயக்கிவரும் பொன்னியின் செல்வன் திரைப்படத்தில் ஒரு முக்கிய கேரக்டரில் விக்ரம் நடித்து வருகிறார் என்பதும் குறிப்பிடத்தக்கது.

ஆர்.ஆர். ஆர்…

எஸ்.எஸ். ராஜமௌலியின் இயக்கத்தில் பிரபாஸ், ராணா, அனுஷ்கா, தமன்னா, ரம்யா கிருஷ்ணன், சத்யராஜ் என பல திரை பிரபலங்கள் இணைந்து நடித்து வெளியான திரைப்படம் பாகுபலி.

இப்படத்தின் முதல் பகுதி ரூ. 600 கோடிக்கு மேல் வசூல் செய்தது. மேலும் இரண்டாம் பாகம்,

ரூ. 1500 கோடிக்கும் மேல் வசூல் செய்து இந்தியளவில் பிரமாண்ட சாதனை படைத்தது.

இந்நிலையில் எஸ்.எஸ். ராஜமௌளி இயக்கத்தில் ரேம் சரண், மற்றும் ஜூனியர் என்.டி.ஆர் நடித்துள்ள ஆர்.ஆர். ஆர் திரைப்படம், பாகுபலியின் வசூலை முறியடிக்கும் என்று படத்தின் தயாரிப்பாளர் உறுதியாக கூறியுள்ளார்.

சில மாதங்களுக்கு முன் தான் இப்படத்தின் கதாபாத்திரங்களின் டீசர் வெளியாகி ரசிகர்கள் மத்தியில் அமோக வரவேற்பை பெற்றது.

இதனால் இப்படத்திற்கு மிகப்பெரிய எதிர்பார்ப்பு இந்திய முழுவதும் ஏற்பட்டுள்ளது என்பது குறிப்பிடத்தக்கது.

சங்கர்…

தமிழ் திரையுலகில் மட்டுமல்ல இந்திய திரையுலகிலேயே பிரமாண்ட இயக்குனர் என்று ரசிகர்களால் கொண்டாடப்படுபவர் இயக்குனர் சங்கர்.

இவர் தற்போது உலக நாயகன் கமல் ஹாசனை வைத்து இந்தியன் 2 படத்தை இயக்கி வருகிறார். சில தவிர்க்க முடியாத காரணத்தினால் படத்தின் படப்பிடிப்பு துவங்குமா என்பதே கேள்வி குறி தான்.

இந்தியன் 2 படத்தை தொடர்ந்து புதிதாக பிரமாண்ட கன்னட திரையுலகின் கே.ஜி.எப் படத்தின் ஹீரோ யாஷை வைத்து சங்கர் புதிதாக படத்தை இயக்க போகிறார் என்று தகவல்கள் வெளியானது.

இந்நிலையில் தற்போது தனது அடுத்தப்படத்திக்காக சீயான் விக்ரமின் மகன் துருவ விக்ரமை ஹீரோவாக தேர்ந்தெடுத்துள்ளாராம் இயக்குனர் சங்கர் என கோலிவுட்டில் கூறப்படுகிறது.

விஜே மகேஸ்வரி…

இப்போதெல்லாம் டிவியை விட Youtube சானலின் பக்கம் தான் அதிகமானோரின் பார்வைகள் திரும்பியுள்ளன.

அதில் சில நிமிடங்களில் முகம் காட்டி செல்லும் நடிகர், நடிகர்களுக்கும் ரசிகர்கள் வட்டாரம் இருக்கிறது.

ஓரளவிற்கும் பல அறிந்த நபராகவும் மாறிவிடுகிறார்கள். அவ்வகையில் விஜே மகேஸ்வரியும் ஒருவர்.

அவர் பிக்பாஸ் சீசன் 4 வீட்டிற்குள் ஒர் போட்டியாளராக Wild Card சுற்றில் உள்ளே நுழையப்போகிறார் என்ற பேச்சு தான் தற்போதைய ஹாட் டாப்பிக் எனலாம்.

இந்நிலையில் ரசிகர் ஒருவர் அவரிடம் ஆ பாசமாக பேச அதற்கு அவர் சரியான பதிலடி கொடுத்துள்ளார்.

Wow 1999 la ya vanthuchu sir appo yennaku 10 vayasu than irrukum 🤔sirr apoo na kolantha sirr 😆🤣 https://t.co/SQUNcQzbLd

— Vj_Maheswari (@maheswarichanak) December 4, 2020

ஜோவிதா…

பிரபல நடிகர் லிவிங்ஸ்டனின் மகள் ஜோவிதா. நடிகை அம்பிகா மகன் ஜோடியாக சினிமாவில் அறிமுகமானார். அந்தப் படம் வெளிவராத நிலையில் பூவே உனக்காக தொடரில் நடிக்க ஆரம்பித்தார்.

நடிக்கத் தொடங்கிய சில மாதங்களிலேயே அந்த சீரியலில் இருந்து வெளியேறுவதாக அறிவித்திருக்கிறார். அதற்கான காரணத்தை அவர் தெரிவிக்கவில்லை.

இந்த நிலையில் ஜோவிதாவின் தந்தையும், நடிகருமான லிவிங்ஸ்டன், மகளின் விலகல் குறித்து கூறியிருப்பதாவது: ”பூவே உனக்காக சீரியலில் இருந்து மகள் விலகியது நாங்களாக எடுத்த முடிவு. யாரும் விலக்கவில்லை.

நடிக்கத் தொடங்கிய கொஞ்ச நாளிலேயே இப்படியொரு முடிவை எடுக்கத் தள்ளப்பட்டதை நினைக்கும்போது வருத்தமாக இருக்கிறது. விலகலுக்கு நிறைய காரணம் இருக்கிறது.

அதை இப்போது சொல்லி சம்பந்தப்பட்டவர்களை நோகடிக்க விரும்பவில்லை. டிசம்பர் 15ல் மகள் விலகுகிறார். அதன்பிறகு தேவைப்பட்டால் காரணத்தை சொல்வோம்” என்கிறார்.