அஜித்…

அஜித் ரசிகர்கள் கடந்த சில மாதங்களாகவே வலிமை படத்தின் அப்டேட் கேட்டுக் கொண்டு இருக்கிறார்கள்.

ஆனால் படக்குழுவோ விரைவில் என்கிறார்களே தவிர எப்போது என்று கூறவில்லை.

படத்தின் படப்பிடிப்பு வேலைகள் முடிவடைந்து போஸ்ட் புரொடக்ஷன் வேலைகள் நடந்து வருவதாக கூறப்படுகிறது.

இந்த நிலையில் அஜித் ரசிகர்கள் கொண்டாட்டம் போடும் அளவிற்கு ஒரு தகவல் வந்துள்ளது.

அது என்னவென்றால் வரும் மார்ச் 12ம் தேதி அஜித்தின் பில்லா திரைப்படத்தை ராக்கி சினிமாஸ் திரையிட இருக்கிறார்களாம்.

தளபதி 65…

நெல்சன் திலீப்குமார் இயக்கத்தில் கோலமாவு கோகிலா மற்றும் டாக்டர் படத்தை தொடர்ந்து உருவாகவுள்ள படம் தளபதி 65.

விஜய் நடிப்பில் உருவாகவுள்ள இப்படத்தை சன் பிக்சர்ஸ் நிறுவனம் தயாரிக்க, அனிருத் இசையமைக்கிறார்.

மேலும் இப்படத்தில் கதாநாயகியாக நடிக்க பூஜா ஹேக் டே கமிட்டாகியுள்ளார் என்று தகவல் வெளியாகியுள்ளது.

இந்நிலையில் இப்படத்தில் வில்லனாக நடிக்க அருண் விஜய் தேர்ந்தெடுத்துள்ளனர் என ஏற்கனவே கிசுகிசுக்கப்பட்டது.

அதனை உறுதி செய்யும் விதத்தில், அருண் விஜய்யின் அடுத்தடுத்த படங்களின், விக்கிபீடியா பட்டியலில் தளபதி 65 படமும் சேர்ந்துள்ளது.

இதனால் தளபதி 65 படத்தில் விஜய்க்கு வில்லனாக அருண் விஜய் தான் நடிக்க இருக்கிறார் என்று பெரிதும் கூறப்படுகிறது.

சமுத்திரக்கனி…

அனுதினமும் நடக்கும் நிகழ்வுகளை மீம்ஸ் கிரியேட்டர்கள் தங்களது விமர்சனம் மூலம் மீமில் இருப்பவர்களை தூக்கி பேசுவார்கள் அல்லது சங்கடப் படுத்தவும் செய்வார்கள். அந்த வகையில் தற்போது சிக்கிக் கொண்டவர் இயக்குனரும் நடிகருமான சமுத்திரக்கனி.

ஏனென்றால் நாவலைத் தழுவி, நெசவுத் தொழிலை மையப்படுத்தி, வெற்றிமாறன் இயக்கிய சமுத்திரக்கனி நடித்த ‘சங்கத்தலைவன்’ படம் சென்ற வாரம் ரிலீஸானது. பொதுவாக சமுத்திரக்கனியின் படங்கள் எல்லாம் நீண்ட வசனங்கள் உடன் கூடிய கருத்துக்கள் பொதிந்த பிரச்சார படமாகவே இருக்கும்.

ஆகையால் இதைக் குறிவைத்து மீம்ஸ் நாயகர்கள் சமுத்திரக்கனிக்கு எதிராக எக்கச்சக்கமான மீம்ஸ்களை உருவாக்கி, அதை தற்போது சமூக வலைதளங்களில் ட்ரெண்டாக்கி வருகின்றனர். இதையெல்லாம் பார்த்துக்கொண்டிருந்த சமுத்திரக்கனி பேட்டி ஒன்றின் மூலம் மீம்ஸ் கிரியேட்டர்ஸ்களை சரமாரியாக வெளுத்து வாங்கியுள்ளார்.

அதில் சமுத்திரக்கனி, ‘படங்களில் கருத்து கூறுவது அட்வைஸ் கிடையாது. ஒரு அக்கறைதான் நடிக்கிறேன் என்பது அர்த்தம். எங்கேயும் ஒருத்தன் நான் கூறும் கருத்துக்களை முனைப்புடன் ஏற்கத் தயாராக இருப்பவனுக்கு கூறுகிறேன் என்று நினைத்துக் கொள்கிறேன்.

மீம்ஸ் போடுரவனுக்கு நான் சொல்லலை. என்னுடைய கருத்துக்களை ஏற்க வேண்டாம். நான் என்னை நேசிக்கின்ற ரசிகர்களுக்காக கருத்து சொல்லிக் கொண்டே இருப்பேன். இப்படி போன்ற படங்களை எல்லாம் எடுத்து நான் கோடிகோடியாக சம்பாதிக்க நினைக்கவில்லை.

இதனால் எனக்கு நஷ்டம் தான், ஆனால் அதை நான் சந்தோஷமாக ஏற்றுக்கொள்கிறேன். ஏனென்றால் இவ்வளவு எல்லாம் எனக்கு கொடுத்த சமூகத்திற்கு நான் ஓடி ஓடி சம்பாதித்து நல்ல படைப்பை கொடுத்திருக்கிறேன்’ என்ற மனத் திருப்தி கிடைக்கும். என்றாவது ஒரு நாள் திருந்துவாய் மாறுவாய் என்ற நம்பிக்கையில் அன்று வரை காத்திருக்கிறேன்’ என்று அந்தப் பேட்டியில் மீம்ஸ் கிரியேட்டர்ஸ்களை வறுத்து எடுத்துள்ளார் சமுத்திரக்கனி.

கார்த்திக் சுப்பராஜ்…

தனுஷ் மற்றும் கார்த்திக் சுப்பராஜ் இயக்கத்தில் உருவாகியுள்ள ஜகமே தந்திரம் படத்தால் இருவருக்குள்ளும் சில கருத்து வேறுபாடுகள் ஏற்பட்டதாக கூறுகின்றனர். இதன் காரணமாக தனுஷ் நடவடிக்கைகள் எதுவுமே கார்த்திக் சுப்புராஜுக்கு திருப்தியளிக்கும் வகையில் இல்லையாம்.

மாஸ்டர் பட வெளியீட்டின்போது தனுஷ் ஜகமே தந்திரம் படமும் இதே போல் தியேட்டர்களில் கொண்டாடப்படும் என தெரிவித்திருந்தார். ஆனால் ஜகமே தந்திரம் படத்தின் தயாரிப்பாளர் ஒய் நாட் ஸ்டூடியோஸ் சசிகாந்த் நெட்பிளிக்ஸ் தளத்தில் விலை பேசி முடித்துவிட்டார்.

இது தனுஷுக்கே தெரியாதாம். இதைக் கேள்விப்பட்ட தனுஷ் தன்னுடைய சமூக வலைதள பக்கத்தின் மூலமாக ஜகமே தந்திரம் படத்தின் மீது அதிருப்தியில் இருப்பதை வெளிக்காட்டினார். இதன் காரணமாக தற்போது வரை ஜகமே தந்திரம் படத்தின் டீசரை தனுஷ் பகிர்ந்து கொள்ளவில்லை.

தனுஷ் மற்றும் தயாரிப்பாளருக்கு இடையே உள்ள பஞ்சாயத்தால் தனுஷ் நடந்து கொள்ளும் விதம் கார்த்திக் சுப்புராஜுக்கு திருப்தி அளிக்கவில்லையாம். என்னதான் சண்டையாக இருந்தாலும் ஜகமே தந்திரம் படத்தின் டீசரை கூட பகிர்ந்து கொள்ளவில்லையே என வருத்தப்படுகிறாராம்.

மேலும் தனுஷ் தியேட்டரில் வெளியாகும் கர்ணன் படத்திற்கு நாளுக்கு நாள் அப்டேட் கொடுத்து ரசிகர்களை குஷிப்படுத்தி வரும் நிலையில் ஜகமே தந்திரம் படத்தை பத்து பைசாவுக்கு கூட மதிக்கவில்லை என தன்னுடைய நண்பர்கள் வட்டாரத்தில் புலம்பித் தள்ளுகிறாராம்.

மேலும் தனுஷ் இப்படி செய்வார் என எதிர்பார்க்கவில்லை என கூறியுள்ளார் கார்த்திக் சுப்புராஜ். இருந்தாலும் முதலில் கர்ணன் படம் தான் ரிலீஸ் என்பதால் அதில் கவனம் செலுத்துவதாக தனுஷ் வட்டாரங்களிலிருந்து கார்த்திக் சுப்புராஜுக்கு செய்திகள் தெரிவிக்கப்பட்டுள்ளன. இதனால் ஜகமே தந்திரம் ரிலீஸின்போது கண்டிப்பாக தனுஷ் உதவி செய்வார் என எதிர்பார்த்துக் காத்துக் கொண்டிருக்கிறாராம் கார்த்திக் சுப்புராஜ்.