டாக்டர்…

நெல்சன் இயக்கத்தில் உருவாகி உள்ள டாக்டர் படத்தில் சிவகார்த்திகேயன், யோகிபாபு, வினய், பிரியங்கா மோகன் ஆகியோர் நடித்துள்ளனர்.

நெல்சன் இயக்கத்தில் சிவகார்த்திகேயன் நடித்துள்ள படம் டாக்டர். இளம் நடிகை பிரியங்கா மோகன் இப்படத்தில் ஹீரோயினாக நடித்துள்ளார். மேலும் யோகிபாபு, வினய் உள்ளிட்ட பலர் முக்கிய கதாபாத்திரத்தில் நடித்துள்ளனர்.

கே.ஜே.ஆர். ஸ்டூடியோஸ் நிறுவனத்துடன் சிவகார்த்திகேயனின் எஸ்.கே.புரொடக்‌ஷன் நிறுவனமும் இணைந்து தயாரித்துள்ள, இப்படத்திற்கு அனிருத் இசையமைத்துள்ளார். இப்படத்தின் படப்பிடிப்பு முடிந்து இறுதிக்கட்ட பணிகள் விறுவிறுப்பாக நடைபெற்று வருகிறது.

இப்படத்தை மார்ச் 26-ந் தேதி வெளியிட திட்டமிட்டிருந்தனர். இருப்பினும் சட்டசபை தேர்தல் காரணமாக படத்தின் ரிலீஸை தள்ளிவைத்தனர். இதையடுத்து ரம்ஜான் பண்டிகைக்கு இப்படம் வெளியிடப்படும் என அதிகாரப்பூர்வமாக அறிவித்தனர்.

தற்போது கொரோனா தொற்றின் 2-வது அலை வேகமாக பரவி வருவதால், திரையரங்குகளில் 50 சதவீத இருக்கைகளுக்கு மட்டுமே அனுமதி அளிக்கப்பட்டுள்ளது. இதனால் டாக்டர் படத்தை நேரடியாக ஓடிடி-யில் வெளியிட உள்ளதாக தகவல் வெளியாகி உள்ளது.

இதற்காக முன்னணி ஓடிடி நிறுவனத்திடம் பேச்சுவார்த்தை நடத்தி வருகிறார்களாம். ரம்ஜான் பண்டிகைக்கு இப்படம் ஓடிடி-யில் வெளியிடப்பட உள்ளதாக கூறப்படுகிறது. விரைவில் இதுகுறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.

விஜய் சேதுபதி…

தமிழ், தெலுங்கு, இந்தி என பல்வேறு மொழிகளில் பிசியான நடிகராக வலம்வரும் விஜய் சேதுபதி, அடுத்ததாக நடிக்க உள்ள புதிய படம் குறித்த தகவல் வெளியாகி உள்ளது.

ஆரம்பத்தில் துணை நடிகராக சினிமா வாழ்க்கையை தொடங்கிய விஜய்சேதுபதி தென்மேற்கு பருவக்காற்று படத்தில் கதாநாயகனாகி, முன்னணி நடிகராக உயர்ந்துள்ளார்.

பீட்சா, சூதுகவ்வும், நடுவுல கொஞ்சம் பக்கத்தை காணோம், சேதுபதி, நானும் ரவுடிதான், தர்மதுரை, விக்ரம் வேதா, 96 என்று பல படங்கள் அவருக்கு திருப்புமுனையாக அமைந்தன.

வித்தியாசமான கதைகளை தேர்வு செய்வதும், இமேஜ் பார்க்காமல் வில்லன், திருநங்கை, முதியவர் தோற்றங்களில் நடிப்பதுமே அவரை பெரிய நடிகராக்கி உள்ளது. பிறமொழி படங்களிலும் வாய்ப்புகள் குவிகின்றன. தற்போது 10-க்கும் மேற்பட்ட படங்களை கைவசம் வைத்துள்ளார். மணிகண்டன், விஜய் சேதுபதி

இந்நிலையில், விஜய் சேதுபதி நடிக்கும் புதிய படம் குறித்த தகவல் வெளியாகி உள்ளது. அதன்படி காக்கா முட்டை படத்தின் மூலம் பிரபலமான, இயக்குனர் மணிகண்டன் இயக்கத்தில் அவர் நடிக்க உள்ளதாக கூறப்படுகிறது. ஏற்கனவே மணிகண்டன் இயக்கத்தில் ஆண்டவன் கட்டளை, கடைசி விவசாயி போன்ற படங்களில் விஜய் சேதுபதி நடித்துள்ளார் என்பது குறிப்பிடத்தக்கது.

உதயநிதி ஸ்டாலின் மகன்..

தமிழ் சினிமாவில் பிரபலங்களின் வாரிசுகள் பலர் நடிக்க வந்துகொண்டிருக்கிறார்கள். அப்படி அரசியல், சினிமா என இரண்டிலும் பிரபலமான கலைஞர் அவர்களின் பேரன் என்ற அடையாளத்தோடு சினிமாவில் நுழைந்தவர் உதயநிதி ஸ்டாலின்.

முதலில் விநியோகஸ்தர், தயாரிப்பாளர் என சினிமாவில் களமிறங்கிய உதயநிதி பின் நடிகராக தன்னை வளர்த்துக் கொண்டார்.

முதல் படத்தில் இருந்து இறுதியாக அவர் நடித்துள்ள படம் வரை அவரது வளர்ச்சியில் நிறைய வித்தியாசத்தை காணலாம். அதாவது நடிப்பு, நடனம் என எல்லாவற்றிலும் தன்னை உயர்த்தி இருக்கிறார்.

தற்போது அரசியலில் முழு ஈடுபாடு காட்டி வருகிறார். இந்த நேரத்தில் தான் உதயநிதியின் மகனின் லேட்டஸ்ட் புகைப்படம் ஒன்று சமூக வலைதளங்களில் வைரலாகி வருகிறது.

அதைப்பார்த்த ரசிகர்கள் உதயநிதி மகனா இவ்வளவு பெரியவனாக வளர்ந்திருக்கிறார் என ஆச்சரியமாக பார்த்து வருகின்றனர்.

எம்.எஸ்.பாஸ்கர் மகள் திருமண வரவேற்பு..

திரைப்பட நடிகர் எம்.எஸ்.பாஸ்கர் மகள் திருமண வரவேற்பு நிகழ்ச்சியில் ஏராளமான திரைப் பிரபலங்கள் கலந்து கொண்டனர்.

திரைப்பட நடிகர் எம்.எஸ்.பாஸ்கர் – ஷீலா தம்பதியின் மகள் ஐஸ்வர்யா. விஸ்காம் மாணவியான இவருக்கும், தொழிலதிபர் என்.ஏ.சுதாகர், சீனா தம்பதியின் மகன் அகுல் சுதாகருக்கும் நேற்று மாலை திருமண வரவேற்பு நிகழ்ச்சி நடைபெற்றது.

இவ்விழாவில் நடிகர்கள் சரத்குமார், விஜய்சேதுபதி, விஜய் ஆண்டனி, டி.ராஜேந்தர், நாசர், ராதாரவி, அருண்விஜய், ஆனந்தராஜ், பிரசன்னா, பரத், மனோபாலா, இளவரசு,

மயில்சாமி, ரமேஷ் கண்ணா, கருணாஸ், ஆர்.பாண்டியராஜன், சூரி, பூச்சி முருகன், வெற்றி, மாரிமுத்து, ராஜேஷ், போஸ் வெங்கட், வையாபுரி, சாம்ஸ், சென்ராயன் ஆகியோர் கலந்து கொண்டு மணமக்களை வாழ்த்தினர்.

மேலும் நடிகைகள் சினேகா, தேவதர்ஷினி, குட்டிபத்மினி, சந்தியா, சாந்தினி,

இயக்குனர்கள் எஸ்.ஏ.சந்திரசேகர், விக்ரமன், வி.சேகர், சித்ரா லட்சுமணன், ஆர்.பாண்டிராஜ், மோகன்ராஜா, ஜெகன், பிரேம்குமார்,

தயாரிப்பாளர்கள் எடிட்டர் மோகன், டி.சிவா, தனஞ்செயன், அழகன் தமிழ்மணி, இசையமைப்பாளர் தேவா, பாடகர் மனோ, முன்னாள் பாராளுமன்ற உறுப்பினர் ஜெயவர்தன், நக்கீரன் கோபால் உட்பட ஏராளமானோர் கலந்து கொண்டு மணமக்களை வாழ்த்தினர்.

விழாவுக்கு வந்தவர்களை எம்.எஸ்.பாஸ்கர், ஷீலா பாஸ்கர், என்.ஏ.சுதாகர், சீனா சுதாகர், ஆதித்யா பாஸ்கர், அக்சய் சுதாகர் ஆகியோர் வரவேற்றனர்.

வலிமை…

தல அஜித் தற்போது தமிழ் சினிமாவின் உச்ச நட்சத்திரமாக விளங்குபவர், இவரின் திரைப்படங்கள் தொடர்ந்து பெரிய வசூல் சாதனை படைத்து வருகிறது.

அந்த வகையில் கடைசியாக இவர் நடிப்பில் வெளியான விஸ்வாசம் மற்றும் நேர்கொண்ட பார்வை உள்ளிட்ட திரைப்படங்கள் பெரிய வெற்றியடைந்துள்ளது.

அதனை தொடர்ந்து தல அஜித் வலிமை திரைப்படத்தில் நடித்து வந்தார், இறுதிக்கட்ட காட்சிகளுடன் இப்படத்தின் படப்பிடிப்பு விரைவில் முடிவடைய உள்ளது.

இந்நிலையில் தற்போது வலிமை படத்தின் படக்குழுவினர் இப்படத்தின் மீதம் உள்ள ஆக்ஷன் காட்சிகளுக்காக ஸ்பெயின் நாடு செல்ல உள்ளனர். மேலும் அந்த ஆக்ஷன் காட்சிகளை அங்கு தான் படம்பிடிக்க வேண்டும் என வினோத் உறுதியாக உள்ளதாகவும் கூறப்படுகிறது.

வரும் மே 1 ஆம் தேதி தல அஜித்தின் 50 வது பிறந்தநாளை முன்னிட்டு வலிமை படத்தின் முதல் பார்வை வெளியாகவுள்ளது என்பது குறிப்பிடத்தக்கது.

பாடகி தீ…

சமீபத்தில் குக்கூ குக்கூ என்ற பாடல் செம வைரலானது அனைவருக்குமே தெரியும். இந்திய அளவில் ட்ரண்ட் ஆன அந்த பாடலில் நடித்திருந்தவர் தீ(Dhee). இவர் வெளிநாடுகளில் பட்டப்படிப்பை முடித்தவர்.

சூர்யா நடிப்பில் வெளியான சூரரைப்போற்று படத்தில் ஜிவி பிரகாஷ் இசையமைப்பில் இவர் பாடிய காட்டுப்பயலே பாடல் மூலம் ரசிகர்கள் மத்தியில் அறியப்பட்டார். ஆனால் அதுவரை ரசிகர்களுக்கு இவர் ஒரு வடமாநில பாடகி என்பது போன்ற பிம்பம் தான் ஏற்பட்டது.

தமிழ் சினிமாவில் சிறந்த இசையமைப்பாளராக வலம் வந்து கொண்டிருக்கும் சந்தோஷ் நாராயணன் மகள் இந்த பிரபல பாடகி தீ என்பது பலருக்கும் தெரியாத செய்தி தான்.

சமீபத்தில் வெளியான என்ஜாய் எஞ்சாமி என்ற பாடலின் வெளியீட்டு விழாவில்தான் அவர் சந்தோஷ் நாராயணன் மகள் என்பதே பலருக்கும் தெரியும்.

கதைக்கு அதிக வலுவுள்ள திரைப்படங்களுக்கு பல இயக்குனர்களின் முதல் சாய்ஸாக இருக்கும் இசையமைப்பாளர் சந்தோஷ் நாராயணன் மட்டுமே. சமீபத்தில் வெளிவந்த கர்ணன் படமே அதற்கு பறைசாற்றும் விதமாக அமைந்தது.

அது மட்டுமில்லாமல் பல படங்களிலும் சந்தோஷ் நாராயணன் இசை வெகுவாக கவர்ந்தது. தற்போது தமிழ் சினிமாவில் பிஸியாக இருக்கும் இசையமைப்பாளர்களில் இவரும் ஒருவர்.